ಮಂಡ್ಯ: ಮಂಡ್ಯ ನಗರಕ್ಕೆ ಸರಬರಾಜು ಮಾಡುತ್ತಿರುವ ಕುಡಿಯುವ ನೀರಿನ ದರ ಏರಿಕೆಯನ್ನು ಇಳಿಸಲು ನೂತನ ಪ್ರಸ್ತಾವನೆ ಸಲ್ಲಿಸುವಂತೆ ಹಾಗೂ ಸಾರ್ವಜನಿಕರಿಗೆ ನೀರಿನ ದರ ಹೊರೆಯಾಗದಂತೆ ಅಗತ್ಯ ಕ್ರಮವಹಿಸುವಂತೆ ಮಂಡ್ಯ ಜಿಲ್ಲಾಧಿಕಾರಿಗಳಾದ ಡಾ.ಎಂ.ವಿ.ವೆಂಕಟೇಶ್ ಅವರು ಜಲಮಂಡಳಿ ಅಧಿಕಾರಿಗಳಿಗೆ ಸೂಚನೆ ನೀಡಿದರು.
ಇಂದು ಜಿಲ್ಲಾಧಿಕಾರಿಗಳ ಕಚೇರಿಯ ಸಭಾಂಗಣದಲ್ಲಿ ನಗರಸಭೆ ಜಲಮಂಡಳಿ ಅಧಿಕಾರಿಗಳೊಂದಿಗೆ ಸಭೆ ನಡೆಸಿ ಮಾತನಾಡಿದ ಜಿಲ್ಲಾಧಿಕಾರಿಗಳು ಮಂಡ್ಯ ನಗರದ ಕುಡಿಯುವ ನೀರಿನ ದರ ಏರಿಕೆ ಯಾಗದಂತೆ ಅಧಿಕಾರಿಗಳು ಅಗತ್ಯ ಕ್ರಮವಹಿಸುವಂತೆ ಸೂಚಿಸಿದರು. 
ಮಂಡ್ಯ ಜಿಲ್ಲೆ ಕೃಷಿ ಪ್ರಧಾನವಾದ ಜಿಲ್ಲೆಯಾಗಿದ್ದು ಆದಾಯ ಪ್ರಮಾಣ ಕಡಿಮೆ ಇದೆ. ಈ ನಿಟಿನಲ್ಲಿ ನೀರಿನ ದರ ಏರಿಸುವುದು ಸಾರ್ವಜನಕರಿಗೆ ಹೊರೆಯಾಗುತ್ತದೆ. ಈ ನಿಟ್ಟಿನಲ್ಲಿ ನಿರ್ವಹಣಾ ವೆಚ್ಚ ಹೆಚ್ಚಿದ್ದು ಅದನ್ನು ಕಡಿತಗೊಳಿಸಿ ರಾಮನಗರಕ್ಕಿಂತ ಕಡಿಮೆ ದರವನ್ನು ನಿಗದಿಪಡಿಸಿ ಪರಿಷ್ಕೃತ ಪ್ರಾಸ್ತವ ಸಲ್ಲಿಸಲು ಸೂಚಿಸಿದರು.
ಮಂಡ್ಯ ವಿಧಾನ ಸಭೆ ಶಾಸಕರಾದ ಎಂ.ಶ್ರೀನಿವಾಸ್ ಮಾತನಾಡುತ್ತಾ ವಾರಕ್ಕೆ ಎರಡು ಬಾರಿ ನೀರು ಸರಬರಾಜು ಮಾಡಲು ಇಷ್ಟೊಂದು ದುಬಾರಿ ದರ ವಿಧಿಸಿರುವುದು ಸರಿಯಲ್ಲ ಎಂದರು. ಅಂತಿಮವಾಗಿ ಜಿಲ್ಲಾಧಿಕಾರಿಗಳು ವಿದ್ಯುತ್ ಬಿಲ್ಲಿನ 3 ಕೋಟಿ ಹಣವನ್ನು ನಗರಸಭೆ ಪಾವತಿಸುತ್ತಿದ್ದು ಅದನ್ನು ಜಲಮಂಡಳಿ ತನ್ನ ವೆಚ್ಚದಲ್ಲಿ ತೋರಿಸಿಕೊಳ್ಳದಂತೆ ಹಾಗೂ ನಿರ್ವಹಣಾ ವೆಚ್ಚ ಹೆಚ್ಚಿದ್ದು ಅದನ್ನು ಕಡಿತಗೊಳಿಸಿ ರಾಮನಗರಕ್ಕಿಂತ ಕಡಿಮೆ ದರವನ್ನು ನಿಗದಿಪಡಿಸಿ ಪರಿಷ್ಕೃತ ಪ್ರಾಸ್ತವ ಸಲ್ಲಿಸಲು ಸೂಚಿಸಿದರು.
ಹಿಂಬಾಕಿಯನ್ನು ವಸೂಲು ಮಾಡದಂತೆ ನಾಗರೀಕ ಸಂಘಟನೆ ಪ್ರತಿನಿಧಿಗಳು ಸಭೆಯಲ್ಲಿ ತಿಳಿಸಿದರು. ಇದಕ್ಕೆ ಪ್ರತಿಕ್ರಿಯಿಸಿದ ಜಿಲ್ಲಾಧಿಕಾರಿಗಳು 2018ರ ನಂತರದ ಹಿಂಬಾಕಿಗೆ ಯಾವುದೆ ಬಡ್ಡಿ ವಿಧಿಸದಂತೆ ಸರಕಾರಕ್ಕೆ ಪ್ರಸ್ತಾವನೆ ಸಲ್ಲಿಸಲು ಜಲಮಂಡಳಿ ಅಧಿಕಾರಿಗಳಿಗೆ ನಿರ್ದೇಶನ ನೀಡಿದರು.
ಸಭೆಯಲ್ಲಿ ಜಲಮಂಡಳಿ ಕಾರ್ಯಪಾಲಕ ಅಭಿಯಂತರ ಸಿಎನ್ ಮಹದೇವು. ಸಹಾಯಕ ಕಾರ್ಯಪಾಲಕರಾದ ಶ್ರೀರಂಗರಾಜು ಶಿವಕುಮಾರಸ್ವಾಮಿ ನಗರಸಭೆ ಆಯುಕ್ತರಾದ ಲೋಕೆಶ್ ಯೋಜನಾ ನಿರ್ದೇಶಕರಾದ ನರಸಿಂಹಮೂರ್ತಿ, ಮಾಜಿ ನಗರಸಭಾ ಸದಸ್ಯ ಅನಿಲ್ ಕುಮಾರ್, ನಮ್ಮ ಊರು ನಮ್ಮ ನೀರು ಸಂಘಟನೆಯ ಎಂ.ಬಿ.ನಾಗಣ್ಣ, ಸೀತರಾಮು ಬಿಳಿಯಾ ದೊರೆಸ್ವಾಮಿ ಬೇಲೂರು ಸೋಮಶೇಖರ ಉಪಸ್ಥಿತರಿದ್ದರು.