ಯಲ್ಲಾಪುರ: ಲಾರಿಯೊಂದರಲ್ಲಿ ಅಕ್ರಮವಾಗಿ, ಹಿಂಸಾತ್ಮಕ ರೀತಿಯಲ್ಲಿ ಸಾಗಿಸುತ್ತಿದ್ದ ಒಂಬತ್ತು ಎಮ್ಮೆಗಳನ್ನು ಪಟ್ಟಣದ ಜೋಡುಕೆರೆ ಬಳಿ ಪೊಲೀಸರು ವಶಪಡಿಸಿಕೊಂಡು, ಮೂವರನ್ನು ಬಂಧಿಸಿದ್ದಾರೆ.
ಗುಜರಾತ್ ಸಿದಪುರ ಪಠಾಣ್‍ದ ಮುಸ್ತಾಕ್ ಅಬ್ಬಾಸ್ ಸುಣಸರಾ, ಜಿತೇಂದ್ರ ರಾಮಜೀ ಬಾಯ್ ರಾವಲ್, ನಹೇಶ ಗಜೂಜಿ ಠಾಕೂರ ಬಂಧಿತರು. ಇವರು ಯಾವುದೇ ಪರವಾನಗಿ ಇಲ್ಲದೇ ಲಾರಿಯಲ್ಲಿ ಗುಜರಾತ್ ಬೂಜ್‍ನಿಂದ ಮಂಗಳೂರಿಗೆ ಅಕ್ರಮವಾಗಿ ಸಾಗಿಸುತ್ತಿದ್ದರು ಎನ್ನಲಾಗಿದೆ. ಜಾನುವಾರುಗಳ ಮೌಲ್ಯ ₹3.60 ಲಕ್ಷ ಎಂದು ಅಂದಾಜಿಸಲಾಗಿದೆ.
ಪಟ್ಟಣದ ಜೋಡುಕೆರೆ ಬಳಿ ಪೊಲೀಸರು ದಾಳಿ ನಡೆಸಿ, ₹3.60 ಲಕ್ಷ ಮೌಲ್ಯದ 9 ಜಾನುವಾರುಗಳನ್ನು ವಶಪಡಿಸಿಕೊಂಡು ಮೂವರನ್ನು ಬಂಧಿಸಿದ್ದಾರೆ. ಯಲ್ಲಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.