ಕೋಲಾರ.ಸೆ,9: ನಗರದ ಅಂತರಾಷ್ಟ್ರೀಯ ದೇಹದಾಢ್ರ್ಯ ಪಟು ಎ.ವಿ ರವಿ ರವರು ಪಿಲಿಪೀನ್ಸ್ ನಲ್ಲಿ ನಡೆಯಲಿರುವ ಏಷ್ಯಾ ಚಾಂಪಿಯನ್‍ಷಿಫ್, ಹಾಗೂ ಅಮೇರಿಕಾದಲ್ಲಿ ನಡೆಯಲಿರುವ ನ್ಯಾಚುರಲ್ ವಿಶ್ವ ಚಾಂಪಿಯನ್‍ಶಿಫ್ ಸ್ವರ್ಧೆಯಲ್ಲಿ ಮಾಸ್ಟರ್ ಕ್ಲಾಸ್ ವಿಭಾಗದಲ್ಲಿ ಭಾರತವನ್ನು ಪ್ರತಿನಿಧಿಸಲಿದ್ದಾರೆ.
    
ಕೋಲಾರದ ಎ.ವಿ.ರವಿ ವಿದ್ಯಾರ್ಥಿ ದಿಸೆಯಿಂದಲೇ ದೇಹದಾಢ್ರ್ಯ ಸ್ವರ್ಧೆಗಳಲ್ಲಿ ಭಾಗವಹಿಸುತ್ತಾ 100 ಕ್ಕೂ ಹೆಚ್ಚು ರಾಷ್ಟ್ರೀಯ, ಅಂತರಾಷ್ಟ್ರೀಯ ಪ್ರಶಸ್ತಿಗಳನ್ನು ಗೆದ್ದುಕೊಂಡಿದ್ದಾರೆ. ಸಿನಿಮಾ ನಟರು ಆಗಿರುವ ಇವರು ಕನ್ನಡ ಮತ್ತು ತೆಲಗು ಚಿತ್ರಗಳಲ್ಲಿ ನಟಿಸಿ ಜನಪ್ರಿಯರಾಗಿದ್ದಾರೆ. ಪ್ರಸ್ತುತ ಇವರು ಆದಾಯ ತೆರಿಗೆ ಇಲಾಖೆಯಲ್ಲಿ ಇನ್ಸ್‍ಪೆಕ್ಟರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.
    
ಉದ್ದೀಪನಾ ಮದ್ದು ಸೇವಿಸಿ ದೇಹವನ್ನು ಬೆಳೆಸಿಕೊಳ್ಳುವುದನ್ನು ಪ್ರಬಲವಾಗಿ ವಿರೋಧಿಸುವ ಎ.ವಿ.ರವಿ ರವರು ನೈಸರ್ಗಿಕ ಆಹಾರವನ್ನು ಸೇವಿಸಿ ದೇಹವನ್ನು ಕಟ್ಟುಮಸ್ತುಗೊಳಿಸುವಲ್ಲಿ ವಿಶ್ವದಲ್ಲೇ ಜನಪ್ರಿಯರಾಗಿದ್ದಾರೆ.
    
52ನೇ ವಯಸ್ಸಿನಲ್ಲಿ ಯಾವುದೇ ಉದ್ಧಿಪನಾ ಮದ್ದು ಸೇವಿಸದೇ ಸಾಂಪ್ರದಾಯಿಕ ಭಾರತೀಯ ಭೋಜನಾ ಹಾಗೂ ನಿಯಮಿತವಾದ ಕಸರತ್ತಿನ ಸಾಧನೆಯ ಮೂಲಕ ದೇಹದಾಢ್ರ್ಯ ಕ್ಷೇತ್ರದಲ್ಲಿ ರವಿಯವರು ಅಪಾರ ಸಾಧನೆ ಮಾಡಿರುವುದು ಗಮನಾರ್ಹವಾಗಿದೆ.

ವರದಿ: ಮೊಹಮ್ಮದ್ ಶಬ್ಬೀರ್, ಶ್ರೀನಿವಾಸಪುರ.
    
ಕಳೆದ ವರ್ಷ ಭಾರತ ದೇಹದಾಢ್ರ್ಯ ತಂಡದ ತರಬೇತುದಾರರಾಗಿ ಆಯ್ಕೆಯಾಗಿದ್ದ ಎ.ವಿ ರವಿ ಯವರು 2 ಬಾರಿ ಭಾರತ ಶ್ರೇಷ್ಟರಾಗಿ ಭಾರತ ಶ್ರೀ, ಮಿಸ್ಟರ್ ಯೂನಿವರ್ಸ್ ಮತ್ತಿತರ ಪ್ರಶಸ್ತಿಗಳನ್ನು ಗೆದ್ದುಕೊಂಡಿದ್ದಾರೆ.
     
50 ವರ್ಷಗಳ ನಂತರವು ನೈಸರ್ಗಿಕ ದೇಹದಾಢ್ರ್ಯ ಸ್ವರ್ಧೆಯಲ್ಲಿ ಬಾಗವಹಿಸುತ್ತಿರುವ ಇವರ ಕ್ರೀಡಾ ಆಸಕ್ತಿ ಅನೇಕ ಯುವಕರಿಗೆ ಸ್ಪೂರ್ತಿಯಾಗಿದೆ.