ಹುಬ್ಬಳ್ಳಿ ಆ,೧೧- ನಗರದ ಮಂಟೂರು ರಸ್ತೆಯಲ್ಲಿ 1.80 ಕೋ ರೂ. ವೆಚ್ಛದಲ್ಲಿ  ಕೈಗೊಂಡಿರುವ ಮಂಟೂರು ರಸ್ತೆಯ ಕಲಬುರ್ಗಿ ಮಠ ಸ್ಮಶಾನ ಹಾಗೂ ಹರಿಶ್ಚಂದ್ರ ಘಾಟ್ ನ ಅಭಿವೃದ್ಧಿ ಕಾಮಗಾರಿಗಳ ಭೂಮಿಪೂಜೆ ಸಮಾರಂಭಕ್ಕೆ ಉಪಮಹಾಪೌರರು ಹಾಗೂ ವಾರ್ಡ್ ಸದಸ್ಯರಾದ ಲಕ್ಷ್ಮಿ ಬಿಜವಾಡ ಅವರನ್ನು ಶಿಷ್ಟಾಚಾರ ಪ್ರಕಾರ ಆಹ್ವಾನ ನೀಡಿದೇ ಇರುವುದರಿಂದ ಕಾರ್ಯಕ್ರಮ ರದ್ದಾಗಿದೆ. ಇಂದು ಬೆಳಿಗ್ಗೆ  11 ಗಂಟೆಗೆ ಕಲಬುರ್ಗಿ ಮಠ ಸ್ಮಶಾನ ಆವರಣದಲ್ಲಿ ಶಾಸಕರ ಪ್ರಸಾದ್ ಅಬ್ಬಯ್ಯಾ ಅವರ ಮುಂದಾಳತ್ವದಲ್ಲಿ ಭೂಮಿ ಪೂಜೆಗೆ ವ್ಯವಸ್ಥೆ ಮಾಡಲಾಗಿತ್ತು.
ಪದೇ ಪದೇ ಶಾಸಕ ಅಬ್ಬಯ್ಯಾ ಪ್ರಸಾದ್ ಈ ಹಿಂದೆ ಸಹ ಹಲವಾರು ಕಾರ್ಯಕ್ರಮ ಹಾಗೂ ವಿವಿಧ ಭೂಮಿ ಪೂಜೆ, ಅಡಿಗಲ್ಲು ಸಮಾರಂಭಕ್ಕೆ ತಮ್ಮನ್ನ ಸಮಯಕ್ಕೆ ಸರಿಯಾಗಿ ಆಹ್ವಾನ ಮಾಡುತಿಲ್ಲ. ಇಲ್ಲಿ ಅಧಿಕಾರಿಗಳ ಬೇಜಾಬ್ದಾರಿತನ ಸಹ ಇದೆ ಎಂದು ಅವರು ಆರೋಪಿಸಿದರು.
ಈ ಕುರಿತು ಶಾಸಕರು ಪ್ರತಿಕ್ರಿಯೆ ನೀಡಿದ್ದು, ಇಂದಿನ ಭೂಮಿ ಪೂಜೆಗೆ ಅಧಿಕಾರಿಗಳು ಉಪಮಹಾಪೌರರಾದ ವಾರ್ಡ್ ಸದಸ್ಯೆ ಲಕ್ಷ್ಮೀ ಬಿಜವಾಡ ಅವರನ್ನು ಆಹ್ವಾನಿಸಿಲ್ಲ. ಆದ್ದರಿಂದ ನಾಳೆ ಈ ಭೂಮಿ ಪೂಜೆ ಮಾಡಲಾಗುವುದು ಎಂದರು.
ಶಾಸಕ ಪ್ರಸಾದ ಅಬ್ಬಯ್ಯ ಹಾಗೂ ಮಹಾಪೌರರ ತಿಕ್ಕಾಟದಿಂದ  ಮಹತ್ವಾಕಾಂಕ್ಷೆಯ ಕಾರ್ಯಕ್ರಮ ರದ್ದಾಗಿದೆ.