ಕಾರವಾರ :ಕಾರವಾರದ ಐಎನ್ಎಸ್ ಪತಂಜಲಿ ನೌಕಾನೆಲೆಯಲ್ಲಿ ಸೋಮವಾರ ಅಂತರರಾಷ್ಟ್ರೀಯ ಯೋಗ ದಿನವನ್ನ ಆಚರಿಸಲಾಯಿತು.
ಐಎನ್ಎಸ್ ವಿಕ್ರಮಾದಿತ್ಯ ನೌಕೆಯಲ್ಲಿ ನೂರಾರು ನಾವಿಕರು ಮುಂಜಾನೆ ಆಕರ್ಷಕ ಯೋಗ ಮಾಡಿದರು. ಕೋವಿಡ್-19 ನಿಯಮಗಳನ್ನ ಅನುಸರಿಸಿ ನಾವಿಕರು ಯೋಗ ಪ್ರದರ್ಶಿಸಿರುವುದು ಆಕರ್ಷಕವಾಗಿತ್ತು.
ಅಂತರಾಷ್ಟ್ರೀಯ ಯೋಗ ದಿನಾಚರಣೆ ಅಂಗವಾಗಿ ನೌಕಾ ಸಿಬ್ಬಂದಿಗಳಿಗೆ ಆನ್ ಲೈನ್ ಮೂಲಕ ಯೋಗ ನಡೆಸಲಾಯಿತು. ಆನ್ ಲೈನ್ ಯೋಗದಲ್ಲಿ ಅಧಿಕಾರಿಗಳು, ನಾವಿಕರು, ನಾಗರಿಕರು ಮತ್ತು ಕುಟುಂಬಗಳು ಸೇರಿದಂತೆ ಸುಮಾರು 2500 ಸಿಬ್ಬಂದಿಗಳು ಭಾಗವಹಿಸಿದ್ದರು. ಮೊರಾರ್ಜಿ ದೇಸಾಯಿ ರಾಷ್ಟ್ರೀಯ ಯೋಗ ಸಂಸ್ಥೆ ವತಿಯಿಂದ ವರ್ಚುವಲ್ ಯೋಗ ಕಾರ್ಯಕ್ರಮ ನಡೆಯಿತು.