ಭಟ್ಕಳ: ತಾಲೂಕಿನ ಬೆಳ್ಕೆ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಅಂಗನವಾಡಿಯಲ್ಲಿ 28 ವರ್ಷ ದೀರ್ಘಕಾಲ ಕಾರ್ಯನಿರ್ವಹಿ ನಿವೃತ್ತರಾದ ಸಾವಿತ್ರಿ ರಾಮಚಂದ್ರ ಮಹಾಲೆ ಇವರನ್ನು ಆತ್ಮೀಯವಾಗಿ ಬೀಳ್ಕೊಡಲಾಯಿತು. 
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ್ದ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯ ಸುಶಿಲಾ ಮೊಗೇರ್ ಮಾತನಾಡಿ ಅಂಗನವಾಡಿಯಲ್ಲಿ ಕಾರ್ಯನಿರ್ವಹಿಸುವುದೊಂದು ಪುಣ್ಯದ ಕೆಲಸ. ಸಾವಿತ್ರಿಯವರು ತಮ್ಮ ಪ್ರಾಮಾಣಿಕ ಸೇವೆಯಿಂದ ಈ ಭಾಗದಲ್ಲಿ ಉತ್ತಮ ಹೆಸರುಗಳಿಸಿದ್ದಾರೆ ಎಂದರು.  
ಅಂಗನವಾಡಿ ಶಿಕ್ಷಕಿ ಪದ್ಮಾ ನಾಯ್ಕ ಮಾತನಾಡಿ ಅಂಗನವಾಡಿ ಕಾರ್ಯಕರ್ತಯಾಗಿ ಸಾವಿತ್ರಿಯವರು ದಿರ್ಘಕಾಲದಿಂದ ಸೇವೆ ಸಲ್ಲಿಸಿದ್ದು ಅವರ ಸೇವೆ ತುಂಬ ಎಲ್ಲರಿಗೂ ಮಾದರಿಯಾಗಿದೆ ಎಂದರು. ಕಾರ್ಯಕ್ರಮದಲ್ಲಿ ಗ್ರಾಮ ಪಂಚಾಯತ್ ಸದಸ್ಯ ಈಶ್ವರ ನಾಯ್ಕ, ಊರಿನ ಮುಖಂಡರಾದ ಮಂಜಯ್ಯ ನಾಯ್ಕ, ಮಂಜುನಾಥ ನಾಯ್ಕ, ಹನುಮಂತ ನಾಯ್ಕ ಮಂತಾದವರು ಉಪಸ್ಥಿತರಿದ್ದರು
ಸರಕಾರಿ ಕಿರಿಯ ಪ್ರಾಥಮಿಕ ಶಾಲಾ ವಿಧ್ಯಾರ್ಥಿಗಳು ಸ್ವಾಗತ ಗೀತೆ ಹಾಡಿದರು. ಶಿಕ್ಷಕ ಮಂಜುನಾಥ ಎನ್. ನಾಯ್ಕ  ನಿರೂಪಿಸಿ ವಂದಿಸಿದರು.