ಕಾರವಾರ : ಜಿಲ್ಲೆಯಲ್ಲಿ ಪ್ರಧಾನ ಮಂತ್ರಿ ಕಿಸಾನ ಸಮ್ಮಾನ ನಿಧಿ ( ಪಿಎಮ್-ಕಿಸಾನ) ಯೋಜನೆಯ ಸೌಲಭ್ಯವನ್ನು ಎಲ್ಲ ವರ್ಗದ ರೈತರಿಗೆ ವಿಸ್ತರಿಸಲಾಗಿದ್ದು, ಯೋಜನೆಯಡಿ ಹೆಸರು ನೊಂದಾಯಿಸಲು ರೈತರು  ಜಮೀನಿನ  ಪಹಣಿ ಪತ್ರ ಸಲ್ಲಿಸುವ ಅಗತ್ಯವಿಲ್ಲ ಎಂದು  ಜಿಲ್ಲಾಧಿಕಾರಿ ಡಾ.ಹರೀಶಕುಮಾರ P.É ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. 
ಯೋಜನೆಯ ಸೌಲಭ್ಯವನ್ನು ಪಡೆಯಲು ರೈತರು ಜೂನ 30 ರೊಳಗಾಗಿ ಸ್ವಯಂ ಘೋಷಣೆಯೊಂದಿಗೆ  ತಮ್ಮ  ಆಧಾರ ಕಾರ್ಡ,  ಬ್ಯಾಂಕ್ ಪಾಸ್ ಬುಕ್ ಪ್ರತಿಯೊಂದಿಗೆ  ಹತ್ತಿರದ ರೈತ ಸಂಪರ್ಕ ಕೇಂದ್ರ, ಬಾಪೂಜಿ ಸೇವಾ ಕೇಂದ್ರ, ಅಟಲಜೀ ಜನಸ್ನೇಹಿ ಕೇಂದ್ರ ತೋಟಗಾರಿಕೆ ಇಲಾಖೆ, ರೇಷ್ಮೆ ಇಲಾಖೆ ಇವುಗಳಲ್ಲಿ ಯಾವುದಾದರೊಂದರಲ್ಲಿ ಅರ್ಜಿ ಸಲ್ಲಿಸಬಹುದಾಗಿದೆ. ಭೂ ಹಿಡುವಳಿ ಹೊಂದಿರುವ ಎಲ್ಲ  ರೈತ ಕುಟುಂಕ್ಕೆ ವಾರ್ಷಕವಾಗಿ ರೂ. 6 ಸಾವಿರಗಳನ್ನು ಪ್ರತಿ ನಾಲ್ಕು ತಿಂಗಳಿಗೊಮ್ಮೆ ಒಟ್ಟು ಮೂರು ಸಮಾನ ಕಂತುಗಳಲ್ಲಿ ನೀಡಲಾಗುವುದು ಎಂದು ಜಿಲ್ಲಾಧಿಕಾರಿ ತಿಳಿಸಿದ್ದಾರೆ.