ಭಟ್ಕಳ: ಕಂಟೇನ್ಮೆಟ್ ಪ್ರದೇಶದಲ್ಲಿ ಜಿಲ್ಲಾಡಳಿತದ ಮಾರ್ಗಸೂಚಿಯನ್ನು ಉಲ್ಲಂಘಿಸಿ ಒಂದು ವೇಳೆ ಮದ್ಯಮಾರಾಟ ಮಾಡಿದ್ದರೆ ಅದು ತಪ್ಪು ಎಂದು ಭಟ್ಕಳ ಬಿಜೆಪಿ ಮಂಡಲಾಧ್ಯಕ್ಷ ಸುಬ್ರಾಯ ದೇವಾಡಿಗ ಹೇಳಿದರು.
ಅವರು ಭಟ್ಕಳ ಬಿಜೆಪಿ ಕಚೇರಿಯಲ್ಲಿ ಕರೆದ ಸುದ್ದಿಗೋಷ್ಟಿಯಲ್ಲಿ ಮಾತನಾಡಿದರು. ಮಾಜಿ ಶಾಸಕ ಮಂಕಾಳ ವೈದ್ಯ ಅವರು ಕಂಟೇನ್ಮೆಮಟ್ ಪ್ರದೇಶದಲ್ಲಿ ಶಾಸಕರ ಅಂಗಡಿಯಲ್ಲಿ ಸರಾಯಿ ಮಾರಾಟ ಮಾಡುತ್ತಿದಾರೆ ಎಂದು ಆರೋಪಿಸಿದರು. ಈ ಆರೋಪವನ್ನು ಅಲ್ಲಗಳೆದ ಮಂಡಲಾಧ್ಯಕ್ಷ ಸುಬ್ರಾಯ ದೇವಾಡಿಗ ಅವರು ಜಿಲ್ಲಾಡಳಿತದ ಮಾರ್ಗಸೂಚಿಯಂತೆ ನೀಡದ ಅನುಮತಿಯಂತೆ ಅವರು ಮಾರಾಟ ಮಾಡಿದ್ದಾರೆ. ಒಂದು ವೇಳೆ ನಿಯಮ ಉಲ್ಲಂಘಿಸಿದ್ದೆ ಆದರೆ ಮಾಜಿ ಶಾಸಕರು ದೂರು ನೀಡಬಹುದಿತ್ತು. ಅಲ್ಲದೆ ಶಾಸಕರು ನಾಪತ್ತೆಯಾಗಿದ್ದಾರೆ ಹುಡುಕಿಕೋಡಿ ಅಂದಿರುವದು ಬಾಲಿಶ ಹೇಳಿಕೆ. ಪ್ರತಿದಿನ ಶಾಸಕ ಸುನೀಲ ನಾಯ್ಕ ಜನರೊಂದಿಗೆ ಬೆರೆತು ಜನಪರ ಕಾರ್ಯದಲ್ಲಿ ನಿರತರಾಗಿರುವದನ್ನು ಇವರು ಗಮನಿಸಬೇಕು.
ಬಿಜೆಪಿಯಲ್ಲಿ ಕಾರ್ಯಕರ್ತರನ್ನು ಕಡೆಗಣಿಸುತ್ತಿದ್ದಾರೆ. ಹಿಂದೆ ಹಲವು ಪದವಿಯನ್ನು ಅಲಂಕರಿಸಿದ್ದ ಮುಕುಂದ ನಾಯ್ಕ ವಿರುದ್ದ ಶಾಸಕ ಸುನೀಲ ನಾಯ್ಕ ನಾನ್ ಬೆಲೆಬಲ್ ದಾವೆ ಹೂಡುತ್ತಾರೆ. ಇನ್ನೊಬ್ಬ ಕಾರ್ಯಕರ್ತನ ಮನೆಯನ್ನು ರದ್ದುಪಡಿಸುವಂತೆ ಆಗ್ರಹಿಸುತ್ತಾರೆ. ಪಕ್ಷದ ವರಿಷ್ಟರ ಗಮನಕ್ಕೆ ತರದೆ ಏಕಾಏಕಿ ನಿರ್ಧಾರ ಕೈಗೊಳ್ಳುತ್ತಾರೆ ಎನ್ನುವ ಆರೋಪವಿದೆಯಲ್ಲ ಎಂದು ಪತ್ರಕರ್ತರು ಪ್ರಶ್ನಿಸಿದರು. ಇದಕ್ಕೆ ಉತ್ತರಿಸಿದ ಸುಬ್ರಾಯ ದೇವಾಡಿಗ ವಸಂತ ಸಣ್ತಮ್ಮ ನಾಯ್ಕ ಪಕ್ಷ ವಿರೋಧಿ ಚಟುವಟಿಕೆಯಲ್ಲಿ ಭಾಗಿಯಾಗಿದ್ದಾರೆ ಎಂದು ಉತ್ತರಿಸಿದರೆ ಹೊರತು ಮುಕುಂದ ನಾಯ್ಕ ವಿಚಾರದಲ್ಲಿ ಮೌನವಹಿಸಿದರು. ಈ ಸಂದರ್ಬದಲ್ಲಿ ಬಿಜೆಪಿ ಮುಖಂಡರಾದ ರಾಜೇಶ ನಾಯ್ಕ, ಪ್ರಮೋದ ಜೋಶಿ, ಭಾಸ್ಕರ ದೈಮನೆ, ದಾಸ ನಾಯ್ಕ ಸೇರಿ ಇತರರು ಇದ್ದರು.