ಮುಂಡಗೋಡ: ಮತದಾರರ  ಪಟ್ಟಿಯ ಪರಿಶೀಲನಾ ಕಾರ್ಯಕ್ರಮದ ಚಾಲನಾ ಕಾರ್ಯಕ್ರಮ ಅಂಗವಾಗಿ ಮೊಬೈಲ್ ನಲ್ಲಿಯೇ ಮತದಾರರ ಹೆಸರು ಸೇರ್ಪಡೆ, ಬದಲಾವಣೆ ಹೇಗೆ ಮಾಡಿಕೊಳ್ಳುವುದು ಎಂಬುದರ ಕುರಿತು ತಹಶೀಲ್ದಾರ ಸಮ್ಮುಖದಲ್ಲಿ ಪತ್ರಕರ್ತರಿಗೆ ತಿಳಿಸಲಾಯಿತು
 ಮಿನಿ ವಿಧಾನಸೌಧದ ಸಭಾಭವನದಲ್ಲಿ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು. ತಹಶೀಲ್ದಾರ ಶ್ರೀಧರ ಮುಂದಲಮನೆ  ಪತ್ರಕರ್ತರನ್ನು ಉದ್ದೇಶಿಸಿ ಮಾತನಾಡಿ ಭಾರತೀಯ ಚುನಾವಣಾ ಆಯೋಗವು ಡಿಜಿಟಲ್ ಮತದಾರರ ಪಟ್ಟಿಯನ್ನಾಗಿ ಮಾಡುವ ಉದ್ದೇಶದಿಂದ ಮೊಬೈಲ್ ಆಪ್ ಎನ್.ವಿ.ಎಸ್.ಪಿ. ಅನ್ನು ಬಿಡುಗಡೆ ಮಾಡಲಾಗಿದೆ ಮತದಾನದಿಂದ ಕಟ್ಟಕಡೆಯ ವ್ಯಕ್ತಿಯು ವಂಚಿತರಾಗಬಾರದು ಎಂಬ ಉದ್ದೇಶದಿಂದ ಮತದಾರರ ಪಟ್ಟಿಯ ಪರಿಶೀಲನಾ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ. ಮೊಬೈಲ್ ಆಪ್ ಎನ್.ವಿ.ಎಸ್.ಪಿ. ಆಂಡ್ರಾಯ್ಡ್ ಮೊಬೈಲ್‍ಗಳಲ್ಲಿ ಆಪ್ ಡೌನ್ ಲೋಡ್ ಮಾಡಿಕೊಂಡು ಬಳಸಬಹುದಾಗಿದೆ.ಹೊಸದಾಗಿ ಮತದಾರರ ಪಟ್ಟಿಯಲ್ಲಿ ಸೇರ್ಪಡೆಗೊಳ್ಳುವವುರು ಹಾಗೂ ಹಾಲಿ ಮತದಾರರು  ತಮ್ಮ ಹೆಸರು ತಿದ್ದುಪಡಿ, ಕುಟುಂಬದವರ ಹೆಸರು ಸೇರ್ಪಡೆ ಹಾಗೂ ಹೊಸದಾಗಿ ಮದುವೆಯಾಗಿ ಬಂದ ಯುವತಿಯ ಮತದಾರರ ಪಟ್ಟಿಯಲ್ಲಿ   ಸೇರಿಸಲು ಹಾಗೂ ಮೃತಪಟ್ಟವರ ಹೆಸರು ತೆಗೆಯಲು ಮತ್ತು ಒಂದೇ ಮತಗಟ್ಟೆಯಲ್ಲಿ ಮತದಾನ ಮಾಡಿಕೊಳ್ಳಬಹುದು. ಮಾಡಿಕೊಳ್ಳಬಹುದು. ಕಾಲೇಜಗಳಲ್ಲಿಯ ವಿದ್ಯಾರ್ಥಿಗಳಿಗೆ ಹಾಗೂ ಸಂಘ ಸಂಸ್ಥೆಯವರಿಗೆ ಈ ಕುರಿತು ತಿಳಿಸಲಾಗುತ್ತಿದೆ ಈ ಬಗ್ಗೆ ಪ್ರತಿಯೊಬ್ಬರಿಗೂ ತಿಳಿಯುವಂತಾಗಲು ಜಾಗೃತಿಗೊಳಿಸಬೇಕು ಎಂದರು. 
ಈ ವೇಳೆ ಅಧಿಕಾರಿ ವಿಜಯ ಶೆಟೆಪ್ಪನವರ, ಸಿಬ್ಬಂದಿ ರಾಘವೇಂದ್ರ ಗಿರಡ್ಡಿ, ನವೀನ ಕುಲಕರ್ಣಿ ಇದ್ದರು.