کلبرگی،یکم مئی(ایس او نیوز)  لاک ڈاون کی خلاف ورزی کرنے کے الزام میں کلبرگی میں مسجد میں نماز ادا کرنے کے الزام میں 14 لوگوں کو گرفتار کیا گیا ہے۔ پولیس نے جمعرات کو یہ اطلاع دی۔ ذرائع سے ملی اطلاع کے مطابق پولیس کو مزید دو لوگوں کی تلاش ہے، جو منگل کو نماز میں شریک  ہوئے تھے۔ ایک پولیس افسر  کے حوالے سے ذرائع نے بتایا کہ، ’ہم نے ٹی بومن ہلی مسجد سے منگل کو 14 لوگوں کو گرفتار کیا ہے۔

افسر کے مطابق 16 لوگ نماز کے لئے مسجد میں جمع ہوئے تھے، لیکن اس کی اطلاع ملنے پر جب پولیس وہاں پہنچی، تب ان میں سے دو لوگ بھاگ گئے۔ خیال رہے کہ کورونا وائرس کو پھیلنے سے روکنے کے لئے ملک بھر میں  لاک ڈاون نافذ ہے جس کے دوران عبادت گاہوں میں بھی بھیڑ بھاڑ جمع کرنے پر پابندی عائد کی گئی ہے۔