دوبئی میں بھیانک سڑک حادثہ 12 ہندوستانی شہری سمیت17افراد ہلاک

Source: S.O. News Service | By I.G. Bhatkali | Published on 8th June 2019, 2:23 PM | ملکی خبریں | خلیجی خبریں |

دوبئی-8/جون (ایس او نیوز) دوبئی میں جمعرات کی شام کو ہوئے ایک بھیانک سڑک حادثے میں 12 ہندوستانی شہریوں سمیت 17 افراد ہلاک ہوگئے جبکہ پانچ دیگر کی حالت نازک بتائی گئی ہے۔ ذرائع سے ملی اطلاع کے مطابق بس پر  مختلف ممالک کے کل 31مسافر سوار تھے۔

دوبئی پولیس نے بتایا کہ یہ حادثہ جمعرات شام قریب چھ بجے اس وقت  پیش آیا ہوا جب  بس عمان سے دبئی  آنے کےدوران ڈرائیور کے قابو سے باہر ہوگئی اور دوبئی  کے شیخ محمد بن زائد روڈ پر راشیدیہ میٹرو اسٹیشن کے نزدیک سڑک کے بائیں طرف واقع اونچے ٹریفک سگنل کے کھمبے سے تیز رفتاری کے ساتھ ٹکراگئی- پولس کے مطابق بس کے بائیں طرف والی سیٹوں پر سوار سبھی  مسافر   حادثے میں ہلاک ہوگئے جس میں  مختلف ممالک کے کم سے کم17شہری تھے جبکہ  پانچ دیگر سنگین طور پر  زخمی ہوگئے - پولس  نے بتایا کہ حادثے کے وقت بس پر  مختلف ممالک کے 31مسافر سوار تھے جن میں سے آدھے سے زیادہ مسافروں کا تعلق عمان سے تھا- بس پر سوار مسافر عید کی چھٹی منا کر عمان سے واپس دبئی   لوٹ رہے تھے ۔

دبئی میں واقعہ ہندوستانی قونصلیٹ نے ایک ٹوئٹ میں کہا ہے کہ دبئی میں ہندوستانی قونصلیٹ نے اس دردناک حادثے میں مارے گئے متاثرہ اہل خانہ کے تئیں اپنے گہرے دکھ کا اظہار کرتی ہے - قونصلیٹ کے دیگر افسروں نے متاثرہ لوگوں کے رشتہ داروں، پولیس افسروں اور اسپتال کے عملے سے ملاقات بھی کی ہے -اس درمیان ہندوستانی قونصلیٹ نے اس حادثے میں 8 ہندوستانیوں کے ناموں کی فہرست جاری کی ہے - جن میں راجا گوپالن، فیروز خان پٹھان، ریشما فیروز خان پٹھان، دیپک کمار، جمال الدین اراقک وٹھل، کرن جانی، واسو دیو اور تلک رام جواہر ٹھاکر شامل ہیں ۔ مرنے والوں میں دو مسافرپاکستان کے شہری بتائے گئے ہیں جن کی شناخت شفیق احمد اور شہزاد خان کی حیثیت سے کی گئی ہے۔

حکومت  عمان کی ملکیت والی بس کمپنی مواصلات نے ٹوئٹر پر ایک بیان جاری کرتے ہوئے  مرنے والوں کے خاندانوں کے تئیں گہرے دکھ کا اظہار کیا  ہے  اور  اگلی اطلاع تک مسقط اور دوبئی کے درمیان روزانہ سروس کو معطل کرنے کا اعلان کیا  ہے -انہوں نے کہا کہ بس سروس کو معطل کرنے کا فیصلہ دوبئی کی سڑک اور ٹریفک اتھارٹی کے ساتھ صلاح ومشورہ کے بعد کیا گیا ہے۔

