ಇನ್ವರ್ಟರ್ ಬ್ಯಾಟರಿಗೆ ಬೆಂಕಿ; ೨೦ಲಕ್ಷಕ್ಕೂ ಅಧಿಕ ಮೌಲ್ಯದ ವಸ್ತುಗಳು ಹಾನಿ
ಭಟ್ಕಳ :ಇಲ್ಲಿನ ಮುಖ್ಯ ರಸ್ತೆಯ ಆ ಯಿಶಾ ಪ್ಲಾಜ ಎದುರು ಇರುವ ಕ್ವಾಲಿಟಿ ಹೋಟೆಲ್ ಬಳಿ ಪಕ್ಕದಮನೆಯಲ್ಲಿ ಇನ್ವರ್ಟರ್ ಬ್ಯಾಟರಿ ಯಲ್ಲಿ ಬೆಂಕಿ ಹಚ್ಚಿದ ಪರಿಣಾಮ 20 ಲಕ್ಷಕ್ಕೂ ಅಧಿಕ ಮೌಲ್ಯದ ವಸ್ತುಗಳು ಸುಟ್ಟು ಕರಕಲಾಗಿರುವ ಘಟನೆ ಭಾನುವಾರ ಜರಗಿದೆ.
ಘಟನೆ ನಡೆದ ಸಂದರ್ಭದಲ್ಲಿ ಮನೆಯ ಮಾಲೀಕ ನೂಹ ರುಕನುದ್ದೀನ್ ಮನೆಯಲ್ಲಿ ಮಲಗಿದ್ದರು ಎನ್ನಲಾಗಿದ್ದು ಮನೆಯಲ್ಲಿ ಹೊಗೆಯನ್ನು ಕಂಡ ಅವರು ಹೊರಗೆ ಓಡಿಬಂದು ಅಗ್ನಿಶಾಮಕದಳಕ್ಕೆ ಮಾಹಿತಿ ನೀಡಿದಾಗ ತಕ್ಷಣವೇ ಬಂದ ಅಗ್ನಿಶಾಮಕ ದಳದವರು ಬೆಂಕಿಯನ್ನು ನಂದಿಸಿ ಹೆಚ್ಚಿನ ಅನಾಹುತ ತಪ್ಪಿಸಿದ್ದಾರೆ.
ಇನ್ವರ್ಟರ್ ಬ್ಯಾಟರಿ ಇಂದ ಹೊತ್ತಿಕೊಂಡ ಬೆಂಕಿ ಮನೆಯಲ್ಲಿ ಅಳವಡಿಸಿದ್ದ ಎರಡು ಎ.ಸಿ, ಫ್ಯಾನ್, ಎಲೆಕ್ಟ್ರಾನಿಕ್ಸ್ ಉಪಕರಣ, ಬಟ್ಟೆ, ಪೀಠೋಪಕರಣ, ಫರ್ನಿಚರ್ ಸೇರಿದಂತೆ ಒಟ್ಟು 20 ಲಕ್ಷ ಅಧಿಕ ಮೌಲ್ಯದ ವಸ್ತುಗಳು ಬೆಂಕಿಗೆ ಆಹುತಿಯಾಗಿವೆ.ಘಟನಾ ಸ್ಥಳ ಮುಖ್ಯರಸ್ತೆಯ ಮಾರುಕಟ್ಟೆಯಲ್ಲಿದ್ದು ಅಕ್ಕಪಕ್ಕ ಹಲವಾರು ಅಂಗಡಿಗಳು ಹಾಗೂ ಜನ ನಿಬಿಡ ಪ್ರದೇಶವಾಗಿದೆ. ಸಕಾಲಕ್ಕೆ ಬಂದ ಅಗ್ನಿಶಾಮಕ ದಳದ ಸಿಬ್ಬಂದಿ ಅವರು ಬೆಂಕಿಯನ್ನು ನಂದಿಸಿ ಆಗಬಹುದಾದ ಅನಾಹುತವನ್ನು ತಪ್ಪಿಸಿದ್ದಾರೆ.
ಸಿಪಿಐ ದಿವಾಕರ್ ಪಿಎಸ್ಐ ಭರತ್ ಮಗು ಸಿಬ್ಬಂದಿಗಳು ಬೆಂಕಿಯನ್ನು ನಂದಿಸುವಲ್ಲಿ ಸಹಕರಿಸಿದ್ದಾರೆ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.