ಬೆಳಗಾವಿ:- ನಗರದ ಸೇಂಟ್ ಮೇರಿ ಪ್ರೌಢಶಾಲೆ ಸ್ಥಾಪನೆಯಾಗಿ 167 ವರ್ಷ ತುಂಬಿದ್ದರ ಪ್ರಯುಕ್ತ ಈ ಶಾಲಾ ಸಿಬ್ಬಂದಿ ಆಂಜನೇಯ ನಗರ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಗೆ ಕಲಿಕಾ ಸಾಮಗ್ರಿ ವಿತರಿಸಿದರು.
ಸರಳ ಕಾರ್ಯಕ್ರಮದಲ್ಲಿ ಶಾಲಾ ಮಕ್ಕಳಿಗೆ ಶಾಲಾ ಬ್ಯಾಗ್, ಟಿಫಿನ್ ಬ್ಯಾಗ್, ನೋಟ್ ಬುಕ್, ಜಾಮಿಟ್ರಿ ಬಾಕ್ಸ್, ನೀರಿನ ಬಾಟಲ್ಗಳನ್ನು ವಿತರಿಸಿದರು ಹಾಗೂ ಎಲ್ಲಾ ಮಕ್ಕಳಿಗೂ ಸಿಹಿ ವಿತರಿಸಿದರು.
ಕಾರ್ಯಕ್ರಮದಲ್ಲಿ ಸೇಂಟ್ ಮೇರಿ ಪ್ರೌಢಶಾಲೆಯ ಪ್ರಾಚಾರ್ಯ ಜಾಸ್ಮಿನ್ ರೂಬ್ಡಿ, ಶಿಕ್ಷಕರಾದ ಕಾವೇರಿ, ಶ್ರದ್ಧಾ, ರತ್ನ,ವೈಶಾಲಿ ಕುಲಕರ್ಣಿ ಸೇರಿದಂತೆ ಅನೇಕರು ಭಾಗವಹಿಸಿದ್ದರು. ಆಂಜನೇಯ ನಗರ ಶಾಲೆಯ ಮುಖ್ಯಾಧ್ಯಾಪಕಿ ಸುಮಂಗಳ ಎಚ್ ಧನ್ಯವಾದ ಅರ್ಪಿಸಿದರು. ಎ.ಕೆ. ಬಡಿಗೇರ ಸ್ವಾಗತಿಸಿದರು. ಬಿ.ಎಸ್.ಅವ್ವಕ್ಕನವರ ನಿರೂಪಿಸಿದರು.