منگلورو،20؍جون(ایس او نیوز)جمعہ کے دن جنوبی کینرا میں کووِڈ کے 13نئے معاملے سامنے آئے ہیں، جن میں سے 11افراد بیرونی ملک سے واپس لوٹے ہوئے ہیں۔ جبکہ اڈپی ضلع میں 11نئے معاملے ریکارڈ کیے گئے ہیں۔

جنوبی کینرا کے 13مریضوں میں سے 7مرد اور 6خواتین ہیں۔ان سے 4افراد سعودی عربیہ سے اور 7افراد شارجہ سے لوٹے ہیں۔ دو افرا د کو انفلوئنزا جیسی شکایات پیدا ہوئی ہیں۔اس کے ساتھ ہی جنوبی کینرا میں دیگر اضلاع کے 10مریضوں کے ساتھ اب تک جملہ متاثرین کی تعداد 422ہوگئی ہے۔ ان میں سے 208فی الحال ایکٹیو کیس ہیں۔جمعہ کے دن 30مریضوں کو صحت یاب ہونے کے بعد اسپتال سے ڈسچارج کیا گیا ہے جس سے اب تک صحت یاب ہونے والوں کی تعداد 206ہوگئی ہے اور 8مریضوں کی اب تک موت واقع ہوگئی ہے۔

اڈپی ضلع میں جمعہ کے دن 3بچوں سمیت 11افراد کی رپورٹ پوزیٹیو آئی ہے۔ان میں سے 6مرد اور 5خواتین ہیں۔جملہ 11مریضوں میں سے 4مہاراشٹرا سے لوٹے ہیں، دوافراد نے تملناڈو کا سفر کیا تھااورتین لوگ مریض نمبر7024اوردولوگ مریض نمبر 7291سے رابطے میں آنے کی وجہ سے اس مرض کاشکار ہوئے ہیں۔اڈپی ضلع میں متاثرین کی کل تعداد1,050ہوگئی ہے جن میں سے اب صرف  98ایکٹیو کیس باقی رہ گئے ہیں۔ جمعہ کے دن ڈسچارج کیے گئے 4افراد سمیت اب تک اسپتال سے صحت یاب ہوکر چھٹی پانے والے مریضوں کی تعداد 950ہوگئی ہے، جبکہ دو افراد اس مرض کی وجہ سے موت کاشکار ہوچکے ہیں۔