ನುಡಿ-೧೪ ಅಕ್ಷರ ವಿನ್ಯಾಸ ಬಳಕೆಗೆ ಸೂಚನೆ
ಧಾರವಾಡ: ಜಿಲ್ಲೆಯ ವಿವಿಧ ಇಲಾಖೆಗಳ ಜಿಲ್ಲಾಮಟ್ಟದ ಅಧಿಕಾರಿಗಳು ಜಿಲ್ಲಾಧಿಕಾರಿಗಳ ಕಚೇರಿಗೆ ವಿವಿಧ ವಿಷಯಗಳ ಕಡತ ಮಂಡಿಸುವಾಗ ನುಡಿ-೧೪ ಅಳತೆಯ ಅಕ್ಷರ ವಿನ್ಯಾಸ ಬಳಸಬೇಕು ಎಂದು ಜಿಲ್ಲಾಧಿಕಾರಿ ದೀಪಾ ಚೋಳನ್ ಸೂಚಿಸಿದ್ದಾರೆ. ಈ ಕುರಿತು ಸುತ್ತೊಲೆ ಹೊರಡಿಸಿರುವ ಅವರು, ಎಲ್ಲ ಪತ್ರ ವ್ಯವಹಾರಗಳಲ್ಲಿ ಸಮಾನ ಅಕ್ಷರ ವಿನ್ಯಾಸ, ಜೋಡಣೆ ತರಲು ಈ ಕ್ರಮ ಕೈಗೊಳ್ಳಲಾಗಿದೆ. ಜಿಲ್ಲಾ ಮಟ್ಟದ ಅಧಿಕಾರಿಗಳು ತಮ್ಮ ಹಂತದಲ್ಲಿ ಈ ಕುರಿತು ಅಗತ್ಯ ಕ್ರಮ ಕೈಗೊಳ್ಳಬೇಕೆಂದು ಅವರು ತಿಳಿಸಿದ್ದಾರೆ.