ದುಬೈ ನೀರುಗಾಲುವೆಯನ್ನು ಈಜಿದ ಮೊದಲ ಸೌದಿ ಮಹಿಳೆ ಡಾ.ಮರ್ಯಮ್
ದುಬೈ: ವೃತ್ತಿಯಲ್ಲಿ ದಂತೆ ವೈದ್ಯೆಯಾಗಿರುವ ಸೌದಿ ಅರೇಬಿಯಾದ ಡಾ.ಮರ್ಯಮ್ ಸಲಾಹ್ ಬಿನ್‌ಲಾಡೆನ್ ದುಬೈ ಕ್ರೀಕ್ ಮತ್ತು ನೀರುಗಾಲುವೆ( ವಾಟರ್ ಕ್ಯಾನಲ್ ) ಯನ್ನು ಯಶಸ್ವಿಯಾಗಿ ಈಜುವ ಮೂಲಕ ವಿಶ್ವ ದಾಖಲೆ ನಿರ್ಮಿಸಿದ್ದಾರೆ.
24 ಕಿ.ಮೀ ದೂರದ ದುಬೈ ಕ್ರೀಕ್ ಮತ್ತು ನೀರುಗಾಲುವೆಯನ್ನು 9 ಗಂಟೆ ಮತ್ತು 10 ನಿಮಿಷಗಳಲ್ಲಿ ಈಜಿ ದಡ ಸೇರುವ ಮೂಲಕ ಈ ಸಾಧನೆ ಮಾಡಿದ ಸೌದಿ ಅರೇಬಿಯಾದ ಮೊದಲ ಮಹಿಳೆ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ಶುಕ್ರವಾರ ನಸುಕಿನಲ್ಲಿ ಬೆಳಗ್ಗೆ 5 ಗಂಟೆಗೆ ಮರ್ಯಮ್‌ಅವರು ಅಲ್ ಸಿಂದಾಘದಲ್ಲಿ ದುಬೈ ಕ್ರೀಕ್‌ನಿಂದ ಈಜು ಆರಂಭಿಸಿದ್ದರು. ಭಾರೀ ಪ್ರವಾಹದ ವಿರುದ್ಧ ಈಜುತ್ತಾ ಮಧ್ಯಾಹ್ನ 2:10ಕ್ಕೆ ಪೋರ್ ಸೀಸನ್ಸ್ ಹೊಟೇಲ್ ಪಕ್ಕದ ಅಲ್ ಗುಬಾಯಿಬಾದಲ್ಲಿ ನೀರಿನಿಂದ ಹೊರಬಂದರು. ಇಂಗ್ಲೆಂಡ್‌ನಲ್ಲಿ ಜನಿಸಿ, ಜೆದ್ದಾದಲ್ಲಿ ಬೆಳೆದ ದಂತವೈದ್ಯೆ ಮರ್ಯಮ್ ಅವರು 2016ರಲ್ಲಿ ಲಂಡನ್‌ನಲ್ಲಿ ಥೇಮ್ಸ್ ನದಿಯನ್ನು( 162 ಕಿ.ಮಿ) ಈಜಿ ದಾಖಲೆ ಬರೆದಿದ್ದರು
