ಶಿರೂರು: ಶಿರೂರು ಗೋಲ್ಡ್ ಪ್ಯಾಲೇಸ್ ಕಳ್ಳತನ-ಐವರು ನೇಪಾಳಿ ಕಳ್ಳರ ಬಂಧನ
ಶಿರೂರು, ಸೆ ೨೦: ಸುಮಾರು ಆರು ತಿಂಗಳ ಹಿಂದೆ ಶಿರೂರು ಗೋಲ್ಡ್ ಪ್ಯಾಲೇಸ್ ನಲ್ಲಿ ನಡೆದ ಆಭರಣಗಳ ಕಳ್ಳತನ ಪ್ರಕರಣಕ್ಕೆ ಸಂಬಂಧಿಸಿದಂತೆ ಐವರು ನೇಪಾಳಿ ಕಳ್ಳರನ್ನು ಬಂಧಿಸಲಾಗಿದ್ದು ಆರೋಪಿಗಳಿಂದ ಬೆಳ್ಳಿಯ ಆಭರಣಗಳನ್ನು ವಶಪಡಿಸಿಕೊಳ್ಳಲಾಗಿದೆ.
ಸೇಪಾಳ ನಾಗರಿಕರಾದ ಶಿವಸಿಂಗ್ ಬಹಾದ್ದೂರ್, ಶಿವಪ್ರೇಮ್, ಖಮರ್ ಸಿಂಗ್ ಸೌದ್ ದುಖಿಯಾ, ರಮೇಶ್ ಸಿಂಗ್ ಪಾರ್ಕಿ, ಹರ್ಕ್ ಬಹದ್ದೂರ್ ಸೌದ್, ಪ್ರೇಮ್ ಬಹಾದುರ್ ಸೌದ್ ಈ ಆರೋಪಿಗಳಾಗಿದ್ದಾರೆ.
ಬೆಳ್ಳಿಯ ಆಭರಣಗಳ ಒಟ್ಟು ಮೌಲ್ಯ ಒಂದು ಒಂದು ಲಕ್ಷ ಎಂಭತ್ತು ಸಾವಿರವಾಗಿದೆ.
ಆರೋಪಿಗಳು ರಾತ್ರಿ ಪಾಳಿಯ ಕಾವಲುಗಾರ ಗೂರ್ಖಾ ಕೆಲಸ ಮಾಡುತ್ತಿದ್ದು ಕಳ್ಳತನಕ್ಕೆ ಸಾಧ್ಯವಾಗುವ ಸ್ಥಳವನ್ನು ಗುರುತಿಸಿ ರಾತ್ರಿ ವೇಳೆ ಕಳ್ಳತನ ನಡೆಸಿದ್ದಾರೆ.
ಬೈಂದೂರು ಪೋಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ತನಿಖೆ ಪ್ರಗತಿಯಲ್ಲಿದೆ.
