میسورو،13؍جون (ایس او نیوز؍نامہ نگار) 21جون کو میسور وکے شاہی محل کے احاطے میں انٹرنیشنل یوگا ڈے پروگرام کو منظم طریقے سے منعقد کرنے کیلئے کئی ریہرسل کئے جارہے ہیں۔

بروز اتوار میسورو کے شاہی محل کے احاطے میں دوسرا ریہرسل کیا گیا جس میں 16000سے زیادہ افراد نے شرکت کی،جن میں بچے، نوجوان مرد،خواتین، لڑکے اور لڑکیاں اور بزرگوں نے شرکت کی۔

اسی طرح 19جون بروز اتوار مزید ایک اور ریہرسل کیا جائے گا، جس کا اہتمام مرکزی حکومت کے محکمہ آیوش کی جانب سے کیا جائے گا۔بروز اتوار میسور کے شاہی محل کے احاطے میں منعقدہ تیسرے ریہرسل کا افتتاح ستور مٹھ کے شری دیشی کیندراسوامی نے شمع جلاکر کیا۔

اس موقع پر خطاب کرتے ہوئے سوامی جی نے کہا کہ وزیر اعظم نے 21 جون کو ایک مقصد کے تحت انٹرنیشنل یوگا ڈے مقرر کیا ہے، کیوں کہ 21جون کو سورج نارتھ پول میں رہے گا اور ہردن یوگا کرنے سے صحت اچھی رہے گی۔

مرارجی دیسائی، نیشنل انسٹی ٹیوٹ آف یوگا کے ڈائرکٹر ایشور بسورادی نے کہا کہ میسور کے سابق مہاراجاؤں نے یوگا پر کئی کتابیں لکھی ہیں، شاہی خاندان کے چشم و چراغ شری یدوویر واڈئیر نے کہا کہ وزیر اعظم کی آمد سے شہر کو ایک فخر محسوس ہوگا۔

21جون کو میسور کے شاہی محل کے بلرام جئے راما گیٹ کے سامنے ایک وسیع اسٹیج تعمیر کیا جائے گا، جس پر وزیر اعظم عوام سے خطاب کریں گے۔

رکن پارلیمان پرتاب سمہا، رکن اسمبلی ا یس اے رام داس،موڈا کے چیرمین ایچ وی راجیو، پیالیس بورڈ کے ڈپٹی ڈائرکٹر ٹی ایس سبرامنیا، یوگا فیڈریشن آف میسور کے صدر ڈی ہری، نائب صدر ستیہ نارائن، خزانچی بی پی مورتی اور سکریٹری ڈاکٹرپی این گنیش کمار بھی اس موقع پر موجودرہیں گے۔