ಮದುವೆಗೆ ಅಡ್ಡಿಯಾದ ಕೊರೊನಾ ರೂಲ್ಸ್: ವಧು ಮಡಿಕೇರಿಯಲ್ಲಿ.. ವರ ಕೇರಳದಲ್ಲಿ ಲಾಕ್!

Source: S.O. News Service | By MV Bhatkal | Published on 27th February 2021, 5:39 PM | State News |

ಕೊಡಗು: ಜಿಲ್ಲೆಯ ಮಡಿಕೇರಿಯಲ್ಲಿ ಸೋಮವಾರ ನಡೆಯಬೇಕಿರುವ ಮದುವೆಗೆ ಕೊರೊನಾ ರೂಲ್ಸ್ ಅಡ್ಡಿಯಾಗಿದ್ದು, ಸದ್ಯ ವಿವಾಹ ನಡೆಯುತ್ತದೆಯೋ ಅಥವಾ ಇಲ್ಲವೋ ಎನ್ನುವ ಆತಂಕ ಕುಟುಂಬಸ್ಥರಲ್ಲಿ ಸೃಷ್ಟಿಯಾಗಿದೆ.ಕೊರೊನಾ ಆರಂಭವಾದ ದಿನದಿಂದಲೂ ಸಾಕಷ್ಟು ಮದುವೆಗಳು ಮುಂದಕ್ಕೆ ಹೋಗಿವೆ. ಹಾಗಂತ ವಿವಾಹ ಇನ್ನಿತರ ಸಮಾರಂಭದ ಸಂಖ್ಯೆ ಏನೂ ಕಡಿಮೆಯಾಗಿಲ್ಲ. ಆದರೆ ಈಗ ಮಡಿಕೇರಿಯಲ್ಲಿ ನಡೆಯುವ ಮದುವೆಗೆ ಕೊರೊನಾ ಅಡ್ಡಿಯಾಗಿದೆ. ಇದಕ್ಕೆ ಕಾರಣ ಮಡಿಕೇರಿ ವಧುವಿಗೆ ಕೇರಳದ ವರನ ಜೊತೆ ಮದುವೆ ನಿಶ್ಚಯವಾಗಿರುವುದೇ ಆಗಿದೆ.
ಕೇರಳದಲ್ಲಿ ಕೊರೊನಾ ಹೆಚ್ಚಳದ ಹಿನ್ನೆಲೆಯಲ್ಲಿ ಕೇರಳದಿಂದ ಕರ್ನಾಟಕ ಮುಕ್ತ ಪ್ರವೇಶಕ್ಕೆ ನಿರ್ಬಂಧ ಹಾಕಿದ್ದು, 72 ಗಂಟೆಗಳ ಮುಂಚಿನ ಕೊರೊನಾ ನೆಗೆಟಿವ್ ರಿಪೋರ್ಟ್ ಕಡ್ಡಾಯವಾಗಿದೆ. ಭಾನುವಾರ ಸರ್ಕಾರಿ ಪ್ರಯೋಗಾಲಯ ಬಂದ್ ಆಗಿದ್ದು, ಕೊರೊನಾ ವರದಿ ಸಿಗದೆ ವರನ ಕಡೆಯವರು ಪರದಾಟ ನಡೆಸುವಂತಾಗಿದೆ.
ಭಾನುವಾರ ಸರ್ಕಾರಿ ಪ್ರಯೋಗಾಲಯ ಮುಚ್ಚಿದ್ದು, ಖಾಸಗಿ ಪ್ರಯೋಗಾಲಯದಲ್ಲಿ 2,500 ರೂಪಾಯಿ ಶುಲ್ಕ ತೆಗೆದುಕೊಳ್ಳುತ್ತಾರೆ. ಇನ್ನು ಮಡಿಕೇರಿಗೆ ವಿವಾಹಕ್ಕೆ ಬರಲು 15 ಮಂದಿ ಹೊರಟಿದ್ದು, ಖಾಸಗಿ ಪ್ರಯೋಗಾಲಯದಲ್ಲಿ 15 ಮಂದಿಗೆ 35,000 ರೂಪಾಯಿ ಶುಲ್ಕವಾಗುತ್ತದೆ. ಹೀಗಾಗಿ ಅಷ್ಟೊಂದು ಹಣವಿಲ್ಲದೆ ವರನ ಕಡೆಯವರು ಪರದಾಡುತ್ತಿದ್ದು, ಮದುವೆ ನಡೆಯುತ್ತದೆಯೋ ಇಲ್ಲವೋ ಎಂಬ ಆತಂಕ ಮೂಡಿದೆ.
ವರದಿ ಇಲ್ಲದೆ ಪ್ರವೇಶ ನೀಡುವಂತೆ ವಧು ಕಡೆಯವರು ಸದ್ಯ ಜಿಲ್ಲಾಡಳಿತದ ಮೊರೆ ಹೋಗಿದ್ದು, ಮದುವೆಗೆ ವರನ ಕಡೆಯವರು ಮಡಿಕೇರಿಗೆ ಬರಲು ಮುಕ್ತ ಅವಕಾಶ ನೀಡುವಂತೆ ಮನವಿ ಮಾಡಿಕೊಂಡಿದ್ದಾರೆ. ಒಟ್ಟಾರೆ ಕೊರೊನಾ ದೇಶವನ್ನು ವ್ಯಾಪಿಸಿ ಒಂದು ವರ್ಷಕ್ಕಿಂತ ಹೆಚ್ಚು ಅವಧಿ ಕಳೆದರೂ ಇನ್ನೂ ಕೂಡ ವಿವಾಹದಂತಹ ಸಮಾರಂಭಗಳನ್ನು ನಡೆಸಲು ಜನರು ಆತಂಕ ಪಡುವಂತಾಗಿದೆ.

