ಹೊಸದಿಲ್ಲಿ: ಲೋಕಸಭಾ ಚುನಾವಣೆಗೆ ಇನ್ನೇನು ಕೆಲವು ದಿನಗಳಿರುವಂತೆಯೇ ಪ್ರಧಾನಿ ನರೇಂದ್ರ ಮೋದಿ #MainBhiChowkidar ಎಂಬ ಆನ್ ಲೈನ್ ಆಂದೋಲನವೊಂದಕ್ಕೆ ಚಾಲನೆ ನೀಡಿದ್ದಾರೆ. #MainBhiChowkidar ಎಂಬ ಹ್ಯಾಶ್ ಟ್ಯಾಗ್ ಮೂಲಕ ಟ್ವೀಟ್ ಮಾಡಿ ಭ್ರಷ್ಟಾಚಾರದ ಬಗ್ಗೆ ದೇಶದ ಜನರು ತಮ್ಮ ವಿರೋಧ ವ್ಯಕ್ತಪಡಿಸಬೇಕು ಎನ್ನುವುದು ಪ್ರಧಾನಿಯವರ ಉದ್ದೇಶವಾಗಿದೆ. ಆದರೆ ಇದೀಗ ಇದೇ ಹ್ಯಾಶ್ ಟ್ಯಾಗ್ ನಿಂದಾಗಿ ಬಿಜೆಪಿ ಹಾಗು ಪ್ರಧಾನಿ ಮೋದಿ ನಗೆಪಾಟಲಿಗೀಡಾಗಿದ್ದಾರೆ.

‘ಚೌಕಿದಾರ್ ಚೋರ್ ಹೈ’ಎನ್ನುವ ಕಾಂಗ್ರೆಸ್ ಹೇಳಿಕೆಗೆ ತಿರುಗೇಟು ನೀಡಲು ಈ ಹ್ಯಾಶ್ ಟ್ಯಾಗ್ ಆಂದೋಲನ ಆರಂಭಿಸಲಾಗಿದೆ ಎಂದು ಅಭಿಪ್ರಾಯಿಸಲಾಗುತ್ತಿದೆ. ಈ ಹ್ಯಾಶ್ ಟ್ಯಾಗನ್ನು ಜನಪ್ರಿಯಗೊಳಿಸುವ ನಿಟ್ಟಿನಲ್ಲಿ ಯಾರಾದರೂ #MainBhiChowkidar ಎನ್ನುವ ಹ್ಯಾಶ್ ಟ್ಯಾಗ್ ಜೊತೆಗೆ ಟ್ವೀಟ್ ಮಾಡಿದರೆ ಅವರಿಗೆ ಸ್ವಯಂಚಾಲಿತ ಧನ್ಯವಾದ (ತ್ಯಾಂಕ್ಯೂ) ಸಲ್ಲಿಸುವ ಹಾಗೆ ಮಾಡಲಾಗಿತ್ತು. ಪ್ರಧಾನಿಯವರ ಅಧಿಕೃತ ಟ್ವಿಟರ್ ಖಾತೆಯಿಂದಲೇ ಈ ಪ್ರತಿಕ್ರಿಯೆ ಹೋಗುತ್ತಿತ್ತು.  ಆದರೆ ಇದುವೇ ಬಿಜೆಪಿ ಪಾಲಿಗೆ ಮುಳುವಾಯಿತು.

ಪಿಎನ್ ಬಿ ವಂಚನೆಯ ರೂವಾರಿ ನೀರವ್ ಮೋದಿ ಹೆಸರಿನಲ್ಲಿರುವ (ನಕಲಿ) @niiravmodi ಎಂಬ ಖಾತೆಯೊಂದು ಪ್ರಧಾನಿಯವರು ಸೂಚಿಸಿದ್ದ ಹ್ಯಾಶ್ ಟ್ಯಾಗ್ ಬಳಸಿ ಟ್ವೀಟ್ ಮಾಡಿತ್ತು. ಈ ಟ್ವೀಟ್ ಗೆ ಪ್ರಧಾನಿಯವರ ಖಾತೆಯಿಂದ “@niiravmodi ನಿಮ್ಮ ಪಾಲ್ಗೊಳ್ಳುವಿಕೆಯಿಂದ #MainBhiChowkidar ಗೆ ಬಲ ಬಂದಂತಾಗಿದೆ” ಎಂದು ಸ್ವಯಂಚಾಲಿಯವಾಗಿ ಪ್ರತಿಕ್ರಿಯಿಸಲಾಯಿತು. ಕೂಡಲೇ ಇದು ಟ್ವಿಟರಿಗರ ಕಣ್ಣಿಗೆ ಬಿದ್ದಿದ್ದು ಪ್ರಧಾನಿಯವರ ಹಾಗು ಬಿಜೆಪಿಯ ಕಾಲೆಳೆಯತೊಡಗಿದರು. ಅವುಗಳಲ್ಲಿ ಕೆಲವು ಟ್ವೀಟ್ ಗಳು ಈ ಕೆಳಗಿನಂತಿವೆ.

ಕೃಪೆ:varthabharati.in