ವೇದ ಶಿಕ್ಷಣ ದ ಪ್ರಸ್ತಾಪದ ಹಿಂದಿರುವ ಅಸಲಿ ಅಜೆಂಡಾಗಳು

Source: sonews | By sub editor | Published on 19th March 2019, 10:51 PM | National News | Special Report | Don't Miss |

ಜಾತಿ ವಿನಾಶಕ್ಕೆ ವೇದ ಶಿಕ್ಷಣ ಕೊಡುವ ಸಂದೇಶವೇನು?

ವೇದ ಶಿಕ್ಷಣವನ್ನು ಬೋಧಿಸುವ ಮತ್ತು ಪುನಶ್ಚೇತನಗೊಳಿಸುವ ಉದ್ದೇಶದ ಭಾರತೀಯ ಶಿಕ್ಷಾ ನಿಗಮದ ಸ್ಥಾಪನೆಯ ಪ್ರಸ್ತಾವನೆಯು ಎಂದಿನಂತೆ ಹಲವರ ಬೆಂಬಲಕ್ಕೆ ಮತ್ತು ಹಲವರ ಅನುಮಾನಗಳಿಗೆ ಕಾರಣವಾಗಿದೆ. ವಿದ್ಯಾರ್ಥಿಗಳು ವೈದಿಕ ಸಂಸ್ಕೃತಿಯನ್ನು, ಶಾಸ್ತ್ರೀಯ ಪುರಾಣಗಳನ್ನು, ಮತ್ತು ಹಿಂದೂ ಧರ್ಮದೊಳಗಿನ ಆಚರಣೆಗಳ ಕಲಿಯುವಂತೆ ಮಾಡುವಲ್ಲಿ ಪ್ರಯತ್ನವು ಮತ್ತೊಂದು ಹೆಜ್ಜೆ ಎಂದು ಪರಿಗಣಿಸಲಾಗಿದೆ. ಸೈದ್ಧಾಂತಿಕ ಪ್ರಶ್ನೆಗಳನ್ನೂ ಬದಿಗಿರಿಸಿದರೂ, ವೇದ ಶಿಕ್ಷಣವನ್ನು ನೀಡುವ ಶಿಕ್ಷಕರ ಬಗ್ಗೆ, ವಿದ್ಯಾರ್ಥಿಗಳಲ್ಲಿರುವ ನಿರೀಕ್ಷೆಗಳ ಬಗ್ಗೆ, ಮತ್ತು ಶಾಲೆ ಹಾಗೂ ಕಾಲೇಜುಗಳಲ್ಲಿ ಧಾರ್ಮಿಕ ಶಿಕ್ಷಣವನ್ನು ನೀಡುವುದರ ಪರಿಣಾಮಗಳ ಬಗ್ಗೆ ಕೆಲವು ನಿರ್ದಿಷ್ಟ ಪ್ರಶ್ನೆಗಳನ್ನು ಕೇಳಬಹುದಾಗಿದೆ.

