ಹಾಸನ: ಲೋಕಸಭಾ ಚುನಾವಣಾ ಹಿನ್ನೆಲೆ ಯಾವುದೇ ರೀತಿಯ ಗಲಾಟೆ, ಕಳ್ಳತನಗಳು ಹಾಗೂ ಅಹಿತಕರ ಘಟನೆಗಳು ನಡೆಯಕೂಡದು ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳಾದ ಡಾ.ಎ.ಎನ್ ಪ್ರಕಾಶ್‍ಗೌಡ ಖಡಕ್ ಎಚ್ಚರಿಕೆ ನೀಡಿದರು.
ನಗರದ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳ ಕಚೇರಿ ಸಭಾಂಗಣದಲ್ಲಿಂದು ರೌಡಿಶೀಟರ್‍ಗಳ ಪರೇಡ್ ನಡೆಸಿದ ಅವರು ಚುನಾವಣೆ ಮುಗಿಯುವವರೆಗೂ ಸ್ಥಳೀಯ ಹಾಗೂ ತಮ್ಮ ವೃತ್ತಗಳಲ್ಲಿ ಸರಗಳ್ಳತನ, ಕೊಲೆಬೆದರಿಕೆ, ಚುನಾವಣೆ ಕಾರ್ಯಕ್ಕೆ ಅಡ್ಡಿಪಡಿಸುವಂತಹ ಕೆಲಸಗಳು ನಡೆದರೆ ತಕ್ಷಣವೇ ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು ರೌಡಿಶೀಟರ್ ಜಾರಿಯಲ್ಲಿರುವವರಿಗೆ ಸೂಚನೆ ನೀಡಿದರು.
ಹೆಚ್ಚುವರಿ ಪೊಲೀಸ್ ಅಧೀಕ್ಷಕರಾದ ನಂದಿನಿ, ಡಿವೈಎಸ್‍ಪಿ ಪುಟ್ಟಸ್ವಾಮಿ ಗೌಡ, ಸರ್ಕಲ್ ಇನ್ಸ್‍ಪೆಕ್ಟರ್ ಸತ್ಯ ನಾರಾಯಣ, ಪ್ರೋಬೇಷನರಿ ಡಿವೈಎಸ್‍ಪಿ ಗೋಪಿ, ಟೌನ್ ಸಬ್ ಇನ್ಸ್‍ಪೆಕ್ಟರ್ ಪ್ರಮೋದ್ ಕುಮಾರ್, ಪೆನ್ಷನ್‍ಮೊಹಲ್ಲ ಇನ್ಸ್‍ಪೆಕ್ಟರ್ ಸುನೀಲ್, ಪ್ರೊಬೇಷನರಿ ಸಬ್ ಇನ್ಸ್‍ಪೆಕ್ಟರ್ ಕಿರಣ್, ಆಕಾಶ್ ಮತ್ತಿತರರು ಹಾಜರಿದ್ದರು.