ಅಂಕೋಲಾ : ಪಶ್ಚಿಮ ಪದವೀಧರರ ಚುನಾವಣೆಯ ಮತದಾನ ಸಂದರ್ಭದಲ್ಲಿ   ಕಾಂಗ್ರೆಸ್ ಮತ್ತು ಬಿಜೆಪಿ ಕಾರ್ಯಕರ್ತರ ನಡುವೆ ಗಲಾಟೆಯಾದ ಘಟನೆ ಅಂಕೋಲಾದಲ್ಲಿ ನಡೆದಿದೆ.

 ಕಾರವಾರ ಶಾಸಕಿ ರೂಪಾಲಿ ನಾಯ್ಕ ಚುನಾವಣೆ ನಿಯಮ ಉಲ್ಲಂಘಿಸಿದ್ದಾರೆಂದು ಆರೋಪಿಸಿ ಕಾಂಗ್ರೆಸ್  ಬೆಂಬಲಿಗರು ತಗಾದೆ ತೆಗೆದಿದ್ದರು. ಅಂಕೋಲಾ ತಹಶೀಲ್ದಾರರ ಕಛೇರಿಯ  ಮತಗಟ್ಟೆಯ 100 ಮೀಟರ್ ವ್ಯಾಪ್ತಿಯಲ್ಲಿ ಗುಂಪು ಕಟ್ಟಿಕೊಂಡು ಶಾಸಕಿ ರೂಪಾಲಿ ನಾಯ್ಕ  ಮತದಾರರೊಂದಿಗೆ ಮಾತನಾಡುತ್ತಿದ್ದಾರೆ.  ಮತಗಟ್ಟೆ ಬಳಿ ಶಾಸಕರ  ಗುಂಪಾಗಿ ಮಾತಾಡುವುದು ಏನಿತ್ತು ಎಂದು ಪ್ರಶ್ನಿದಿದ್ದಲ್ಲದೇ ನಿಂತಿದ್ದಕ್ಕೆ ಕಾಂಗ್ರೆಸ್ ಬೆಂಬಲಿಗರು ವಿರೋಧ ವ್ಯಕ್ತಪಡಿಸಿದ್ದಾರೆ.  

ಶಾಸಕಿ ರೂಪಾಲಿ ನಾಯ್ಕ 200 ಮೀಟರ್ ನಿಷೇಧಾಜ್ಞೆ ಉಲ್ಲಂಘಿಸಿದ್ದಾರೆ‌. ಕಾಂಗ್ರೆಸ್‌ನವರಿಗೆ 200 ಮೀಟರ್ ವ್ಯಾಪ್ತಿಯಲ್ಲಿ ನಿಲ್ಲುವಂತೆ ಸೂಚಿಸಿದ್ದ ಅಧಿಕಾರಿಗಳು,  ಪಕ್ಷಭೇದ ಮಾಡುತ್ತಿದ್ದಾರೆಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.