ಮೊದಲನೆಯದಾಗಿ ಶಿಕ್ಷಣ ವ್ಯವಸ್ಥೆಯ ಭಾಗವಾಗಿ ವೇದಗಳನ್ನು ಕಲಿಸುವುದಾದರೆ ಯಾರೂ ವೇದಗಳನ್ನು ಅಧ್ಯಯನ ಮಾಡುವ ಅವಕಾಶಗಳನ್ನು ಪಡೆದುಕೊಂಡು ಅದರಲ್ಲಿ ಪರಿಣಿತರಾಗಿದ್ದಾರೋ ಅವರನ್ನೇ ಶಿಕ್ಷಕರನ್ನಾಗಿ ನೇಮಿಸಿಕೊಳ್ಳಲಾಗುವುದೆಂದು ಊಹಿಸಬಹುದು. ಆದರೆ ವೇದಗಳನ್ನು ಯಾರು ಅಧ್ಯಯನ ಮಾqಬಹುದೆಂಬ ಬಗ್ಗೆ ನಿರ್ಬಂಧಗಳಿರುವುದರಿಂದ ವೇದಾಧ್ಯಯನ ಶಿಕ್ಷಣ ನೀಡುವವರು ಯಾರು ಎಂಬುದು ದ್ವಿಜರ ನಡುವೆ ಒಂದು ಹೊಸ ವರ್ಗೀಕರಣವನ್ನು ಹುಟ್ಟುಹಾಕುವುದೇ? ಈಗಾಗಲೇ ದೇಶದ ಹಲವಾರು ಕಡೆ ವೈದಿಕ ಪಾಠಶಾಲೆಗಳು ಅಸ್ಥಿತ್ವದಲ್ಲಿದ್ದು ಅದರಲ್ಲಿ ಯಾರು ಕಲಿಯಬೇಕು ಎಂಬ ನಿರ್ಬಂಧಗಳಲ್ಲಿ ಸ್ಪಷ್ಟವಾದ ಜಾತಿ ವರ್ಗೀಕರಣವಿದ್ದು ಸಮಾಜದ ಶ್ರೇಣೀಕರಣದ ಏಣಿಯಲ್ಲಿ ಮೇಲ್ಸ್ಥಾನದಲ್ಲಿರುವ ಸೌಲಭ್ಯವಂತ ಮೇಲ್ಜಾತಿಗಳು ಮಾತ್ರ ವೇದಗಳನ್ನು ಅಧ್ಯಯನ ಮಾಡುವ ಅವಕಾಶವಿದೆ. ಸೌಲಭ್ಯವಂತರೂ ಸಹ ಕಟ್ಟುನಿಟ್ಟಾಗಿ ಜಾತಿಯನ್ನೂ ಹಾಗೂ ಪುರೋಹಿತ ವೃತ್ತಿಯನ್ನೂ ಅನುಸರಿಸುತ್ತವೆ. ಇದನ್ನು ಇಲ್ಲಿ ಏಕೆ ಒತ್ತು ಕೊಟ್ಟು ಹೇಳಬೇಕಿದೆಯೆಂದರೆ ಇತರ ಪುರೋಹಿತೇತರ ಬ್ರಾಹ್ಮಣ ಜಾತಿಗಳಿಗಿಂತ ಪುರೋಹಿತ ಬ್ರಾಹ್ಮಣ ಜಾತಿಗಳು ದಿನದುದ್ದಕ್ಕೂ ಹಲವಾರು ವ್ರತನೇಮಾಚರಣೆಗಳನ್ನು ಮಾಡಬೇಕಿರುತ್ತದೆ.

ಬಗೆಯ ಕರ್ಮಠ ಶಿಕ್ಷರನ್ನು ನೊಂದಾಯಿಸಿಕೊಳ್ಳುವುದರಿಂದ ಶಾಲಾ- ಕಾಲೇಜುಗಳಲ್ಲೂ ಇವರಿಗಾಗಿಯೇ ಪ್ರತ್ಯೇಕವಾದ ಸ್ಥಳಾವಕಾಶಗಳನ್ನು ಒದಗಿಸಬೇಕಾಗುತ್ತದೆ. ಅದರಿಂದಾಗಿ ಜಾತಿ ಆಧಾರಿತ ಪ್ರತ್ಯೇಕೀಕರಣ ಮತ್ತು ಧರ್ಮಾಧಾರಿತ ಆಚರಣೆಗಳು ಶಾಲಾ-ಕಾಲೇಜುಗಳ ಆವರಣದೊಳಕ್ಕೂ ಕಾಲಿಡುವಂತಾಗುತ್ತದೆ. ಬ್ರಾಹ್ಮಣವಾದವು ಕರ್ಮಾಚರಣೆಗಳಲ್ಲೇ ತಳಮಟ್ಟ ಮುಳುಗಿರುವ ಮತವೆಂಬುದನ್ನು ಮರೆಯಬಾರದು. ವೈದಿಕ ಶಿಕ್ಷಣವನ್ನು ಪಡೆಯುವ ವಿದ್ಯಾರ್ಥಿಗಳು ಬ್ರಾಹ್ಮಣೀಯ ಕರ್ಮಾಚರಣೆಗಳನ್ನೂ ಅನುಸರಿಸುವರೇ? ಹಾಗಿದ್ದಲ್ಲಿ ಅದುನಮ್ಮ ಸಮಾಜದೊಳಗಿನ ಜಾತಿ ವಿದ್ಯಮಾನದ ಮೇಲೆ ಏನು ಪ್ರಭಾವ ಬೀರಬಹುದು?

