ಕುಮಟಾ: ಬೈಕ್ಗೆ ತೂಫಾನ್ ಡಿಕ್ಕಿ: ಬೈಕ್ ಸವಾರ ಸಾವು, 8 ಮಂದಿಗೆ ಗಾಯ
ಕುಮಟಾ: ಪಟ್ಟಣದ ಹೊನ್ಮಾವ್ ಕ್ರಾಸ್ ಸಮೀಪದ ರಾಷ್ಟ್ರೀಯ ಹೆದ್ದಾರಿ 66ರ ಇಳಿಜಾರಿನಲ್ಲಿ ತೂಫಾನ್ ವಾಹನ ಬೈಕ್ಗೆ ಡಿಕ್ಕಿ ಹೊಡೆದು ಪಲ್ಟಿಯಾಗಿದೆ. ಭೀಕರ ಅಪಘಾತದಲ್ಲಿ ಬೈಕ್ ಸವಾರ ಸ್ಥಳದಲ್ಲಿ ಮೃತಪಟ್ಟರೆ, ತುಪಾನ್ ವಾಹನದ ಚಾಲಕ ಸೇರಿದಂತೆ 8 ಮಂದಿ ಪ್ರಯಾಣಿಕರು ಗಂಭೀರವಾಗಿ ಗಾಯಗೊಂಡ ಘಟನೆ ಶನಿವಾರ ತಡರಾತ್ರಿ ಸಂಭವಿಸಿದೆ.
ಪಟ್ಟಣದ ಸಿದ್ದನಬಾವಿ ನಿವಾಸಿ ಲಂಬೋದರ ನಾಗೇಶ ಉಪ್ಪಾರ (28) ಸ್ಥಳದಲ್ಲೇ ಮೃತಪಟ್ಟ ಬೈಕ್ ಸವಾರ, ಈತನು ಅಳ್ವೆಕೋಡಿಯಿಂದ ಕುಮಟಾ ಕಡೆ ತೆರಳುತ್ತಿರುವ ಸಂದರ್ಭದಲ್ಲಿ ಗದಗನಿಂದ ಮಂಗಳೂರಿಗೆ ತೆರಳುತ್ತಿದ್ದ ತೂಫಾನ್ ವಾಹನ ಡಿಕ್ಕಿ ಹೊಡೆದು ಹೆದ್ದಾರಿ ಪಕ್ಕದಲ್ಲಿ ಪಲ್ಟಿಯಾಗಿ ಬಿದ್ದ ರಭಸಕ್ಕೆ ತುಪಾನ್ ವಾಹನದಲ್ಲಿದ್ದ ಇಳಕಲ್, ಬಾದಾಮಿ, ಗಜೇಂದ್ರಗಡ, ಕುಷ್ಠಗಿ ಹಾಗೂ ಗದಗ ನಿವಾಸಿಗಳಾದ ಸಂಗಪ್ಪ ಗುಗ್ಗರಿ (38), ಸಂತೋಷ ಶಂಕರಗುಡಿ (34), ಸುಭಾಸ (21), ಶರಣಮ್ಮ ಕಂಚೇರ (32), ಯಶ್ವಂತ ಕಂಚೇರ (9), ಸ್ವಂದನಾ ಗುಗ್ಗರಿ (6), ದುರ್ಗೇಶ ಕಂಚೇರ (23), ಶ್ರೀನಿವಾಸ ರಾಠೋಡ (15), ಶ್ರೀಕಾಂತ ಜಾಲಿಹಾಲ (25) ಗಂಭೀರವಾಗಿ ಗಾಯಗೊಂಡಿದ್ದಾರೆ.
ಅಪಘಾತ ನಡೆದ ಸ್ಥಳಕ್ಕೆ ತಕ್ಷಣ ಭೇಟಿ ನೀಡಿದ ಕುಮಟಾ ಪೊಲೀಸರು ಗಾಯಗೊಂಡವರನ್ನು ಸ್ಥಳೀಯರ ಸಹಕಾರದಲ್ಲಿ ಅಂಬುಲೆನ್ಸ್ ಮೂಲಕ ಸರ್ಕಾರಿ ಆಸ್ಪತ್ರೆಗೆ ಸಾಗಿಸಿ ಪ್ರಥಮ ಚಿಕಿತ್ಸೆ ನೀಡಿದ ಬಳಿಕ ಹೆಚ್ಚಿನ ಚಿಕಿತ್ಸೆಗಾಗಿ ಮಣಿಪಾಲ ಆಸ್ಪತ್ರೆಗೆ ಸಾಗಿಸಲಾಗಿದೆ.
ಈ ಕುರಿತು ಕುಮಟಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.