ಕೋಲಾರ: ರಿಲೆವೆನ್ಸ್ ಲ್ಯಾಬ್ ಕಂಪನಿಯಿಂದ ಧನಸಹಾಯ ಪಡೆದು ಚೈಲ್ಡ್ ಹೆಲ್ಪ್ ಪೌಂಡೆಷನ್ ವತಿಯಿಂದ ಜಾರಿಗೆ ತಂದ ಶಾಲಾ ನೈರ್ಮಲ್ಯ ಯೋಜನೆಯ ಉದ್ಘಾಟನಾ ಸಮಾರಂಭವು ಜುಲೈ 10, 2019 ರಂದು ಕೋಲಾರ ಜಿಲ್ಲೆಯ ಗುಟ್ಟಹಳ್ಳಿ ಸರ್ಕಾರಿ ಕೆಳ ಪ್ರಾಥಮಿಕ ಶಾಲೆಯಲ್ಲಿ ಹಮ್ಮಿಕೊಳ್ಳಲಾಗಿತ್ತು.

ಶಾಲಾ ನೈರ್ಮಲ್ಯ ಯೋಜನೆಯನ್ನು ಗುಟ್ಟಹಳ್ಳಿ ಶಾಲೆಯ ಮಕ್ಕಳ ಉಪಸ್ಥಿತಿಯಲ್ಲಿ ಮಾರ್ಕೆಟಿಂಗ್ ರಿಲೆವೆನ್ಸ್ ಲ್ಯಾಬ್ ನಿರ್ದೇಶಕ ನೀರಜ್ ಉದ್ಘಾಟಿಸಿ ಮಾತನಾಡಿ ನಿಯಮಿತವಾಗಿ ಶಾಲೆಗೆ ಹೋಗುವ ಪ್ರಾಮುಖ್ಯತೆ ಮತ್ತು ಹಾಜರಾತಿಯನ್ನು ಸುಧಾರಿಸುವ ಕುರಿತು ತಿಳಿಸುತ್ತಾ ಮಕ್ಕಳಿಗೆ ಸಿಹಿ ಹಂಚಿದರು. 

ಚೈಲ್ಡ್ ಹೆಲ್ಪ್ ಪೌಂಡೆಷನ್ ವಲಯ ಮುಖ್ಯಸ್ಥ ರಾಜೀವ್ ಮೆನನ್ ಅಧ್ಯಯನದ ಮಹತ್ವವನ್ನು ತಿಳಿಸಿದರು. ಕ್ರಿಸ್ಟೋಫರ್ ಅವರು ಕೈ ಮತ್ತು ಕಾಲುಗಳನ್ನು ತೊಳೆಯುವ ಕುರಿತು ಮಕ್ಕಳಿಗೆ ಮಾಹಿತಿ ನೀಡಿದರು.

ನೈರ್ಮಲ್ಯ ಯೋಜನೆಯನ್ನು ಗ್ರಾಮದ ಶಾಲೆಯ ಅಗತ್ಯಗಳಿಗೆ ಅನುಗುಣವಾಗಿ ವಿನ್ಯಾಸಗೊಳಿಸಲಾಗಿದೆ. ಬಾಲಕ ಮತ್ತು ಬಾಲಕಿಯರಿಗಾಗಿ ಪ್ರತ್ಯೆಕ ಶೌಚಾಲಯ ಹೊಂದಿದೆ. ನೀರಿನ ಸಂಗ್ರಹಕ್ಕಾಗಿ ಓವರ್‍ಹೇಡ್ ಟ್ಯಾಂಕ್ ಅನ್ನು ಹಾಕಲಾಗಿದೆ. ಶಾಲೆಗೆ ಆರ್‍ಒ ನೀರಿನ ಘಟಕವನ್ನು ಸಹ ಒದಗಿಸಲಾಗಿದ್ದು, ಇದರಿಂದ ಮಕ್ಕಳಿಗೆ ಶುದ್ಧ ಕುಡಿಯುವ ನೀರು ಸಿಗುತ್ತದೆ.

ಮುಲಭೂತ ಸೌಕರ್ಯ ನೀಡುವ ನಿಟ್ಟಿನಲ್ಲಿ ರಿಲೆವೆನ್ಸ್ ಲ್ಯಾಬ್ ಮತ್ತು ಚೈಲ್ಡ್ ಹೆಲ್ಪ್ ಪೌಂಡೆಷನ್ ತಮ್ಮ ಬದ್ಧತೆ ತೋರಿವೆ ಎಂದರು.