دوبئی پولیس کے سربراہ میجر جنرل عبداللہ المری نے حادثے پر گہرے دکھ کا اظہارکیا ہے۔ بتایا گیا ہے کہ قونصلیٹ کے افسروں نے کچھ متوفیوں کے اہل خانہ سے رابطہ کیا ہے اور تفصیلی اطلاعات کا انتظار کررہے ہیں تاکہ متاثرہ لوگوں کے اہل خانہ کو باخبر کیا جاسکے۔  قونصلیٹ کے مطابق چار زخمیوں کو ابتدائی طبی امداد کے بعد راشد اسپتال سے چھٹی دے دی گئی ہے -قونصلیٹ کے مطابق جیسے ہی مقامی افسروں سے تازہ تفصیلات حاصل ہوں گی ہم اسے اپ ڈیٹ کردیں گے - قونصلیٹ نے بتایا کہ ہمارے افسر راشد اسپتال، دوبئی میں تعاون کیلئے موجود ہیں - ہمارا ہیلپ لائن 565463903 971 + پر یا ہمارے افسر سنجیو کمار موبائل نمبر+971-504565441پر کسی بھی سوالات کا جواب دے سکتے ہیں -ہندوستانی قونصلیٹ نے متاثرہ اہل خانہ کے تئیں گہرے دکھ کا اظہار کرتے ہوئے تعزیت پیش کیا ہے - قونصلر جنرل نے دیگر افسروں اور حادثے سے متاثر لوگوں کے رشتہ داروں، انتظامیہ ا ور پولیس افسروں سے دیر تک ملاقات کی-

وزیرخارجہ کا اظہارافسوس:وزیر خارجہ ایس جے شنکر نے ہندوستانی مشن کی جانب سے ہلاک شدگان کے گھروالوں کو پوری مدد مہیا کرانے کا بھروسہ دلایا ہے -ڈاکٹر جے شنکر نے ٹویٹ کرکے کہاکہ دبئی  میں ہوئے  بس حادثے سے میں  بہت دکھی ہوں -دبئی میں واقع ہندوستانی قونصل خانہ لواحقین کی مدد کررہا ہے -قونصل خانے کے افسر راشیدیا پولیس تھانے اور مردہ گھر میں موجود ہیں اور ہلاک شدگان کے لواحقین کو ہرممکن مدد مہیا کرارہے ہیں -انہوں نے کہا کہ وہ جلد از جلد خانہ پری مکمل کرانے کی کوشش کررہے ہیں تاکہ ان کی نعشوں کو جلد ملک واپس لایا جاسکے -

ایک نظر اس پر بھی

آگسٹا ویسٹ لینڈ کے ملزم کے خلاف کارروائی پر روک لگانے کے لئے دہلی ہائی کورٹ کے فیصلے کو سپریم کورٹ نے کیا منسوخ

آگسٹا ویسٹ لینڈ کے ملزم گوتم کھیتان کے خلاف کارروائی پر روک لگانے کے لئے دہلی ہائی کورٹ کے فیصلے کو سپریم کورٹ نے منسوخ کر دیا۔سپریم کورٹ نے دوبارہ دہلی ہائی کورٹ سے کھیتان کی عرضی پر سماعت کرنے کو کہا۔دہلی ہائی کورٹ نے کہا تھا کہ کھیتان کا معاملہ 1 اپریل 2016 سے پہلے کا ہے لہٰذا ...

یوپی کی سابق ایم پی اور کانگریس لیڈر راج کماری رتنا سنگھ بی جے پی میں ہوئیں شامل

پرتاپ گڑھ کی سابق ایم پی اور کانگریس لیڈر راج کماری رتنا سنگھ اپنے حامیوں کے ساتھ بھارتیہ جنتا پارٹی (بی جے پی) میں شامل ہو گئیں ہیں۔رتناسنگھ نے وزیر اعلی یوگی آدتیہ ناتھ کی موجودگی میں بی جے پی کی رکنیت حاصل کی۔بتا دیں کہ پرتاپ گڑھ کے گڑوارا میں منگل کو وزیر اعلی یوگی آدتیہ ...

یوپی: دو سال کی بچی سے عصمت دری، ملزم گرفتار

شہر کے تھانہ سی بی گنج علاقے کے ایک گاؤں میں دو سال کی بچی کے ساتھ پڑوسی نے مبینہ طور پر عصمت دری کی۔پولیس نے ملزم کو گرفتار کر لیا ہے۔سینئر پولیس سپرنٹنڈنٹ شیلندر پانڈے نے منگل کو بتایا کہ گاؤں کے رہائشی ایک شخص کی دو سالہ بیٹی پیر کی شام گھر کے باہر کھیل رہی تھی۔

بندیل کھنڈ: پہلے سوکھا اور اب بے موسم کی بارش سے پریشان کسان کررہے ہیں خودکشی

پہلے سوکھا اور اب زیادہ بارش کی وجہ سے بندیل کھنڈ کے کسان خودکشی کر رہے ہیں۔کئی سال سے بندیل کھنڈ میں پڑ رہے سوکھے کی وجہ سے کسان خودکشی کر رہے تھے، لیکن اس سال بے موسم بارش کی وجہ سے بندیل کھنڈ میں خریف کی فصل برباد ہوگئی۔جس سے کسانوں میں زبردست مایوسی ہے۔

