ಭಟ್ಕಳ :ತಾಲೂಕಿನಾದ್ಯಂತ ಹುಚ್ಚು ನಾಯಿ ಹಾವಳಿ ಹೆಚ್ಚಾಗಿದ್ದು ಒಂದು ವಾರದ ಹಿಂದಷ್ಟೇ ಮುಂಡಳ್ಳಿ ವ್ಯಾಪ್ತಿಯ ವೃದ್ಧೆಯನ್ನು ಕಚ್ಚಿ ಸಾಯಿಸಿದ್ದು.ಈಗ ಮತ್ತೆ ಇಲ್ಲಿನ ಹಳೆ ಬಸ್ ನಿಲ್ದಾಣದ ಹತ್ತಿರ ಗುರುವಾರ ರಾತ್ರಿ ಅಂಗಡಿ ಹತ್ತಿರ ಮಲಗಿದ್ದ ವ್ಯಕ್ತಿಯ ಮೇಲೆ ಹುಚ್ಚುನಾಯಿ ದಾಳಿ ಮಾಡಿದ ಘಟನೆ ನಡೆದಿದೆ.
ವಾರದ  ಹಿಂದಷ್ಟೇ ಮುಂಡಳ್ಳಿ ಜಟ್ಟಮ್ಮ ಎಂಬ ವೃದ್ಧೆ ತನ್ನ ಮನೆಯ ಹೊರಗಡೆ ಮೂತ್ರ ವಿಸರ್ಜನೆ ತೆರಳಿದ ವೇಳೆ ಏಕಾಏಕಿ ಎರಗಿ ಮುಖದ ಭಾಗವನ್ನು ಕಚ್ಚಿ ಚಿಕಿತ್ಸೆ ಫಲಕಾರಿಯಾಗದೆ ಸಾವನ್ನಪ್ಪಿದ್ದ ಘಟನೆ ನಡೆದ ಬೆನ್ನಲ್ಲೇ ಕಳೆದ ತಡರಾತ್ರಿ ತಾಲೂಕಿನ ಹಳೆ ಬಸ್ ಸ್ಟೆಂಡ್ ಸಮೀಪ ಮುಂಡಳ್ಳಿ ವ್ಯಕ್ತಿ ದುರ್ಗಪ್ಪ ನಾಯ್ಕ ಎನ್ನುವ ವ್ಯಕ್ತಿಗೆ
ಮುಖದ ಭಾಗಕ್ಕೆ ಕಚ್ಚಿ ಗಾಯಗೊಳಿಸಿದೆ ಈತ ದಿನ ನಿತ್ಯ  ಹಳೆ ಬಸ್ ಸ್ಟೆಂಡ್ ಸಮೀಪದ ಅಕ್ಕ ಪಕ್ಕದ ಅಂಗಡಿಯಲ್ಲಿ ಮಲಾಗುತ್ತಿದ್ದ ಎಂದು ಹೇಳಲಾಗುತ್ತಿದ್ದೆ. ಸದ್ಯ ಭಟ್ಕಳ ತಾಲೂಕಾಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಹೆಚ್ಚಿನ ಚಿಕಿತ್ಸೆಗಾಗಿ ಮಂಗಳೂರು ಆಸ್ಪತ್ರೆಗೆ ಸಾಗಿಸಲಾಗಿದೆ ಎನ್ನಲಾಗಿದೆ.