ಶಿವಮೊಗ್ಗ :  ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆಯು 2021-22ನೇ ಸಾಲಿನಲ್ಲಿ 5ನೇ, 8ನೇ ಮತ್ತು ಪ್ರಥಮ ಪಿಯುಸಿಗೆ  ಕ್ರೀಡಾಶಾಲೆ ಹಾಗೂ ಕ್ರೀಡಾನಿಲಯಗಳ ಪ್ರವೇಶಕ್ಕೆ ಜಿಲ್ಲೆಯ ವಿವಿಧ ತಾಲೂಕುಗಳಲ್ಲಿ ತಾಲೂಕು ಮಟ್ಟದ ಆಯ್ಕೆಯನ್ನು ಏರ್ಪಡಿಸಿದ್ದು, ಆಯಾ ತಾಲೂಕಿನ ಕಿರಿಯರ ವಿಭಾಗದಲ್ಲಿ 11 ವರ್ಷದೊಳಗಿನ 5ನೇ ತರಗತಿಗೆ ಸೇರಲು ಅರ್ಹತೆ ಹೊಂದಿರುವ ಮತ್ತು 14 ವರ್ಷ ವಯೋಮಿತಿಯ 8ನೇ ತರಗತಿಗೆ ಸೇರಲು ಅರ್ಹತೆ ಹೊಂದಿರುವ ಹಾಗೂ ಹಿರಿಯರ ವಿಭಾಗದಲ್ಲಿ 18 ವರ್ಷ ವಯೋಮಿತಿಯ ಪ್ರಥಮ ಪಿಯುಸಿಗೆ ಸೇರಲು ಅರ್ಹತೆ ಹೊಂದಿರುವ ಬಾಲಕ/ಬಾಲಕಿಯರಿಗೆ ಆಯಾ ತಾಲೂಕು ಕೇಂದ್ರಗಳಲ್ಲಿ ಸ್ಪರ್ಧೆ ಆಯೋಜಿಸಲಾಗಿದೆ. 

 ತಾಲೂಕು ಮಟ್ಟದ ಸ್ಪರ್ಧೆಗಳನ್ನು ಆಯ್ಕೆ ನಡೆಸುವ ಸ್ಥಳ ಮತ್ತು ದಿನಾಂಕವು ತೀರ್ಥಹಳ್ಳಿ ತಾ. ಸ.ಪ.ಪೂ.ಕಾಲೇಜ್, ತೀರ್ಥಹಳ್ಳಿಯಲ್ಲಿ ಜ.02 ರಂದು, ಸಾಗರ ತಾ. ಸಾಗರ ಕ್ರೀಡಾಂಗಣದಲ್ಲಿ ಜ.04 ರಂದು, ಹೊಸನಗರ ತಾ. ಹೊಸನಗರ ಕ್ರೀಡಾಂಗಣದಲ್ಲಿ ಜ. 06 ರಂದು, ಸೊರಬ ತಾ. ಸ.ಪ.ಪೂ.ಕಾಲೇಜ್ ಆನವಟ್ಟಿಯಲ್ಲಿ ಜ.08, ಶಿಕಾರಿಪುರ ತಾ. ಕ್ರೀಡಾಂಗಣದಲ್ಲಿ ಜ.11 ರಂದು, ಭದ್ರಾವತಿ ತಾ. ಕನಕ ಮಂಟಪ ಮೈದಾನದಲ್ಲಿ ಜ.12 ರಂದು ಹಾಗೂ ಶಿವಮೊಗ್ಗ ತಾ. ನಗರದ ನೆಹರೂ ಕ್ರೀಡಾಂಗಣದಲ್ಲಿ ಜ.13 ರಂದು ನಡೆಸಲಾಗುವುದು.
 ಅಥ್ಲೆಟಿಕ್ಸ್, ಫುಟ್‍ಬಾಲ್, ಲಾಂಗ್‍ಜಂಪ್, ಗುಂಡು ಎಸೆತ, ಕುಸ್ತಿ, ಹಾಕಿ, ಜಿಮ್ನಾಸ್ಟಿಕ್, ವಾಲಿಬಾಲ್, ಸೈಕ್ಲಿಂಗ್, ಜುಡೋ, ಬ್ಯಾಸ್ಕೇಟ್‍ಬಾಲ್, ಅರ್ಚರಿ, ಫೆನ್ಸಿಂಗ್, ಈಜು, ಖೋಖೋ, ಹಾಗೂ ಹಿರಿಯರ ವಿಭಾಗದಲ್ಲಿ ಮುಂತಾದ ಕ್ರೀಡೆಗಳನ್ನು ಏರ್ಪಡಿಸಲಾಗಿದೆ. ಭಾಗವಹಿಸುವ ಕ್ರೀಡಾಪಟುಗಳು ಕಡ್ಡಾಯವಾಗಿ ಕ್ರೀಡಾ ಸಮವಸ್ತ್ರಗಳನ್ನು ಧರಿಸುವುದು. 
 
 ಹೆಚ್ಚಿನ ಮಾಹಿತಿಗಾಗಿ ಸಹಾಯಕ ನಿರ್ದೇಶಕರು, ಯುವಜನ ಸೇವಾ ಮತ್ತು ಕ್ರೀಡಾ ಇಲಾಖೆ, ದೂ.ಸಂ.: 9964599936/ 9880653266/08182-223328 ಗಳನ್ನು ಸಂಪರ್ಕಿಸುವುದು.