ಧಾರವಾಡ: ಕೋವಿಡ್-19ರ ನಿಯಂತ್ರಣ ಕಾರ್ಯದ ಸಂದರ್ಭದಲ್ಲಿ ಕಳೆದ ಮೇ 13ರಂದು ಹುಬ್ಬಳ್ಳಿಯಿಂದ ರಾಜಸ್ಥಾನಕ್ಕೆ ತೆರಳಿದ ಶ್ರಮಿಕ ಎಕ್ಸ್‍ಪ್ರೆಸ್ ವಿಶೇಷ ರೈಲಿನ ವಿಶಿಷ್ಟ ಛಾಯಾಚಿತ್ರವೊಂದನ್ನು  ಹುಬ್ಬಳ್ಳಿಯ ಪ್ರಜಾವಾಣಿ – ಡೆಕ್ಕನ್ ಹೆರಾಲ್ಡ್ ಸಮೂಹದ ಪತ್ರಿಕಾ ಛಾಯಾಗ್ರಾಹಕ ತಾಜುದ್ದೀನ್ ಆಜಾದ್ ಸೆರೆಹಿಡಿದಿದ್ದರು. ಈ ಫೋಟೋವನ್ನು ಮೆಚ್ಚಿಕೊಂಡು ಕೇಂದ್ರ ರೇಲ್ವೆ ಸಚಿವರಾದ ಪಿಯುಷ್ ಗೊಯೆಲ್ ಅವರು ಟ್ವೀಟ್ ಮಾಡಿದ್ದರು. ಕೇಂದ್ರ ಗಣಿ, ಕಲ್ಲಿದ್ದಲು   ಹಾಗೂ ಸಂಸದೀಯ ವ್ಯವಹಾರಗಳ ಸಚಿವರಾದ ಪ್ರಹ್ಲಾದ ಜೋಶಿ, ಜಿಲ್ಲಾ ಉಸ್ತುವಾರಿ ಸಚಿವರಾದ ಜಗದೀಶ ಶೆಟ್ಟರ್ ಮತ್ತಿತರ ಗಣ್ಯರು ಮುಕ್ತ ಕಂಠದಿಂದ ಶ್ಲಾಘನೆ ಮಾಡಿದ್ದರು.
 ತಾಜುದ್ದೀನ್ ಆಜಾದ್ ಅವರು ಕಾರ್ಯಕ್ಷಮತೆ ಹಾಗೂ ಪ್ರತಿಭೆಯನ್ನು ಮೆಚ್ಚಿ ಜಿಲ್ಲಾಧಿಕಾರಿಗಳಾದ ದೀಪಾ ಚೋಳನ್ ಅವರು ಇಂದು ಪ್ರಶಂಸಾಪತ್ರ ನೀಡಿ ಅಭಿನಂದಿಸಿದರು. ಪತ್ರಕರ್ತ ಇ.ಎಸ್.ಸುಧೀಂದ್ರ ಪ್ರಸಾದ, ವಾರ್ತಾ ಇಲಾಖೆಯ ಹಿರಿಯ ಸಹಾಯಕ ನಿರ್ದೇಶಕ ಮಂಜುನಾಥ ಡೊಳ್ಳಿನ್ ಮತ್ತಿತರರು ಇದ್ದರು.