ಭಟ್ಕಳ : ಮುಂಬರುವ ತಾಲೂಕು ಮತ್ತು ಜಿಲ್ಲಾ ಜಿಲ್ಲಾ ಪಂಚಾಯತ್ ಚುನಾವಣೆಯಲ್ಲಿ ಭಟ್ಕಳದಲ್ಲಿ‌ ಸಮಾಜವಾದಿ ಪಕ್ಷದಿಂದ  ಎಲ್ಲ ಕ್ಷೇತ್ರಗಳಲ್ಲಿ ಅಭ್ಯರ್ಥಿ ಸ್ಪರ್ದಿಸಲಿದ್ದಾರೆಂದು 
ಸಮಾಜವಾದಿ ಪಕ್ಷದ ಕಾರ್ಮಿಕ ವಿಭಾಗದ ರಾಜ್ಯಾಧ್ಯಕ್ಷ ನಾಗರಾಜ್ ನಾಯ್ಕ  ಹೇಳಿದ್ದಾರೆ.

ಪಕ್ಷ ಸಂಘಟನೆ  ವಿಚಾರವಾಗಿ ಭಟ್ಕಳದಲ್ಲಿ  ಮಾಧ್ಯಮಗೋಷ್ಠಿಯಲ್ಲಿ ಮಾತನಾಡುತ್ತಿದ್ದರು. ಅಗಸ್ಟ್  30 ರಂದು ಶಿರಸಿಗೆ ಸಮಾಜವಾದಿ ಪಕ್ಷದ ನೂತನ ರಾಜ್ಯಾಧ್ಯಕ್ಷ  ಎನ್.ಮಂಜಪ್ಪ ಆಗಮಿಸುತ್ತಿದ್ದಾರೆ.  ಶಿರಸಿಯ ಮಧುವನ ಹೋಟೆಲ್ ಆರಾಧನಾ ಸಭಾ ಭವನದಲ್ಲಿ ನೂತನ ರಾಜ್ಯ ಅಧ್ಯಕ್ಷರಿಗೆ ಸನ್ಮಾನ ಕಾರ್ಯಕ್ರಮ ಮತ್ತು ಉತ್ತರ ಕನ್ನಡ ಜಿಲ್ಲೆಯ ನೂತನ ಜಿಲ್ಲಾ ಅಧ್ಯಕ್ಶರು ಮತ್ತು ಪದಾಧಿಕಾರಿಗಳ ಸಭೆ ಪದಗ್ರಹಣ ಕಾರ್ಯಕ್ರಮ ನಡೆಯಲಿದೆ ಎಂದು ತಿಳಿಸಿದರು.

ಮುಂದಿನ ತಾಲೂಕು ಮತ್ತು ಜಿಲ್ಲಾ ಪಂಚಾಯತ್ ಚುನಾವಣೆಯಲ್ಲಿ ಭಟ್ಕಳದಲ್ಲಿ ಸಮಾಜವಾದಿ ಪಕ್ಷ  ಎಲ್ಲ ಕ್ಷೇತ್ರಗಳಲ್ಲಿ  ಭಟ್ಕಳ ತಾಲೂಕ ಅಧ್ಯಕ್ಷ ಅಂತೋನ ನೇತೃತ್ವದಲ್ಲಿ ಸ್ಫರ್ಧೆ ಮಾಡಲಿದ್ದೇವೆ ಎಂದು ತಿಳಿಸಿದರು. 

ಈ ಸಂದರ್ಭದಲ್ಲಿ ಸಮಾಜವಾದಿ ಪಕ್ಷದ ರಾಜ್ಯ ಮುಖಂಡ ಬಳಿಗಾರ್, ಅಲ್ಪಸಂಖ್ಯಾತ ಘಟಕದ ಜಿಲ್ಲಾಧ್ಯಕ್ಷ ಸಮಿಉಲ್ಲಾ ಭಟ್ಕಳ, ತಾಲೂಕಾಧ್ಯಕ್ಷ  ಅಂತೋನ ಜೂಜೆ ಲೂಯಿಸ್ ಮುಂಡಳ್ಳಿ ಉಪಸ್ಥಿತರಿದ್ದರು.