مدھیہ پردیش: آبکاری افسر کے ٹھکانوں پر لوک آیکت کے چھاپے، کروڑوں کی جائیداد کا انکشاف

مدھیہ پردیش کے اندور میں آبکاری محکمہ کے اسسٹنٹ کمشنر آلوک کھرے کے کئی ٹھکانوں پر منگل کو لوک آیکت کی ٹیم نے چھاپہ ماری کی۔ابتدائی تحقیقات میں ہی دو مقامات پر 57 ایکڑ کے فارم ہاؤس سمیت کروڑوں کی جائیداد کا انکشاف ہوا ہے۔ٹیم مزید تفتیش میں لگی ہوئی ہے۔لوک آیکت کے ذرائع سے ملی ...

مہاراشٹر اسمبلی الیکشن:بی جے پی نے جاری کیا منشور، ساورکر کو ’بھارت رتن‘دلانے کا کیا وعدہ

 بی جے پی کے قومی ایگزیکٹو چیئرمین جے پی نڈا اور وزیر اعلی دیویندر فڑنویس نے منگل کو مہاراشٹر اسمبلی انتخابات کے لئے منشورجاری کیا۔بھارتیہ جنتا پارٹی کے منشور میں مہاتما جیوتبا پھلے، ساوتری بائی پھلے اور ویر ساورکر کو ’بھارت رتن‘ایوارڈ دینے کی پارٹی کا مطالبہ ہے۔اس دوران ...

سعودی مُعلم نے ٹِن کو خوبصورت تخلیقی فن پاروں میں تبدیل کردیا

سعودی عرب میں آرٹ ایجوکیشن کے ایک استاد نے ٹِن کی دھات سے تیار کردہ پرانہ اشیاء، کنستر اور ڈبوں کو کاٹ کر انہیں آلات موسیقی ، مشینری اور اسلحہ کے نمونوں کی شکل میں تبدیل کرکے یہ پیغام دیا ہے کہ اس دھات کو ضائع ہونے ہونے کے بجائے اس طریقے سے ری سائیکل کیا جا سکتا ہے۔

تیل بردار جہازوں کو نشانہ بنانا سعودی عرب کی روش نہیں: عادل الجبیر

سعودی عرب کے وزیر مملکت برائے خارجہ امور عادل الجبیر نے زور دیا ہے کہ ایرانی تیل بردار جہاز "سبیٹی" کے ساتھ پیش آنے والے اصل واقعے کو جاننے کے لیے تحمل کا مظاہرہ کیا جائے۔ انہوں نے باور کرایا کہ تہران نے جمعے کے روز بحیرہ احمر میں مذکورہ تیل بردار جہاز کو نشانہ بنائے جانے کی ...

شاہ سلمان نے سعودی عرب میں اضافی امریکی فوج تعیناتی کی منظوری دے دی

سعودی عرب کی سرکاری خبر رساں ایجنسی ’’ایس پی اے‘‘ کے مطابق گذشتہ مہینے مملکت کی تیل تنصیبات پر حملوں کے بعد شاہ سلمان بن عبدالعزیز نے مملکت میں ضروری فوجی آلات کے ساتھ اضافی امریکی فوج تعینات کرنے کی منظوری دی تھی۔

سعودی عرب میں کار اور اونٹ کے درمیان تصادم کی ویڈیووائرل

سعودی عرب میں ایک شہری نے کار اور سڑک عبور کرتے ہوئے اونٹ کے درمیان تصادم کی ویڈیو سوشل میڈیا پر جاری کی ہے۔ فوٹیج میں ایک مصروف شاہراہ سے اونٹوں کو گذرتے دیکھا جا سکتا ہے تاہم اس واقعے میں اونٹ کو معمولی زخم آئے اور وہ بچ گیا۔

ایمنسٹی انٹرنیشنل کا یمن میں تمام گرفتار شدگان کی رہائی کا مطالبہ

انسانی حقوق کی بین الاقوامی تنظیم ایمنسٹی انٹرنیشنل نے مطالبہ کیا ہے کہ یمن میں تمام گرفتار شدگان کو رہا کیا جائے اور جبری طور پر روپوش کر دیے جانے والوں کے انجام کا انکشاف کیا جائے۔ایمنسٹی کی جانب سے یہ مطالبہ حال ہی میں قیدیوں اور مغویوں سے متعلق کیس کھولے جانے کے پس منظر میں ...