ಭಟ್ಕಳ: ಪುಸ್ತಕಗಳೇ ನಮಗೆ ನಿಜಾದ ಸಂಗಾತಿ ಎಂದು ಸಾಹಿತಿ ಝಮೀರುಲ್ಲ ಷರೀಫ ನುಡಿದರು.
 ಅವರು ಇಲ್ಲಿನ ಜಾÐನೇಶ್ವರಿ ಶಿಕ್ಷಣ ಮಹಾವಿದ್ಯಾಲಯದ ಹಾಗೂ ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ತಿನ ಸಹಯೋಗದಲ್ಲಿ ನಡೆದ ಬಿ.ಪಿ.ಶೀವಾನಂದ ರಾವ್ ಅವರ ಬಿಡಿ ಬರಹಗಳ ಸಂಕಲನ ಹಕೀಕತ್ತು ಕೃತಿಯನ್ನು ಬಿಡುಗಡೆಗೊಳಿಸಿ ಅವರು ಮಾತನಾಡಿದರು. ಸಾಹಿತ್ಯದ ಓದು ವ್ಯಕ್ತಿಯನ್ನು ಸಂಸ್ಕರಿಸುತ್ತದೆ. ಭಾವಿ ಶಿಕ್ಷಕರಾಗುವ ಪ್ರಶಿಕ್ಷಣಾರ್ಥಿಗಳು ಓದುವ ಬರೆಯುವ ಹವ್ಯಾಸವನ್ನು ಬೆಳೆಸಿಕೊಳ್ಳುವುದರ ಜೊತೆಗೆ, ಮಕ್ಕಳು ಹೆಚ್ಚು ಓದುವಂತೆ ಪ್ರೇರೇಪಿಸಬೇಕು ಎಂದು ನುಡಿದರು. ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಕಾಲೇಜಿನ ಪ್ರಾಚಾರ್ಯ ಡಾ ಆರ್ ನರಸಿಂಹ ಮೂರ್ತಿ ಮಾತನಾಡಿ, ಸಾಹಿತಿಗಳ ಕೃತಿ ಮತ್ತು ಬದುಕಿನ ಅವಲೋಕನ ಮಾಡಿದಾಗ, ನಮ್ಮಲ್ಲಿ ವೈಚಾರಿಕತೆ ಮೂಡುತ್ತದೆ. ಮಾನಸಿಕ ವಿಕಾಸಕ್ಕೂ ಸಹಾಯಕವಾಗುತ್ತದೆ. ಪ್ರಶಿಕ್ಷಕರು ಸಾಹಿತ್ಯಿಕ ಕೃತಿಗಳನ್ನು ಕೊಂಡು ಓದುವ ಹವ್ಯಾಸವನ್ನು ