ಭಟ್ಕಳ:ತಾಲೂಕಿನ ಬೈಲೂರು ತೆಂಗಾರ ಗೂಡ ಅಂಗಡಿ ಎದುರಿನ ಸಾರ್ವಜನಿಕ ಸ್ಥಳದಲ್ಲಿ ಸಾರಾಯಿ ಸೇವನೆ ಮಾಡುತ್ತಿದ್ದ ಆರೋಪದ ಮೇಲೆ ಪೊಲೀಸರು ಓರ್ವ ವ್ಯಕ್ತಿಯನ್ನು ವಶಕ್ಕೆ ಪಡೆದಿದ್ದು, ಮೂವರು ಪರಾರಿಯಾಗಿರುವ ಘಟನೆ ನಡೆದಿದೆ.
ಆರೋಪಿಯನ್ನು ತಾಲೂಕಿನ ಬೈಲೂರು ತೆಂಗಾರ ನಿವಾಸಿ ರಮೇಶ ಶನಿಯಾರ ನಾಯ್ಕ (53) ಎಂದು ಗುರುತಿಸಲಾಗಿದೆ. ಪೊಲೀಸರು 180 ಎಮ್‌ಎಲ್ ಅಳತೆಯ 3 ಓಲ್ಡ್ ಟಾವರ್ನ್ ವಿಸ್ಕಿ ಪ್ಯಾಕೇಟ್‌ಗಳು, 90 ಎಮ್‌ಎಲ್ ಅಳತೆಯ ಹೇವಾರ್ಡ್ಸ್ ಚೀಯರ್ ವಿಸ್ಕಿ 5 ಪ್ಯಾಕೇಟ್‌ಗಳು, 90 ಎಮ್‌ಎಲ್ ಅಳತೆಯ 4 ಬೆಂಗಳೂರು ವಿಸ್ಕಿ ಪ್ಯಾಕೇಟ್‌ಗಳು, 90 ಎಮ್‌ಎಲ್ ಅಳತೆಯ 4 ಹೇವಾರ್ಡ್ ಪ್ಯಾಕೇಟ್‌ಗಳು ಹಾಗೂ ಲೋಟಗಳನ್ನು ಪೊಲೀಸರು ಜಪ್ತುಪಡಿಸಿಕೊಂಡಿದ್ದಾರೆ. ಮುರುಡೇಶ್ವರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.