ಬೆಳಗಾವಿ: ಪ್ರಚಲಿತ ರಾಷ್ಟ್ರೀಯ ಪ್ಯರಾ ಟೇಬಲ್ ಟೆನ್ನಿಸ್ ಚಾಂಪಿಯನ್, ಬೆಳಗಾವಿಯ ಸಂಜೀವ ಹಮ್ಮಣ್ಣವರ ಇವರು ಥೈಲ್ಯಾಂಡ್ನ, ಬ್ಯಾಂಕಾಕ್ ನಲ್ಲಿ ದಿನಾಂಕ 8 ರಿಂದ 10 ಅಗಷ್ಟ – 2019 ರ ವರೆಗೆ ಜರುಗಿದ 2019 ಐಟಿಟಿಫ್ ಪ್ಯಾರಾ ಬ್ಯಾಂಕಾಕ್ ಓಪನ್ನಲ್ಲಿ ಭಾರತ ದೇಶವನ್ನು ಪ್ರತಿನಿಧಿಸಿ ಟೀಮ್ ವಿಭಾಗದಲ್ಲಿ ಬೆಳ್ಳಿ ಪದಕ ಪಡಿದ್ದಾರೆ.
ಸಂಜೀವ, ಥೈಲ್ಯಾಂಡ್ನ ರುಂಗರಾಜ್ ಮತ್ತು ಪುನ್ಪು ಸೇರಿದ ತಂಡ ಲೀಗ್ ಹಂತದಲ್ಲಿ ಗ್ರೇಟ್ ಬ್ರಿಟಿನ್ ತಂಡಕ್ಕೆ 2:0, ಗ್ರೀಸ್ ತಂಡಕ್ಕೆ 2:0, ಸೆಟ್ನಿಂದ ಗೆಲುವು ಪಡೆದು ಅವರ ಗ್ರೂಪ್ನಲ್ಲಿ ಮೊದಲ ಸ್ಥಾನ ಪಡೆದಿದ್ದರಿಂದ ಅಂತಿಮ ಹಂತಕ್ಕೆ ತಲುಪಿದರು ಅಂತಿಮ ಪಂದ್ಯ ಪೀಪಲ್ಸ್ ರಿಪಬ್ಲಿಕ್ ಆಪ್ ಕೋರಿಯಾ ತಂಡದೊಂದಿಗೆ 2:0, ದಿಂದ ಪರಾಭವಗೊಂಡು ಬೆಳ್ಳಿ ಪದಕ ಪಡೆದರು.
ಸಂಜೀವ ಹಮ್ಮಣ್ಣವರ ಇವರು ಕೆಪಿಟಿಸಿಎಲ್ ನಲ್ಲಿ ಸಹಾಯಕ ಕಾರ್ಯನಿರ್ವಾಹಕ ಇಂಜಿನಿಯರ್ ಆಗಿದ್ದು. ಇತ್ತೀಚಿಗೆ ಚೀನಾದ ಥೈಪೆದಲ್ಲಿ ಜುಲೈ 23 ರಿಂದ 27 ರ ವರೆಗೆ ಜರುಗಿದ ಏಶಿಯನ್ ಚಾಂಪಿಯನ್ಲ್ಲೂ ಭಾರತ ದೇಶವನ್ನು ಪ್ರತಿನಿಧಿಸಿದ್ದರು.