پی یو سی سال اول کے سالانہ امتحانات کا انعقادامسال بھی ہوگا فروری میں
کاروار 19/نومبر (ایس او نیوز)ماضی میں پی یو سی سال اول کے سالانہ امتحانات مارچ کے مہینے میں ہوا کرتے تھے۔ لیکن این سی آر ٹی کی جانب سے نصاب جاری ہونے کے بعد سال 2014/15سے یہ امتحانات فروری میں منعقد ہونے لگے ہیں،جس سے طلبہ اور اساتذہ مطمئن نہیں ہیں۔ ان کا کہنا ہے کہ نصابی تعلیم مکمل کرنے کے لئے مناسب وقت نہیں ملتا۔ اس کے علاوہ ان کایہ الزام بھی ہے کہ پی یو بورڈ سال دوم کے امتحانات کو ہی اہمیت دیتا ہے اور سال اول کو نظر انداز کررہا ہے۔
دوسری طرف ڈی ڈی پی کاروار کا کہنا ہے کہ اس مرتبہ تعلیمی سال کا آغاز مئی کے مہینے سے ہی کیاگیاتھا اس لئے دسمبر کے آخر تک نصابی تدریس مکمل کرنے کے لئے محکمہ تعلیمات کی طرف سے ہدایت موصول ہوئی ہے۔بعض مقامات پر اساتذہ کی کمی کی وجہ سے نصاب مکمل کرنے میں رکاوٹ ہورہی ہے لیکن وہاں پر ڈیپیوٹیشن کے ذریعے اساتذہ کا انتظام کرکے اس مسئلے کو حل کیاجارہا ہے۔چونکہ پی یوسی سال دوم کے امتحانات مارچ کے پہلے ہفتے میں ہونے والے ہیں اس لئے فروری میں ہی سال اول کے امتحانات ختم کرنے کا فیصلہ کیا گیا ہے۔