کمٹہ میں کار اُلٹ گئی؛ بھٹکل کے دو نوجوان زخمی؛ مینگلور شفٹ

Source: S.O. News Service | By I.G. Bhatkali | Published on 23rd July 2019, 7:24 PM | ساحلی خبریں |

کمٹہ 23/جولائی (ایس او نیوز)  یہاں سے قریب دس کلو میٹر دور مرجان کے قریب برگی نیشنل ہائی وے پر ہوئے ایک حادثے میں بھٹکل کے دو افراد  زخمی ہوگئے جس میں ایک کو شدید چوٹ لگی ہے۔

اطلاع کے مطابق  بھٹکل مدینہ کالونی کے دو افراد مستنصر محتشم   اور عفیف برماور گوا سے بھٹکل لوٹ رہے تھے کہ  برگی نیشنل ہائی وے پر ان کی کار ڈیوائیڈر سے ٹکرا کر بے قابو ہوتے ہوئے اُلٹ گئی۔ حادثے میں  مستنصرکے سر کو چوٹ لگی ہے جبکہ عفیف کے ایک پاوں کو چوٹ لگی ہے۔ سمجھا جارہا ہے کہ موسلادھار بارش کی وجہ سے ان کی کار روڈ پر پھسل گئی تھی جس کے نتیجے میں غالباً  کار ڈیوائیڈر سے ٹکرائی اور ٹکر لگتے ہی اُلٹ گئی۔

حادثے میں دونوں زخمیوں کو فوری طور پر  کمٹہ سرکاری اسپتال لے جایا گیا جہاں  واقعے  کی اطلاع ملتے ہی کمٹہ کے سماجی کارکن اور نارتھ کینرا مسلم یونائیٹیڈ فورم اور کمٹہ  جماعت المسلمین کے جنرل سکریٹری جناب  محسن قاضی اور کمٹہ مسلم اسوسی ایشن کے نائب صدرجناب عبدالشکور   سرکاری اسپتال پہنچ گئے اور دونوں زخمیوں   کو  مینگلور روانہ کرنے ہرممکن تعاون فراہم کیا۔

بھٹکل مسلم یوتھ فیڈریشن کے  صدر جناب امتیاز اُدیاور جو  دونوں زخمیوں کو ساتھ لے کر  مینگلور روانہ ہوئے ہیں، فون پر گفتگو کرتے ہوئے بتایا کہ عفیف کے ساتھ ساتھ  مستنصر کی حالت بھی قدرے بہتر ہے اوروہ خطرے سے باہر ہے۔

ایک نظر اس پر بھی

مینگلور میں بھی بھٹکلی طالب علم کا شاندار پرفارمینس؛ تیسری بارلگاتار یونیورسٹی بلیو کا خطاب

 مینگلور کی ایس ڈی ایم لاء کالج میں زیر تعلیم  بھٹکل کا فٹ بال کھلاڑی محمد رائف گنگاولی نے اپنی کالج کی نمائندگی کرتے ہوئے پھر ایک باربہترین پرفارمینس پیش کرکے یونیورسٹی بلیو کا خطاب جیتنے میں کامیاب ہوگیا ہے جس کے ساتھ ہی وہ اب کرناٹکا اسٹیٹ لاء یونیورسٹی ہبلی کی نمائندگی ...

یلاپور ضمنی انتخاب میں بی جے پی کے شیورام ہیبار نے درج کی زبردست جیت

ضلع اُترکنڑا کے یلاپور منڈگوڈ اسمبلی حلقے سے ضمنی انتخاب میں بی جے پی کے امیدوار شیورام ہیبار نے 31,406ووٹوں کی اکثریت سے زبردست جیت درج کرتے ہوئے اپنے قریبی حریف کا نگریسی امیدوار بھیمنّا نائک کو شکست دے دی ہے۔

مینگلور کے قریب اپن انگڈی میں بیف سے بھرا کنٹینر ضبط۔، ڈرائیورگرفتار

یہاں سے قریب 55 کلو میٹر دور اپن انگڈی میں مصدقہ اطلاع کی بنیاد پر گاڑیوں کی چیکنگ کے دوران پولس نے ایک بیف سے بھرا کنٹینر ضبط کرلیا اور رضوان نامی ڈرائیور کو گرفتار کرلیا جس کے تعلق سے پولس کا کہنا ہے کہ یہ گوشت غیرقانونی طور پر لے جایا جارہا تھا۔

گوا میں ایک روزہ قومی سیمنار ”اردو زبان و ادب کی ترقی میں خواتین کا حصہ “؛ گوا میں فروغ اردو کی تمام اسکیمیں نافذ کرنے کی قومی کونسل ڈائرکٹر نے ظاہر کی خواہش

گوا ہندوستان کا وہ خوبصورت اور طلسماتی جزیرہ ہے جو اپنی سیاحتی اور ثقافتی اہمیت کے پیش نظر پوری دنیا میں مشہور ہے۔یہاں کے ساحل سمندر سے وابستہ مختلف سیاحتی مقامات کی سیر کو پوری دنیا کے سیاح آتے ہیں۔ میری خواہش ہے کہ اس خوبصورت جادو نگری میں اردو جیسی خوبصورت زبان کو ترقی دی ...