 

 

 

 

Read These Next

ಕೋವಿಡ್ ನಿಯಂತ್ರಣಕ್ಕೆ ಕಠಿಣ ನಿರ್ಬಂಧಗಳ ಹೊಸ ಮಾರ್ಗಸೂಚಿ ಜಿಲ್ಲೆಯಲ್ಲಿ ಯಥಾವತ್ ಅನುಷ್ಠಾನ- ಜಿಲ್ಲಾಧಿಕಾರಿ ನಿತೇಶ್ ಪಾಟೀಲ

ಧಾರವಾಡ : ದೇಶದಲ್ಲಿ ಕೋವಿಡ್ 2ನೇ ಅಲೆ ಹೆಚ್ಚುತ್ತಿರುವುದರಿಂದ ರಾಜ್ಯ ಸರ್ಕಾರ ಹೊರಡಿಸಿರುವ ಹೊಸ ಮಾರ್ಗಸೂಚಿಗಳನ್ನು ಜಿಲ್ಲೆಯಲ್ಲಿ ...

ಕುಕ್ಕೆ ಸುಬ್ರಹ್ಮಣ್ಯ ದೇವಾಲಯಕ್ಕೆ ಬಂದ ಭಕ್ತರಿಗೆ ನಿರಾಶೆ. ಬುಧವಾರದಿಂದ ಮುಚ್ಚಿದ ದೇವಾಲಯ. ಸೇವೆಗಳು ಬಂದ್.

ಮಂಗಳೂರು : ದೇವಸ್ಥಾನಗಳಿಗೆ ಭಕ್ತರ ಪ್ರವೇಶ ನಿರ್ಬಂಧಿಸಿ ಸರ್ಕಾರದ ಆದೇಶ ಹೊರಡಿಸಿದ ಹಿನ್ನಲೆಯಲ್ಲಿ ಸರ್ಪ ಸಂಸ್ಕಾರ ಸೇವೆಗೆ ...

1ರಿಂದ 9ನೇ ತರಗತಿಗಳಿಗೆ ಪೈನಲ್ ಪರೀಕ್ಷೆಯಿಲ್ಲ. ವಿದ್ಯಾಗಮ, ಆನ್‌ಲೈನ್ ಚಟುವಟಿಕೆ ಆಧರಿಸಿ ಮೌಲ್ಯಾಂಕನ ವಿಶ್ಲೇಷಣೆ ಫಲಿತಾಂಶ

ಬೆಂಗಳೂರು: ಕೊರೋನಾ ಸೋಂಕಿನ ಎರಡನೇ ಅಲೆ ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಒಂದರಿಂದ ಒಂಭತ್ತನೇ ತರಗತಿಗಳಿಗೆ ವಿದ್ಯಾಗಮ, ...