بنگلہ دیش نے ویسٹ انڈیز کو دی پہلے ون ڈے میں 48رنوں سے شکست

Source: S.O. News Service | By Shahid Mukhtesar | Published on 24th July 2018, 12:48 PM | اسپورٹس |

گیانا ،24جولائی(ایس او نیوز؍آئی این ایس انڈیا)تیمم اقبال اور شکیب الحسن کے درمیان ڈبل سنچری شراکت کی مدد سے بنگلہ دیش نے ٹیسٹ سیریز کی شکست کو بھلاتے ہوئے پہلے ون ڈے میچ میں آج ویسٹ انڈیز کو 48رنز سے شکست دے دی۔مین آف دی میچ تیمم نے ناٹ آؤٹ 130 رنز بنائے جو ویسٹ انڈیز کے خلاف ون ڈے میں کسی بنگلہ دیشی بلے باز کا سب سے زیادہ سکور ہے۔ثاقب نے 97 رنز کی اننگز کھیلی۔دونوں نے دوسرے وکٹ کے لئے 207رن کی ساجھیداری کی۔ان کی اننگز کے بدولت بنگلہ دیش نے چار وکٹ پر 279 رن بنائے۔بعد میں مشرف مرتضی نے 37 رن دے کر چار وکٹ لئے جس کی وجہ سے ویسٹ انڈیز ٹیم 231 رن ہی بنا سکی۔کرس گیل اور شمرون ہیٹمییر کے کریز پر رہتے ویسٹ انڈیز ٹیم ہدف کی طرف بڑھتی دکھ رہی تھی۔گیل 40 رنز بنا کر رن آؤٹ ہو گئے جبکہ ہیٹمییر 52 کے اسکور پر پویلین لوٹے۔اس کے بعد ویسٹ انڈیز کے وکٹ مسلسل گرتے رہے۔ آخری وکٹ کے لئے دیویندر بشو اور الجاری جوزف نے 59رن جوڑے لیکن ہار کو نہیں ٹال سکے۔بنگلہ دیش کے لیے مشفق الرحیم نے بھی 11 گیند میں 30 رن بنائے۔آخری دو اوور میں بنگلہ دیشی ٹیم نے 43رن جوڑے۔تیمم نے اپنی اننگز میں 160 گیند کھیل کر دس چوکے اور تین چھکے لگائے۔

ایک نظر اس پر بھی

دو تین سالوں تک اسی صلاحیت کے ساتھ کھیل سکتا ہوں: وراٹ کوہلی

ہندوستانی کرکٹ ٹیم کے کپتان وراٹ کوہلی کا خیال ہے کہ مصروف شیڈول کے درمیان باقاعدہ آرام کرنے سے انہیں بین الاقوامی کرکٹ کے تمام فارمیٹس کے علاوہ آئی پی ایل کھیلنے میں بھی مدد ملی ہے اور وہ اگلے دو تین سال تک اسی صلاحیت کے ساتھ کھیل سکتے ہیں۔

پاکستان کے آل راؤنڈرشاہد آفریدی کے گھر پانچویں بیٹی کی پیدائش

پاکستان کے آل راؤنڈر شاہد آفریدی کے یہاں پانچویں بیٹی کی پیدائش ہوئی ہے۔ شاہد آفریدی نے سوشل میدیا پر اپنی بیٹیوں کی تصویر شیئر کرتے ہوئے لکھا ہے کہ میں یہ خوشخبری اپنے چاہنے والوں کے ساتھ شیئر کر رہا ہوں۔