ಮಂಡ್ಯ ಜಿಲ್ಲಾ ಪಂಚಾಯತ್ ಬಜೆಟ್ ಮಂಡನೆ

Source: so news | By Manju Naik | Published on 19th June 2019, 9:17 PM | State News | Don't Miss |

ಮಂಡ್ಯ: 2019-20ನೇ ಸಾಲಿನ ಅಯವ್ಯಯವನ್ನು ಜಿಲ್ಲಾ ಪಂಚಾಯತ್ ಅಧ್ಯಕ್ಷರಾದ ನಾಗರತ್ನಸ್ವಾಮಿ ಅವರು ಇಂದು ಬೆಳಿಗ್ಗೆ ಜಿ.ಪಂ.ನ ಕಾವೇರಿ ಸಭಾಂಗಣದಲ್ಲಿ ತಮ್ಮ ರೂ. 90802.60 ಲಕ್ಷ ಆಯವ್ಯಯವನ್ನು ಮಂಡಿಸಿದರು. 
ಜಿಲ್ಲಾ ಪಂಚಾಯತ್ ಕಾರ್ಯಕ್ರಮಗಳಿಗೆ ರೂ. 29302.34 ಲಕ್ಷಗಳು, ತಾಲ್ಲೂಕು ಪಂಚಾಯಿತಿಗೆ ರೂ 61386.26 ಲಕ್ಷಗಳು, ಗ್ರಾಮ ಪಂಚಾಯಿತಿಗೆ ರೂ. 114 ಲಕ್ಷಗಳು ಮೀಸಲಿರಿಸಿದರು. ಅಂದರೆ 2019-20ನೇ ಸಾಲಿನ ಆಯವ್ಯದಲ್ಲಿ ಜಿಲ್ಲಾ ಪಂಚಾಯತ್ ಕಾರ್ಯಗಳಿಗೆ ಶೇ.32.27, ತಾಲ್ಲೂಕು ಪಂಚಾಯತ್ ಕಾರ್ಯಗಳಿಗೆ ಶೇ,67.60 ಹಾಗೂ ಗ್ರಾಮ ಪಂಚಾಯತ್ ಕಾರ್ಯಗಳಿಗೆ ಶೇ.0.13ರಷ್ಟು ಅನುದಾನ ಹಂಚಿಕೆ ಮಾಡಲಾಯಿತು.
ಕಳೆದ ವರ್ಷಕ್ಕಿಂತ ಈ ಬಾರಿ 130.74.17 ಲಕ್ಷಗಳ ಅನುದಾನ ಹೆಚ್ಚುವರಿಯಾಗಿ ಜಿಲ್ಲಾ ಪಂಚಾಯತ್‍ಗೆ ದೊರಕಿದ್ದು, ಪ್ರಸಕ್ತ ಸಾಲಿನಲ್ಲಿ ಬಿಡುಗಡೆಯಾಗಿರುವ ಅನುದಾನವನ್ನು ಜಿ.ಪಂ. ವ್ಯಾಪ್ತಿಯ 28 ಇಲಾಖೆಗಳಿಗೆ ಬಿಡುಗಡೆ ಮಾಡಲಾಗಿದೆ ಎಂದು ಜಿಲ್ಲಾ ಪಂಚಾಯತ್ ಅಧ್ಯಕ್ಷರು ತಿಳಿಸಿದರು. 
28 ಇಲಾಖೆಗಳ ಪೈಕಿ ಸಾರ್ವಜನಿಕ ಶಿಕ್ಷಣ ಇಲಾಖೆಯ ಅಭಿವೃದ್ಧಿ ಹಾಗೂ ನಿರ್ವಹಣೆಗಾಗಿ ಪ್ರಸಕ್ತ ಸಾಲಿನಲ್ಲಿ 4,318 ಲಕ್ಷ, ಜಿಲ್ಲಾ ವಯಸ್ಕರ ಶಿಕ್ಷಣ ಇಲಾಖೆಗೆ 7.9ಲಕ್ಷ, ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆಗೆ 195.01ಲಕ್ಷ, ಆರೋಗ್ಯ ಇಲಾಖೆಗೆ 4,784.72 ಲಕ್ಷ, ಗ್ರಾಮೀಣ ನೀರು ಸರಬರಾಜು ಮತ್ತು ನೈರ್ಮಲ್ಯ ಇಲಾಖೆಗೆ 246.05 ಕೋಟಿ ರೂ.ಗಳ ಅನುದಾನ, ಸಮಾಜ ಕಲ್ಯಾಣ ಇಲಾಖೆಗೆ 1888.67 ಲಕ್ಷ ಅನುದಾನ ಹಂಚಿಕೆ ಮಾಡಲಾಗಿದೆ ಎಂದು ಅವರ ವಿವರಿಸಿದರು. 
ಶಿಕ್ಷಣ ಇಲಾಖೆಗೆ ಹೆಚ್ಚು ಒತ್ತು ನೀಡಲಾಗಿದೆ.
2018-19ನೇ ಸಾಲಿನಲ್ಲಿ ಶಿಕ್ಷಣ ಇಲಾಖೆ ಕಾರ್ಯಗಳಿಗೆ 43692 ಲಕ್ಷಗಳ ಅನುದಾನ ನಿಗದಿಪಡಿಸಲಾಗಿತ್ತು. ಆದರೆ ಈ ಸಾಲಿನಲ್ಲಿ ಶಿಕ್ಷಣ ಇಲಾಖೆಯ ಎಲ್ಲಾ ಕಾರ್ಯಕ್ರಮಗಳಿಗೆ 52268 ಲಕ್ಷಗಳನ್ನು ನಿಯೋಜಿಸಲಾಗಿದೆ. 
