وجیا نگر 2/ نومبر (ایس او نیوز) وجیا نگر ضلع کے چنّا ہلّی ٹانڈا کی ایک جھیل میں 4 نوجوان طالب علم غرقاب ہو گئے جن میں دو سگے بھائی بہن بھی شامل ہیں.
جھیل میں ڈوب کر ہلاک ہونے والوں کی شناخت اشوینی (17 سال) ، اس کا بھائی ابھیشیک (14 سال)، کاویا (19 سال) اور اپوروا (14سال) کے طور پر کی گئی ہے.
موصولہ رپورٹ کے مطابق حادثہ اس وقت پیش آیا جب یہ بچے جھیل کنارے سیر کے لئے گئے تھے ۔ اس دوران مبینہ طور پر ابھیشیک کا پاوں پھسل گیا اور وہ جھیل میں گر گیا ، تب باقی بچوں نے اسے بچانے کی کوشش کی اور سب کے سب پانی میں بہہ گئے.
اطلاع ملتے ہی پولس جائے وقوع پر پہنچی اور غوطہ خوروں کی مدد سے چاروں کی نعشیں باہر نکالی گئی۔ اس تعلق سے ہرپن ہلّی پولس تھانہ میں معاملہ درج کیا گیا ہے۔