سورت،20؍جنوری(ایس او نیوز؍ایجنسی) گجرات کے ضلع سورت میں گذشتہ دیر رات ایک بے قابو گاڑی سڑک کنارے سونے والے 20 افراد پر چڑھ گئی جس کے نتیجے میں 15 کی موت واقع ہو گئی۔ حادثہ سورت سے تقریباً 50 کلومیٹر دور کِم-مانڈوی روڈ پر کوسنبا کے پلوڈگام کے نزدیک پیش آیا۔
ذرائع سے ملی اطلاع کے مطابق ہلاک ہونے والے بنیادی طور پر راجستھان کے ضلع بانسواڑہ کے کُشل گڑھ کے مزدور تھے ہلاکتوں میں بچے اور خواتین بھی شامل ہیں۔
ذرائع سے ملی اطلاع کے مطابق پیر اور منگل کی درمیانی رات ایک تیز رفتار ڈمپر، گنا لدے ہوئے ایک ٹریکٹر- ٹرالی سے ٹکراگئی، جس کے ڈمپر بے قابو ہوکر سڑک کنارے سونے والے مزدوروں پر چڑھ گئی۔ ان میں سے 12 کی تو موقع پر ہی موت ہو گئی۔ آٹھ زخمیوں میں سے تین نے سورت کے ایک اسپتال میں دم توڑ دیا۔
پولیس نے ڈمبپر کو ضبط کرکے اس کے ڈرائیور اور کلینر کواپنی تحویل میں لےلیا ہے۔ بتایا جاتا ہے کہ ڈرائیور نے شراب پی رکھی تھی۔ معاملے کی تفصیلی چھان بین کی جا رہی ہے۔
اس درمیان وزیراعظم نریندر مودی نے اس حادثے پر تکلیف کا اظہار کرتے ہوئے ہلاکتوں کے اہل خانہ کو دو دو لاکھ روپئے اور زخمیوں کے لیے 50 ہزار روپیے کی امداد کا اعلان کیا ہے۔