’فانی طوفان‘ سے بنگلہ دیش میں 14 اموات‘ 63 افراد زخمی

Source: S.O. News Service | By Shahid Mukhtesar | Published on 5th May 2019, 11:52 AM | ملکی خبریں | عالمی خبریں |

ڈھاکہ ، 5؍مئی (ایس او نیوز؍ایجنسی) بنگلہ دیش میں شدید طوفان ’فانی‘ کے سبب ہونے والی تباہی میں ہفتہ کو کم از کم 14 افراد فوت اور 63 دیگر زخمی ہوگئے۔ ایک روز قبل اس طوفان نے پڑوسی ہندوستان میں تباہی مچائی تھی۔ بنگلہ دیشی حکام نے کہا کہ زائد از 1.6 ملین افراد کو محفوظ تر مقامات کو منتقل کیا گیا جبکہ تقریباً 36 دیہات سیلاب کی زد میں آگئے اور ملک کے ساحلی علاقوں میں طوفان نے کئی پشتوں کو توڑ دیا ہے۔ ڈھاکہ ٹربیون نے رپورٹ دی کہ اموات کی اطلاعات آٹھ اضلاع سے موصول ہوئیں جن میں نواکھلی، بھولا اور لکشمی پور شامل ہیں جو سائیکلون سے بدترین متاثرہ مقامات ہیں۔ متوفیوں میں 2 سالہ لڑکا اور چار خواتین بھی شامل ہیں۔ اخبار کی اطلاع کے بموجب ضلع نواکھلی میں ایک نابالغ فوت ہوا اور اسی فیملی کے کئی دیگر ارکان زخمی ہوئے جب ان کا گھر طوفان کے دوران اُن پر گرپڑا۔ علاوہ ازیں، 30 دیہاتی بھی زخمی ہوئے۔ طوفان نے مجموعی طور پر سینکڑوں مکانات کو تباہ کیا ہے۔ ضلع لکشمی پور میں 70 سالہ انورہ بیگم طوفان کی سبب مکان گرنے سے فوت ہوگئیں۔ ہواؤں کے تیز جھکڑوں کے ساتھ آئے طوفان نے ملک کے ساحلی اضلاع کو شدید متاثر کیا اور کئی سو مکانات تباہ کئے۔ ’ڈیلی اسٹار‘ کی رپورٹ کے مطابق بنگلہ دیش کے کئی حصوں میں آسمان بدستور ابرآلود ہے اور جمعہ سے ملک بھر میں بارش اور گرج و چمک کے بونداباندی نیز تیز ہوائیں جاری ہیں۔

طوفان شروع ہوتے ہی ملک کے کئی علاقوں سے برقی اور انٹرنٹ کنکشن میں خلل پیدا ہونے کی اطلاعات موصول ہوئی ہیں۔ مشکل موسمی حالات نے حکام کو ابھی تک متعدد پروازیں منسوخ کرنے اور بعض دیگر میں تاخیر کرنے پر مجبور کیا ہے۔

ایک نظر اس پر بھی

بابری مسجد ملکیت کا معاملہ؛ مقدمہ کی سماعت آخری مرحلے میں، ایڈوکیٹ ڈاکٹر راجیو دھون پیر کو کریں گے بحث ؛ 17 اکتوبر تک تمام فریقین کو بحث مکمل کرنے کے احکامات

بابری مسجد حق ملکیت معاملہ کی سماعت کل پیر سے ایک بار پھرشر وع ہونے جارہی ہے، حتمی بحث کا یہ 38 واں دن ہوگا جس کے دوران سوٹ نمبر 4 پر مسلمانوں کی نمائندگی کرنے والے  وکیل ڈاکٹر راجیو دھون اپنی نا مکمل بحث کا آغاز کریں گے۔گذشتہ ایک ہفتہ سے دسہرے کی تعطیلات کی وجہ سے عدالت کی ...

سول سوسائٹی کے ارکان کے ساتھ مل کر جماعت اسلامی ہند وفد کا کشمیر دورہ، کشمیر کے مسائل پر عام لوگوں سے کی گفتگو

سول سوسائٹی اور جماعت اسلامی ہند کے   ذمہ داران پر مشتمل ایک وفدنے مورخہ7/ اکتوبر سے 10/ اکتوبر کے درمیان کشمیر کا دورہ کیا اور وہاں کے حالات کا جائزہ لینے کے بعد پریس ریلیز جاری کرتے ہوئے بتایا کہ ابھی بھی کشمیر میں عوام بے حد پریشان ہیں اور کئی مسائل کا سامناکررہے ہیں۔ ریلیز ...

’وعدے پورے نہیں کرنے والی بی جے پی کو ووٹ مانگنے کا کوئی حق نہیں‘: رامیشور راؤ

جھارکھنڈ ریاستی کانگریس کمیٹی کے صدر اور سابق ممبر پارلیمنٹ رامیشور راؤ نے الزام لگاتے ہوئے آج کہا ہے کہ ریاست کے وزیراعلی رگھوبر داس کی قیادت میں بھارتیہ جنتا پارٹی (بی جے پی) کی حکومت گزشتہ پانچ برسوں میں وعدے پورے کرنے میں ناکام رہی ہے اس لئے اسے عوام سے ووٹ مانگنے کا کوئی ...

کانگریس رکن بننے پر فخر محسوس کر رہی ہوں: الکا لامبا

گزشتہ اسمبلی انتخابات میں دہلی کی چاندنی چوک سے عام آدمی پارٹی کے ٹکٹ پر اسمبلی پہنچنے والی الکا لامبا ہفتہ کو کانگریس میں واپس آگئیں۔ کانگریس کے پارٹی معاملات کے دہلی کے انچارج پی سی چاکو کی موجودگی میں محترمہ لامبا نے پارٹی کی رکنیت حاصل کی۔ کانگریس کی طلبا یونین کی تنظیم ...

کشمیر میں مواصلاتی پابندی، اہلیان کشمیر پر قہر سامانیوں کی داستان

وادی کشمیر میں گزشتہ زائد از دو ماہ سے موبائل فون اور انٹرنیٹ خدمات پر پابندی، جو ہنوز جاری ہے، کے دوران اہلیان وادی کو جن متنوع مصائب و گوناگوں مشکلات سے دوچار ہونا پڑا ان مصائب ومشکلات سے نصف صدی قبل کے لوگ بھی دوچار نہیں تھے۔