ನಮ್ಮ ಪ್ರಸ್ತುತ ಶಿಕ್ಷಣ ವ್ಯವಸ್ಥೆಯು ಒಂದು ರೀತಿಯಲ್ಲಿ ಹಿಂದೂ ಧರ್ಮಕ್ಕೆ ವಿರುದ್ಧವಾದ ಪೂರ್ವಗ್ರಹದಿಂದ ಕೂಡಿದೆಯಾಗಿದ್ದರಿಂದ ಅದನ್ನು ಸರಿಪಡಿಸಬೇಕೆಂಬ ಅಭಿಪ್ರಾಯವೇ ಹೊಸ ಪ್ರಸ್ತಾಪವನ್ನು ಮುಂದಿರಿಸಲು ಕಾರಣವೆಂದು ಕಾಣುತ್ತಿದೆ. ಆದರೆ ಇದರ ತಾತ್ಪರ್ಯವು ನಮ್ಮ ಶಿಕ್ಷಣ ವ್ಯವಸ್ಥೆಯು ಇತರ ಧರ್ಮಗಳ ವಿರುದ್ಧವೂ ಅಷ್ಟೇ ಪೂರ್ವಗ್ರಹದಿಂದ ಕೂಡಿದೆ ಎಂದಾಗುತ್ತದೆ. ಅದರ ಅರ್ಥ ನಾವು ಈಗ ನೀಡುತ್ತಿರುವ ಧರ್ಮ ನಿರಪೇಕ್ಷ ಶಿಕ್ಷಣಕ್ಕೆ ಸಮಾಜದ ಧಾರ್ಮಿಕ ಮತ್ತು ಸಾಂಸ್ಕೃತಿಕ ಅಂಶಗಳನ್ನು ನಿಭಾಯಿಸುವ ಸಾಮರ್ಥ್ಯವಿಲ್ಲ ಎಂದೇ? ಹಾಗಿದ್ದಲ್ಲಿ ಧಾರ್ಮಿಕ ಹಾಗೂ ಸಾಂಸ್ಕೃತಿಕ ಅಧ್ಯಯನಗಳ ಜ್ನಾನಶಿಸ್ತನ್ನು ಇನ್ನಷ್ಟು ಗಂಭೀರವಾಗಿ ತೆಗೆದುಕೊಳ್ಳುವ ಮೂಲಕ ಮಾತ್ರ ಅದನ್ನು ಬಗೆಹರಿಸಲು ಸಾಧ್ಯ. ನಮ್ಮ ಯಾವುದೇ ಆಧುನಿಕ ಶೈಕ್ಷಣಿಕ ಸಂಸ್ಥೆಗಳಲ್ಲಿ ಸುವ್ಯವಸ್ಥಿತವಾದ ಧಾರ್ಮಿಕ ಅಧ್ಯಯನ ವಿಭಾಗಗಳು ಇಲ್ಲದಿರುವುದೊಂದು ವಿಪರ್ಯಾಸ. ಆದರೆ ವಿಭಾಗಗಳನ್ನು ಭಾರತದ ಹೊರಗಡೆ ಸ್ಥಾಪಿಸಿದಾಗ ಧರ್ಮಗಳ ಬಗ್ಗೆಯೇ ಅತಿಹೆಚ್ಚು ಶೈಕ್ಷಣಿಕ ಸಾರಸ್ವತವನ್ನು, ಕನಿಷ್ಟ ಇಂಗ್ಲೀಷ್ ಭಾಷೆಯಲ್ಲಂತೂಸೃಷ್ಟಿಸುತ್ತವೆಂಬುದು ಮತ್ತೊಂದು ವಿಪರ್ಯಾಸ. ವೇದಗಳ ಅಧ್ಯಯನಗಳ ಬಗ್ಗೆಯೂ ಒಂದು ವಿದ್ವತ್ಪೂರ್ಣವಾದ ಮತ್ತು ವಿಮರ್ಶಾತ್ಮಕವಾದ ಒಂದು ಪಠ್ಯಕ್ರಮವನ್ನು ಸಿದ್ಧಪಡಿಸಬೇಕಿದೆ. ಇಲ್ಲವಾದರೆ ಧರ್ಮಗಳ ವ್ಯಖ್ಯಾನವನ್ನು ಮಾಡಲು ಧಾರ್ಮಿಕ ನಾಯಕರ ಮೇಲೆಯೇ ಹೆಚ್ಚೆಚ್ಚು ಅವಲಂಬಿಸುವಂತಾಗಿಬಿಡುತ್ತದೆ.

