ಚಿನ್ನಾಭರಣ ನೋಡುತ್ತಿದ್ದ ಕ್ಲೀನರ್‌ನನ್ನು ಮೂದಲಿಸಿದರು...ಬಳಿಕ ಏನಾಯಿತು ನೋಡಿ

Source: S O News service | By Staff Correspondent | Published on 5th December 2016, 5:43 PM | Gulf News | Don't Miss |

ರಿಯಾದ್: ಇಲ್ಲಿಯ ಕ್ಲೀನರ್‌ನೋರ್ವನ ಅದೃಷ್ಟ ಏಕಾಏಕಿ ಖುಲಾಯಿಸಿದೆ. ಜ್ಯುವೆಲ್ಲರಿ ಅಂಗಡಿಯ ಶೋಕೇಸ್‌ನಲ್ಲಿದ್ದ ಚಿನ್ನಾಭಣಗಳನ್ನು ಈ ಕ್ಲೀನರ್ ನೋಡುತ್ತಿದ್ದ ಚಿತ್ರಗಳನ್ನು ಆನ್‌ಲೈನ್‌ನಲ್ಲಿ ಪೋಸ್ಟ್ ಮಾಡಿ ಗೇಲಿ ಮಾಡಲಾಗಿತ್ತು. ಈಗ ಈ ಕ್ಲೀನರ್ ಚಿನ್ನಾಭರಣಗಳ ಸೆಟ್ ಅನ್ನೇ ಉಡುಗೊರೆಯಾಗಿ ಪಡೆದುಕೊಂಡಿದ್ದಾನೆ.

 

ಈ ಚಿತ್ರವನ್ನು ಪೋಸ್ಟ್ ಮಾಡಿದ್ದ ಸಾಮಾಜಿಕ ಮಾಧ್ಯಮ ಬಳಕೆದಾರನೋರ್ವ‘ ಈ ಮನುಷ್ಯ ಕಸದ ರಾಶಿಯನ್ನು ನೋಡಲಷ್ಟೇ ಅರ್ಹನಾಗಿದ್ದಾನೆ ’ಎಂದು ಲೇವಡಿ ಮಾಡಿದ್ದ. ಇದಕ್ಕೆ ಪ್ರತಿಕ್ರಿಯಿಸಿದ್ದ ಇನ್ನೊಬ್ಬ ಬಳಕೆದಾರ, ತಾನು ಈ ವ್ಯಕ್ತಿಗೆ ಚಿನ್ನದ ಆಭರಣಗಳ ಸೆಟ್ ನೀಡಲು ಬಯಸಿದ್ದೇನೆ. ಹೀಗಾಗಿ ತನಗೆ ಆತನ ಬಗ್ಗೆ ಹೆಚ್ಚಿನ ಮಾಹಿತಿ ಬೇಕು ಎಂದು ಕೋರಿದ್ದ. ಕ್ಲೀನರ್‌ನ ಫೋಟೊ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದ್ದು, ಕ್ಲೀನರ್‌ಗೆ ಚಿನ್ನದ ಅಭರಣಗಳ ಸೆಟ್ ಕೊಡಿಸುವ ಬಗ್ಗೆ ಹಲವಾರು ಸೌದಿ ಬಳಕೆದಾರರು ಮುಂದಾಗಿದ್ದರು.

ಇಷ್ಟಾದ ಬಳಿಕ ಈ ಕ್ಲೀನರ್ ಚಿನ್ನದ ಆಭರಣಗಳನ್ನು ಕೈಯಲ್ಲಿ ಹಿಡಿದುಕೊಂಡಿರುವ ಫೋಟೊ ಶೇರ್ ಆಗಿದೆ. ಕ್ಲೀನರ್‌ಗೆ ಇನ್ನಷ್ಟು ಉಡುಗೊರೆಗಳನ್ನು ತಾವು ಕಳುಹಿಸುವುದಾಗಿ ಸಾಮಾಜಿಕ ಮಾಧ್ಯಮಗಳಲ್ಲಿರುವ ಸೌದಿಗಳು ಹೇಳಿದ್ದಾರೆ. 2000 ಸೌದಿ ರಿಯಾಲ್‌ಗಳನ್ನು ತಾನು ಉಡುಗೊರೆಯಾಗಿ ನೀಡಲಿದ್ದೇನೆ ಎಂದು ಓರ್ವ ಬಳಕೆದಾರ ಪ್ರಕಟಿಸಿದ್ದಾನೆ.

ಕೃಪೆ:ವಾರ್ತಾಭಾರತಿ

Read These Next

ದುಬಾಯಿಯಲ್ಲಿ "ಗಲ್ಫ್ ಕರ್ನಾಟಕೊತ್ಸವ" ಯಶಸ್ವಿ; ಐತಿಹಾಸಿಕ ದಾಖಲೆಗೆ ಸಾಕ್ಷಿಯಾದ ಅನಿವಾಸಿ ಕನ್ನಡಿಗರು

ಕರ್ನಾಟಕದ 21 ಅತ್ಯಂತ್ ಪ್ರಭಾವಶಾಲಿ ವ್ಯಾಪಾರ  ಐಕಾನ್ ಗಳು ಗಲ್ಫ್ ಕರ್ನಾಟಕ ರತ್ನ ಪ್ರಶಸ್ತಿಗಳೊಂದಿಗೆ ಗೌರವಿಸಲಿಟ್ಟರು.

ಪ್ರವಾದಿ ಕುರಿತು ವಿವಾದಾತ್ಮಕ ಹೇಳಿಕೆಗೆ ಮುಂದುವರಿದ ಆಕ್ರೋಶ; 17 ದೇಶಗಳ ಖಂಡನೆ; ಗಲ್ಫ್ ಸಹಕಾರ ಮಂಡಳಿಯಿಂದಲೂ ಆಕ್ಷೇಪ

ತಾನು ಎಲ್ಲ ಧರ್ಮಗಳನ್ನು ಗೌರವಿಸುತ್ತೇನೆ ಎಂದು ಒತ್ತಿ ಹೇಳುವ ಮೂಲಕ ವಿವಿಧ ದೇಶಗಳಲ್ಲಿ ಭುಗಿಲೆದ್ದಿರುವ ಕ್ರೋಧದ ಅಲೆಯನ್ನು ...

ಭಾಷಾ ಜ್ಞಾನದ ಕುರಿತು ಯಾರ ಬಗ್ಗೆಯೂ ಕೇವಲವಾಗಿ ಮಾತನಾಡಿಲ್ಲ: ಜೆ.ಪಿ.ಹೆಗ್ಡೆ ಸ್ವಷ್ಟನೆ

ಉಡುಪಿ: ಈವರೆಗಿನ ರಾಜಕೀಯ ಜೀವನದಲ್ಲಿ ಯಾರ ಮನಸ್ಸನ್ನೂ ನೋಯಿಸುವುದಾಗಲಿ ಅಥವಾ ಕೇವಲವಾಗಿ ಮಾತನಾಡುವುದನ್ನಾಗಲಿ ಮಾಡದೆ ಇರುವ ನಾನು ...