ಹೊಸದಿಲ್ಲಿ: ಕೆನಡಕ್ಕೆ ವಲಸೆ ಹೋಗುವ ಭಾರತೀಯರ ಸಂಖ್ಯೆಯು 2013ರಿಂದೀಚೆಗೆ ಮೂರು ಪಟ್ಟು ಹೆಚ್ಚಾಗಿರುವುದು ನೂತನ ದತ್ತಾಂಶಗಳಿಂದ ತಿಳಿದುಬಂದಿದೆ.

ಕೆನಡದ ಖಾಯಂ ನಿವಾಸಿಗಳಾದ ಭಾರತೀಯರ ಸಂಖ್ಯೆಯು 2013ರಲ್ಲಿ 32,828ರಷ್ಟಿದ್ದುದು 2022ರಲ್ಲಿ 1,18,095ಕ್ಕೇರಿದ್ದು, ಶೇ.260ರಷ್ಟು ಹೆಚ್ಚಳವಾಗಿದೆ. ಈ 2013ರಿಂದೀಚೆಗೆ ಪ್ರತೀ ವರ್ಷವೂ ಈ ಸಂಖ್ಯೆಯಲ್ಲಿ ಸ್ಥಿರವಾದ ಏರಿಕೆ ಕಂಡುಬಂದಿರುವುದಾಗಿ ಕೆನಡ ಸರಕಾರ ಪ್ರಕಟಿಸಿರುವ ಅಂಕಿಅಂಶಗಳು ಸೂಚಿಸಿವೆ.

2015ರಲ್ಲಿ ಕೆನಡವು ವಿದೇಶದಲ್ಲಿನ ಅತ್ಯಂತ ಪರಿಣಿತ ಉದ್ಯೋಗಿಗಳಿಗೆ ಖಾಯಂ ವಾಸ್ತವ್ಯದ ಆಹ್ವಾನದ ಕೊಡುಗೆಯನ್ನು ನೀಡುವ ತರಿತ ಪ್ರವೇಶ ವ್ಯವಸ್ಥೆಯನ್ನು ಜಾರಿಗೆ ತಂದಿತ್ತು.

ಅಮೆರಿಕದ ಅಧ್ಯಕ್ಷರಾಗಿ ಡೊನಾಲ್ಡ್ ಟ್ರಂಪ್ ಅವರ2017ರಿಂದ 2021ರವರೆಗಿನ ಆಡಳಿತಾವಧಿಯಲ್ಲಿ ಕೆನಡಕ್ಕೆ ವಲಸೆ ಹೋಗುವ ಭಾರತೀಯರ ಸಂಖ್ಯೆಯಲ್ಲಿ ಗಣನೀಯ ಜಿಗಿತವುಂಟಾಗಿತ್ತು.