ಇದರ ಜೊತೆಗೆ ಮತ್ತೊಂದು ಗಂಭೀರವಾದ ಸಂಗತಿಯಿದೆ. ಇದರ ಕೆಲವು ಬೆಂಬಲಿಗರ ಪ್ರಕಾರ ಪ್ರಸ್ತಾಪ ಏಕೆ ಮುಖ್ಯವೆಂದರೆ ಅದು ಕಡ್ಡಾಯ ಶಿಕ್ಷಣ ಕಾಯಿದೆಯು ಮಾಡಿರುವ ಹಾನಿಯನ್ನದು ಸರಿಪಡಿಸಲಿದೆ. ಇದು ಪ್ರಸ್ತಾಪದ ಹಿಂದಿರುವ ಗುಪ್ತ ಅಜೆಂಡಾವನ್ನು ಬಯಲು ಮಾಡುತ್ತದೆ. ಕಡ್ಡಾಯ ಶಿಕ್ಷಣ ಕಾಯಿದೆ (ಆರ್ಟಿಇ)ಯಿಂದ ಹಿಂದುಗಳು ನಡೆಸುವ ಶೈಕ್ಷಣಿಕ ಸಂಸ್ಥೆಗಳಿಗೆ ಹಾನಿಯುಂಟಾಗಿದೆಯೆಂಬ ಅಭಿಪ್ರಾಯವು ವಾಸ್ತವ ದೃಷ್ಟಿಯಿಂದಲೂ ತಪ್ಪು ತಿಳವಳಿಕೆ. ಮಾತ್ರವಲ್ಲ. ಕಾಯಿದೆ ಇರುವುದೇ ಇತರ zsರ್ಮಗಳ ಬಡ ವಿದ್ಯಾರ್ಥಿಗಳಿಗೆ (ಇದರ ಜೊತೆಗೆ ಇತರ ಜಾತಿಗಳಿಗೆ ಎಂಬ ತಿಳವಳಿಕೆಯೂ ಇದರ ಹಿಂದಿದೆ) ಎಂಬ ತಪ್ಪು ನೆಲೆಯ ಚಿಂತನೆಯಿಂದಲೂ ಅಭಿಪ್ರಾಯ  ಹುಟ್ಟುತ್ತಿದೆ. ಮತ್ತು ಇಲ್ಲಿ ಬಡ ವಿದ್ಯಾರ್ಥಿಗಳು ಹಿಂದೂ ಧರ್ಮಕ್ಕೆ ಸೇರಿದವರಾಗಿದ್ದರೂ ಅವರು ವೈದಿಕ ನಾಗರಿಕತೆಗೆ ಸೇರಿದವರಲ್ಲವೆಂದೇ ಪರಿಗಣಿಸಲಾಗುತ್ತಿದೆ. ಪ್ರತಿಪಾದನೆಯೇ  ವೈದಿಕ ಶಿಕ್ಷಣದ ಮೂಲಕ ಬ್ರಾಹ್ಮಣೀಯ ಶಿಕ್ಷಣವನ್ನು ಜಾರಿ ಮಾಡಲಾಗುತ್ತದೆಂಬ ಅನುಮಾನವನ್ನು ಮತ್ತಷ್ಟು ಗಟ್ಟಿಗೊಳಿಸುತ್ತಿದೆ.

