ಹಾಸನ:ನೆರೆ ಬಾದಿತ ಪ್ರದೇಶಗಳ ಸಾರ್ವಜನಿಕರು ಬ್ಯಾಕುಗಳಲ್ಲಿ ಪಡೆದಿರುವ ಸಾಲಗಳ ಪುನರ್ ರಚನೆ ಅಥವಾ ಮರುಪಾವತಿಸಬೇಕಾಗಿರುವ ಕಂತುಗಳ ಮುಂದೂಡಿಕೆ ಸಂಬಂಧಿಸಿದಂತೆ ರಿಸರ್ವ ಬ್ಯಾಂಕ್ ನೀಡಿರುವ ಮಾರ್ಗ ಸೂಚಿಗಳ ಅನುಸರಿಸುವಂತೆ ಎಂದು ಅಪರ ಜಿಲ್ಲಾಧಿಕಾರಿ ಮತ್ತು ಉಪವಿಭಾಗಾಧಿಕಾರಿಗಳಾದ ಡಾ.ಹೆಚ್.ಎಲ್. ನಾಗರಾಜ್ ಹೇಳಿದರು.   
ಜಿಲ್ಲಾಧಿಕಾರಿಗಳ ಕಚೇರಿಯಲ್ಲಿಂದು ನಡೆದ ವಿಡಿಯೋ ಸಂವಾದದಲ್ಲಿ ರೈತರು ಬೆಳೆದಿರುವ ಪ್ರಸ್ತುತ ಬೆಳೆಗಳಿಗೆ ಎಕರೆವಾರು ನಿಗದಿಪಡಿಸಿರುವ ಹೆಚ್ಚಿನ ಸಾಲ ಸೌಲಭ್ಯವನ್ನು ಅರಸೀಕೆರೆ ಹಾಗೂ ಚನ್ನರಾಯಪಟ್ಟಣ ತಾಲ್ಲೂಕುಗಳನ್ನು ಹೊರತುಪಡಿಸಿ ಇನ್ನುಳಿದ ಅತೀವೃಷ್ಠಿ ಪೀಡಿತ 6 ತಾಲ್ಲೂಕುಗಳಲ್ಲಿ ರೈತರು ಪಡೆಯಬಹುದಾಗಿದೆ, ಸಾರ್ವಜನಿಕರು ನಿಯಮಿತವಾಗಿ ಪಡೆದಿರುವ ಸಾಲಗಳನ್ನು ಕಂತುಗಳಲ್ಲಿ ಮರುಪಾವತಿ ಮಾಡಬಹುದು ಹಾಗೂ ಕಂತುಗಳನ್ನು ಮುಂದುವರಿಸಬಹುದು ಎಂದರು.
ನೆರೆ ಬಾದಿತ ಪ್ರದೇಶಗಳ ಸಾರ್ವಜನಿಕರು ಬ್ಯಾಂಕುಗಳಲ್ಲಿ ಪಡೆದಿರುವ ಸಾಲಗಳ ಪುನರ್‍ರಚನೆ ಅಥವಾ ಮರುಪಾವತಿಸಬೇಕಾಗಿರುವ ಕಂತುಗಳ ಮುಂದೂಡಿಕೆಗೆ ಸಂಬಂಧಿಸಿದಂತೆ  ಮದ್ಯಮ, ಸಣ್ಣ, ಹಾಗೂ ಅತಿಸಣ್ಣ ಉದ್ಯಮಗಳ, ನವೀಕರಿಸಬಹುದಾದ ಕಾರ್ಯ ಯೋಜನೆಯ ಉದ್ದೇಶಕ್ಕಾಗಿ ರೈತರು ಸಾಲ ಯೋಜನೆಯನ್ನು ಉಪಯೋಗಿಸಿಕೊಳ್ಳಬಹುದಾಗಿದೆ ಎಂದು ಅಪರ ಮುಖ್ಯಕಾರ್ಯದರ್ಶಿಗಳು ಹಾಗೂ ಅಭಿವೃದ್ದಿ ಆಯುಕ್ತರಾದ ವಂದಿತಾ ಶರ್ಮ ರವರು ತಿಳಿಸಿದ್ದಾರೆ ಹಾಗಾಗಿ ಇದರ ಅನುಕೂಲ ಪಡೆಯುವಂತೆ ಡಾ.ಹೆಚ್.ಎಲ್. ನಾಗರಾಜ್ ಹೇಳಿದರು.   
ರೈತರು ಪಡೆದಿರುವ ಸಾಲ ಹಾಗೂ ಇನ್ನು ಮುಂದೆ ಸಾಲ ಸೌಲಭ್ಯಗಳನ್ನು ಪಡೆಯುವ ಫಲಾನುಭವಿಗಳು ನವೆಂಬರ್ 9 ಕೊನೆಯ ದಿನಾಂಕದೊಳಗೆ ಸಂಬಂಧಪಟ್ಟ ಬ್ಯಾಂಕುಗಳಿಗೆ ಅರ್ಜಿಗಳನ್ನು ಸಲ್ಲಿಸಬಹುದು ಎಂದರು.
ಸಭೆಯಲ್ಲಿ ಜಂಟಿ ಕೃಷಿ ನಿರ್ದೇಶಕರಾದ ಮಧುಸೂಧನ್, ತೋಟಗಾರಿಕೆ ಇಲಾಖೆಯ ಉಪನಿರ್ದೇಶಕರಾದ ಮಂಜುನಾಥ ಹಾಗೂ ಮತ್ತಿತರ ಅಧಿಕಾರಿಗಳು ಹಾಜರಿದ್ದರು.