ಸರ್ಕಾರಿ ಶಾಲೆಯಲ್ಲಿ ಓದುತ್ತಿರುವ 93,980 ವಿದ್ಯಾರ್ಥಿಗಳಿಗೆ ಉಚಿತ ಸಮವಸ್ತ್ರ ಮತ್ತು ಸರ್ಕಾರಿ ಮತ್ತು ಅನುದಾನಿತ ಶಾಲೆಗಳಲ್ಲಿ 1ರಿಂದ 10ನೇ ತರಗತಿಗಳಲ್ಲಿ ವ್ಯಾಸಂಗ ಮಾಡುತ್ತಿರುವ 1,16,272 ವಿದ್ಯಾರ್ಥಿಗಳಿಗೆ ಉಚಿತ ಪಠ್ಯಪುಸ್ತಕಗಳನ್ನು ವಿತರಿಸಲಾಗಿದೆ. ವಾರದಲ್ಲಿ ಐದು ದಿನಗಳು ಸರ್ಕಾರಿ ಮತ್ತು ಅನುದಾನಿತ ಶಾಲೆಯ 1ರಿಂದ 10ನೇ ತರಗತಿವರೆಗಿನ ವಿದ್ಯಾರ್ಥಿಗಳಿಗೆ ಕ್ಷೀರಭಾಗ್ಯ ಯೋಜನೆಯಡಿ ಹಾಲು ವಿತರಣೆ ಮಾಡಲಾಗಿದೆ. ಈ ಎಲ್ಲ ಯೋಜನೆಗೆ 6318 ಲಕ್ಷಗಳನ್ನು ಹಂಚಿಕೆ ಮಾಡಲಾಗಿದೆ.
ಜಿಲ್ಲೆಯ 15ರಿಂದ 35 ವಯೋಮಿತಿಯ ಯುವ ಜನರಿಗೆ ಯುವ ಚಟುವಟಿಕೆ ಗಳನ್ನು ಸಂಘಟಿಸಲು ಹಾಗೂ ಭಾಗವಹಿಸಲು ಅಗತ್ಯವಿರುವ ಮಾರ್ಗದರ್ಶನ ನೀಡುವ ಮತ್ತು ಕ್ರೀಡಾ ಚಟುವಟಿಕೆಗಳಿಗೆ ಪ್ರೋತ್ಸಾಹ ನೀಡುವ ಸಲುವಾಗಿ 195.01 ಲಕ್ಷವನ್ನು ಒದಗಿಸಲಾಗಿದೆ. ಈ ಅನುದಾನವನ್ನು ಕ್ರಿಯಾ ಯೋಜನೆಯಲ್ಲಿ ಅಳವಡಿಸಿ ಕೊಂಡಿರುವಂತೆ ಅನುಮೊದನೆ ಪಡೆದು ವೆಚ್ಚ ಭರಿಸಲು ಕ್ರಮ ವಹಿಸಲಾಗುತ್ತದೆ.
ಆರೋಗ್ಯ ಇಲಾಖೆಯ ಕಾರ್ಯಕ್ರಮಗಳಿಗೆ ಜಿಪಂ ಲೆಕ್ಕ ಶೀರ್ಷಿಕೆಗಳಿಗೆ ರೂ.4784 ಲಕ್ಷಗಳು ಮತ್ತು ತಾಪಂ ಲೆಕ್ಕ ಶೀರ್ಷಿಕೆಗಳಿಗೆ 220 ಲಕ್ಷ ರೂ.ಗಳು ಹಾಗೂ ಕುಟುಂ ಕಲ್ಯಾಣ ಕಾರ್ಯಕ್ರಮದ ಲ್ಕ ಶೀರ್ಷಿಕೆಗಳಿಗೆ 16662 ಲಕ್ಷಗಳು (ಕೇಂದ್ರ ಪುರಸ್ಕøತ ಯೋಜನೆ) ಅನುದಾನ ಸೇರಿ 6666 ಲಕ್ಷಗಳು ನಿಗದಿಯಾ ಗಿದ್ದು, ಇದರಲ್ಲಿ ಆರೋಗ್ಯ ಇಲಾಖೆಯ ಕಟ್ಟಡಗಳ ದುರಸ್ಥಿಗಾಗಿ 52 ಲಕ್ಷ, ಸಲಕರಣೆಗಳ ಖರೀದಿ ಮತ್ತು ರಿಪೇರಿಗಾಗಿ 21ಲಕ್ಷ ಹಾಗೂ ತಾಪಂ ಲೆಕ್ಕ ಶೀಷಿಕೆಯಡಿಯಲ್ಲಿ ಸಾಮಾಗ್ರಿಗಳ ಖರೀದಿಗಾಗಿ 21ಲಕ್ಷಗಳನ್ನು ಒದಗಿಸಲಾಗಿದೆ.
ಗ್ರಾಮೀಣ ಕುಡಿಯುವ ನೀರು ಪೂರೈಕೆ ಯೋಜೆಗಳ ಕ್ರಿಯಾ ಯೋಜನೆಗಳ ಕ್ರಿಯಾ ಯೋಜನೆ ರೂಪಿಸಲು 246.05 ಕೋಟಿಗಳ ಅನುದಾನ ಹಂಚಿಕೆ ಮಾಡಲಾಗಿದ್ದು, ಅದರಲ್ಲಿ ಬಹು ಗ್ರಾಮ ಕುಡಿಯುವ ನೀರು ಸರಬರಾಜು ಯೋಜನೆಗೆ ರೂ.19030 ಕೋಟಿಗಳಾಗಿದ್ದು, ಲೆಕ್ಕ ಶೀರ್ಷಿಕೆ 2215ರಡಿಯಲ್ಲಿ ರೂ.9.78ಕೋಟಗಳನ್ನು 4215ರಡಿಯಲ್ಲಿ ರೂ 30.02 ಕೋಟಿಗಳನ್ನು ಎಸ್‍ಡಿಪಿ ಯೋಜನೆಯಡಿ ರೂ15.96 ಕೋಟಿಗಳನ್ನುನಿಗದಿಪಡಿಸಲಾಗಿದೆ.
ಸಭೆಯಲ್ಲಿ ಜಿಲ್ಲಾ ಪಂಚಾಯತ್ ಉಪಾಧ್ಯಕ್ಷೆ ಗಾಯತ್ರಿ ರೇವಣ್ಣ, ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಕೆ.ಯಾಲಕ್ಕಿಗೌಡ, ಸ್ಥಾಯಿ ಸಮಿತಿ ಅಧ್ಯಕ್ಷರಾದ ಶಿವಪ್ರಕಾಶ್, ರವಿ ಇತರರು ಉಪಸ್ಥಿತರಿದ್ದರು.