ಕೊನೆಯದಾಗಿ ಹೊಸ ಪ್ರಸ್ತಾಪವನ್ನು ಆತುಕೊಳ್ಳುವವರು ಯಾರು? ಇದು ಹಿಂದುಗಳಿಗೆ ಸ್ಪೂರ್ತಿ ನೀಡುತ್ತದೆ ಎಂದು ಸರ್ಕಾರವು ಭಾವಿಸಿದ್ದರೆ ಅದು ಅತ್ಯತ ತಪ್ಪಾದ ಗ್ರಹಿಕೆಯಾಗಿದೆ. ವಾಸ್ತವವೇನೆಂದರೆ ಹಿಂದೂಗಳಲ್ಲಿನ ಮಧ್ಯಮ ವರ್ಗzವರು, ಮೇಲ್ ವರ್ಗದವರು ಮತ್ತು ಮಹತ್ವಾಕಾಂಕ್ಷೆಗಳುಳ್ಳ ವರ್ಗಗಳು  (ಅದರಲ್ಲೂ ಬ್ರಾಹ್ಮಣ ಮೇಲ್ವರ್ಗದವರು) ತಮ್ಮ ಮಕ್ಕಳನ್ನು ಮಿಷನರಿ ಮತ್ತು ಅಂತರರಾಷ್ಟ್ರೀಯ ಶಾಲೆಗಳಿಗೆ ಕಳಿಸುತ್ತಾರೆಯೇ ವಿನಃ ವೈದಿಕ ಶಾಲೆಗಳಿಗಲ್ಲಅಲ್ಲದೆ ಈಗಾಗಲೇ ಅಸ್ಥಿತ್ವದಲ್ಲಿರುವ ವೈದಿಕ ಪಾಠಶಾಲೆಗಳಲ್ಲಿ ಅತ್ಯಲ್ಪ ಹಿಂದೂಗಳು ಅದರಲ್ಲೂ ಅತ್ಯಲ್ಪ ಬ್ರಾಹ್ಮಣ ಹಿನ್ನೆಲೆಯ ಮಕ್ಕಳು ಕಲಿಯುತ್ತಿದ್ದಾರೆ. ಹೀಗಾಗಿ ಯೋಜನೆಯ ಮುಖ್ಯ ಗುರಿಯಿರುವುದು ಬ್ರಾಹ್ಮಣೇತರ ಮತ್ತು ಹಿಂದೂಯೇತರ ಮಕ್ಕಳೆಂದು ಭಾಸವಾಗುತ್ತದೆ. ವೈದಿಕ ಶಿಕ್ಷಣದ ಹಿರಿಮೆಯನ್ನು ಬೋಧಿಸುವ ಮೂಲಕ ವೈದಿಕ ಎಂಬುದನ್ನು ಭಾರತೀಯ ಎಂಬುದಕ್ಕೆ ಅಂತರಿಕವಾಗಿ ಸಮೀಕರಿಸುತ್ತಾ ಪ್ರಧಾನವಾಗಿ ಹಿಂದುಯೇತರ ಮಕ್ಕಳನ್ನೇ ಯೋಜನೆ ಪ್ರಾಥಮಿಕ ಗುರಿ ಮಾಡಿಕೊಂಡಿರುವಂತೆ ಕಂಡುಬರುತ್ತದೆ. ಭಾರತದ ತತ್ವಶಾಸ್ತ್ರ, ಭಾಷೆ ಮತ್ತು ಕಲೆಗಳಿಗೆ ವೇದಕಾಲದ ಕೊಡುಗೆಗಳ ಬಗ್ಗೆ ನಮಗೆ ಯಾವ ತಕರಾರೂ ಇರಬೇಕಿಲ್ಲವಾದರೂ, ಬ್ರಾಹ್ಮಣೇತರ ಹಿಂದೂಗಳನ್ನೂ ಒಳಗೊಂಡಂತೆ ಎಲ್ಲಾ ಭಾರತೀಯರೂ ವೈದಿಕ ಪರಂಪರೆಗೇ ಸೇರಿದವರೆಂಬ ವ್ಯವಸ್ಥೆಯನ್ನು ಹುಟ್ಟುಹಾಕಲು ಸಾಧ್ಯವಿಲ್ಲ.

