جموں و کشمیر میں سال رواں کے دوران 72 آپریشنز میں 177 ملی ٹنٹ مارے گئے: دلباغ سنگھ

Source: S.O. News Service | Published on 17th September 2020, 9:53 PM | ملکی خبریں |

سری نگر،17؍ستمبر (ایس او نیوز؍ایجنسی) جموں و کشمیر پولیس سربراہ دلباغ سنگھ نے کہا ہے کہ سال رواں کے دوران جموں و کشمیر میں اب تک 72 ملی ٹنٹ مخالف آپریشنز کے دوران مجموعی طور پر 177 ملی ٹنٹ مارے گئے ہیں جن میں سے 12 ملی ٹنٹ صوبہ جموں میں ہلاک کیے گئے ہیں۔ انہوں نے کہا کہ سال رواں کے دوران اب تک 20 نوجوان ملی ٹنٹوں کی صفوں سے ناطہ توڑ کر گھر والوں کے ساتھ مل گئے ہیں۔

موصوف نے کہا کہ ان مہلوک ملی ٹنٹوں میں سے 22 ملی ٹنٹ غیر ملکی ہیں جنہیں پاکستان نے یہاں بھیجا ہے۔ دلباغ سنگھ نے ان باتوں کا اظہار جمعرات کو یہاں پولیس کنٹرول روم میں منعقدہ ایک پریس کانفرنس کے دوران کیا۔ انہوں نے کہا کہ 'سال 2020 ملی ٹنٹ مخالف آپریشنز کے حوالے سے بھی کامیاب سال رہا ہے۔ اس سال کے دوران اب تک کل 72 آپریشنز کیے گئے جن میں مجموعی طور پر 177 ملی ٹنٹ ہلاک کیے گئے۔ ان مہلوک ملی ٹنٹوں میں سے 12 صوبہ جموں میں مارے گئے جبکہ باقی 165 یہاں کشمیر میں ہلاک کیے گئے'۔

موصوف پولیس سربراہ نے کہا کہ سال رواں کے دوران مہلوک ملی ٹنٹوں میں سے 22 ملی ٹنٹ غیر ملکی تھے۔ انہوں نے کہا کہ 'سال رواں کے دوران اب تک مارے گئے ملی ٹنٹوں میں سے 22 غیر ملکی ملی ٹنٹ ہیں۔ جیش محمد اور لشکر طیبہ نامی ملی ٹنٹ تنظیموں میں کافی تعداد میں پاکستانی ملی ٹنٹ شامل ہیں'۔ دلباغ سنگھ نے کہا کہ امسال اب تک 20 نوجوانوں نے ملی ٹنٹوں کی صفوں سے ناطہ توڑ دیا۔

انہوں نے کہا کہ ہماری ہر جگہ کوششیں رہتی ہیں کہ تصادم آرائی کے دوران بھی ملی ٹنٹوں کو خود سپردگی کرنے کا موقع دیا جائے اور ہماری یہ بھی کوششیں رہتی ہیں کہ غلط راستہ اختیار کرنے والے نوجوان صحیح راستے پر آکر اپنی زندگی گزر بسر کریں۔ موصوف نے نوجوانوں سے ایک بار پھر تشدد کا راستہ ترک کرنے کی اپیل کرتے ہوئے کہا کہ 'میری نوجوانوں سے ایک بار پھر اپیل ہے کہ وہ غلط راستے کوترک کریں کیونکہ یہ نہ صرف ان کے لئے خطرہ ہے بلکہ پورے سماج اور لوگوں کے لئے بھی ایک خطرہ بن جاتا ہے'۔

ایک نظر اس پر بھی

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

اب وزیر اعلیٰ پینارائی وجین کی بیٹی کے خلاف ای ڈی نے درج کیا مقدمہ، جلد پوچھ تاچھ کا امکان

ایک طرف لوک سبھا انتخاب کی سرگرمیاں جاری ہیں، اور دوسری طرف مرکزی تفتیشی ایجنسیوں کے ذریعہ اپوزیشن لیڈران و ان کے رشتہ داروں کو بھیجے جانے والے سمن و پوچھ تاچھ سرخیاں بن رہی ہیں۔ ابھی دہلی کے وزیر اعلیٰ اروند کیجریوال کی گرفتاری پر ہنگامہ جاری ہے اور کے. کویتا بھی حراست میں ...

لوک سبھا انتخاب 2024: کانگریس نے امیدواروں کی آٹھویں فہرست جاری کی، 14 امیدواروں کے نام شامل

کانگریس نےلوک سبھا انتخاب کے پیش نظر اپنے امیدواروں کی آٹھویں فہرست جاری کر دی۔ اس فہرست میں کانگریس نے 14 امیدواروں کا اعلان کیا ہے جن کا تعلق اتر پردیش، تلنگانہ، مدھیہ پردیش اور جھارکھنڈ سے ہے۔ فہرست کے مطابق اتر پردیش و تلنگانہ کی 4-4 اور مدھیہ پردیش و جھارکھنڈ کی 3-3 لوک سبھا ...

پنجاب: ’بی جے پی میں شمولیت کے لیے پیسے کی پیشکش کی گئی‘، عآپ کے 3 اراکین اسمبلی کا دعویٰ

نجاب سے عام آدمی پارٹی (عآپ) کے تین اراکین اسمبلی نے بدھ کے روز دعویٰ کیا کہ انھیں بی جے پی میں شامل ہونے کے لیے پیسے دینے کی پیشکش کی گئی تھی۔ پنجاب سے عآپ کے واحد لوک سبھا رکن اور ایک رکن اسمبلی نے بدھ کے روز بی جے پی میں شمولیت اختیار کر لی، اس کے بعد عآپ کے ان تین اراکین ...