Read These Next

ಚಾಲಕ ಪರವಾನಿಗೆ ಮತ್ತು ಇನ್ಸುರೆನ್ಸ್ ಅದಾಲತ್ ನಡೆಸಬೇಕೆಂದು ರೈತ ಸಂಘದಿಂದ ಆಗ್ರಹ

ಕೋಲಾರ : ಮೋಟರ್ ಕಾಯ್ದೆ ತಿದ್ದುಪಡಿ ಬಳಿಕ ನೂತನ ಸಂಚಾರ ನಿಯಮಗಳ ಬಗ್ಗೆ ಜನ ಸಾಮಾನ್ಯರಲ್ಲಿ ಕರಪತ್ರದ ಮುಖಾಂತರ ಜಾಗೃತಿ ಮೂಡಿಸಿ ಪ್ರತಿ ...

ಶ್ರೀನಿವಾಸಪುರ:ಆಯಷ್ಮಾನ್‌ ಭಾರತ್‌ ಆರೋಗ್ಯ ಕರ್ನಾಟಕ ಪ್ರಚಾರ ಜಾಥಾಗೆ ಶಾಸಕ ಕೆ.ಆರ್‌.ರಮೇಶ್‌ ಕುಮಾರ್‌ ಚಾಲನೆ

ಶ್ರೀನಿವಾಸಪುರ:ಆಯಷ್ಮಾನ್‌ ಭಾರತ್‌ ಆರೋಗ್ಯ ಕರ್ನಾಟಕ ಪ್ರಚಾರ ಜಾಥಾಗೆ ಶಾಸಕ ಕೆ.ಆರ್‌.ರಮೇಶ್‌ ಕುಮಾರ್‌ ಚಾಲನೆ