ಹಾಗೆಯೇ ನಮ್ಮ ಶಿಕ್ಷಣ ವ್ಯವಸ್ಥೆಯಲ್ಲಿ ಈಗಲೂ ಯುರೋಪ್ ಕೇಂದ್ರಿತ ಹಸಿ ವೈಚಾರಿಕತೆಯೇ ಪ್ರಧಾನವಾಗಿದೆಯೆಂಬ ವಾಸ್ತವವೂ ಸಹ ಇಂಥಾ ವೈದಿಕ ಶಿಕ್ಷಣದ ಪ್ರಸ್ತಾವಗಳು ರಾಜಕೀಯ ಅಸ್ತ್ರವಾಗುವ ಅವಕಾವನ್ನು ಕಲ್ಪಿಸಿಕೊಡುತ್ತದೆ ಎಂಬುದನ್ನು ನಾವು ಮರೆಯಬಾರದು. ಬಗೆಯ ಶಿಕ್ಷಣ ವ್ಯವಸ್ಥೆಯಿಂದ ಮತ್ತು ಅದಕ್ಕೆ ಪಶ್ಚಿಮೇತರ ಜ್ನಾನಮೂಲಗಳ ಬಗ್ಗೆ ಇರುವ ಅನುಮಾನಗಳಿಂದ ವಿದ್ಯಾರ್ಥಿಗಳು ಮತ್ತವರ ಪೋಷಕರು ನಿಜವಾಗಿಯೂ ವ್ಯಾಕುಲರಾಗಿದ್ದಾರೆ. ಹೀಗಾಗಿ ವೈದಿಕ ಶಿಕ್ಷಣದ ಪ್ರಸ್ತಾಪವು ನಮ್ಮ ಶಿಕ್ಷಣ ವ್ಯವಸ್ಥೆಯ ಸಾರ ಮತ್ತು ವಿಧಾನಗಳ ಬಗ್ಗೆ ಕಳವಳಗೊಂಡಿರುವಂಥ ನಮ್ಮೆಲ್ಲರಿಗೂ ಎಚ್ಚರಿಕೆಯ ಗಂಟೆಯಾಗಿದೆ. ಎಚ್ಚರಿಕೆಯಿಂದ ಪಶ್ಚಿಮೇತರ ಸಮಾಜಗಳ ವೈಚಾರಿಕತೆ ಮತ್ತು ಅನುಭವಗಳಿಗೆ ಸಂವೇದನಾಶೀಲವಾಗಿರುವ ಬಹುಬಗೆಯ ದೃಷ್ಟಿಕೋನಗಳನ್ನು ಒಳಗೊಳ್ಳುವಂಥ ಬಗೆಯೊಂದನ್ನು ಕಂಡುಕೊಳ್ಳುತ್ತೇವೆಂದು ಆಶಿಸೋಣ

ಕೃಪೆ: Economic and Political Weekly ಅನು: ಶಿವಸುಂದರ್ 

Read These Next

ವಂಚನೆಗೊಳಗಾದ ಮುಸ್ಲಿಮರ ವಿಶ್ವಾಸ ಗಳಿಸಿ: ಎನ್​​ಡಿಎ ಸಂಸದರಿಗೆ ಪ್ರಧಾನಿ ಮೋದಿ ಕಿವಿಮಾತು

ದೇಶದ ಅಲ್ಪಸಂಖ್ಯಾತರು ಭಯದ ವಾತಾವರಣದಲ್ಲಿ ಬದುಕುತ್ತಿದ್ದಾರೆ. ಮುಸ್ಲಿಂ ಸಮುದಾಯವನ್ನು ವಿರೋಧ ಪಕ್ಷಗಳು ಮತ ಬ್ಯಾಂಕ್​​ಗಾಗಿ ...

ವ್ಯಕ್ತಿಯ ಹೊಟ್ಟೆಯಿಂದ ಚಾಕು, ಸ್ಕ್ರೂ ಡ್ರೈವರ್, ಟೂತ್ ಬ್ರಷ್, ಸ್ಪೂನ್ ಹೊರತೆಗೆದ ಹಿಮಾಚಲ ಪ್ರದೇಶದ ವೈದ್ಯರು

ಎಂಟು ಸ್ಪೂನ್‌, 2 ಸ್ಕ್ರೂ ಡ್ರೈವರ್‌, ಎರಡು ಟೂತ್‌ ಬ್ರಷ್‌, ಕಿಚನ್‌ ಚಾಕು ಮತ್ತು ಚಿಲಕವನ್ನು ವೈದ್ಯರು ವ್ಯಕ್ತಿಯೊಬ್ಬನ ಹೊಟ್ಟೆಯಿಂದ ...

ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ರಾಜೀನಾಮೆ ಅಂಗೀಕರಿಸದ ಕಾಂಗ್ರೆಸ್ ಕಾರ್ಯಕಾರಿ ಸಮಿತಿ ಸಭೆ

ಲೋಕಸಭಾ ಚುನಾವಣೆಯಲ್ಲಿ ಹೀನಾಯ ಸೋಲು ಕಂಡ ಹಿನ್ನೆಲೆ ಇಂದು CWC ಸಭೆಯಲ್ಲಿ, ರಾಹುಲ್ ಗಾಂಧಿ ಎಐಸಿಸಿ ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ...

ತನ್ನ ವಿರುದ್ಧ ಸೋತಿದ್ದ ಶೀಲಾ ದೀಕ್ಷಿತ್ ಆಶೀರ್ವಾದ ಪಡೆದ ಬಿಜೆಪಿ ಸಂಸದ ಮನೋಜ್ ತಿವಾರಿ

 2019 ರ ಲೋಕಸಭಾ ಚುನಾವಣೆಯಲ್ಲಿ ದೆಹಲಿ ಪೂರ್ವ ಲೋಕಸಭಾ ಕ್ಷೇತ್ರದಿಂದ ಸ್ಪರ್ಧಿಸಿದ್ದ ಬಿಜೆಪಿ ಅಭ್ಯರ್ಥಿ ಮನೋಜ್ ತಿವಾರಿ ಸಂಸತ್ ಗೆ ...

ಪ್ರಜಾತಂತ್ರ ಮತ್ತು ವಿನಯ

ಆದರೆ ತಮ್ಮ ವಿರೋಧಿಗಳಲ್ಲಿ ಮಾತ್ರವಲ್ಲದೆ ಒಂದು ಸಭ್ಯ ಸಮಾಜವು ಪಸರಿಸಬೇಕೆಂಬ ಆಶಯವುಳ್ಳವರಲ್ಲೂ ಸಹ ಒಂದು ಬಗೆಯ ಹತಾಷ ಭಾವಗಳನ್ನು ...

ಗಡಿಯಾರ ವ್ಯಾಪಾರಿಯನ್ನು”ಭಯೋತ್ಪಾದಕ’ ಎಂದು ಬಿಂಬಿಸಿದ ಮಾಧ್ಯಮಗಳಿಗೆ ಛೀ,ಥೂ ಎನ್ನುತ್ತಿರುವ ಸಾರ್ವಜನಿಕರು

ಬೆಂಗಳೂರು: ಅಮಾಯಕ ಗಡಿಯಾರ ವ್ಯಾಪಾರಿಯೊಬ್ಬರನ್ನು ‘ಉಗ್ರ’ನೆಂದು ಬಿಂಬಿಸಿ ಕೆಲ ಸುದ್ದಿ ಚಾನೆಲ್ ಗಳು ಸುಳ್ಳು ವದಂತಿಗಳನ್ನು ...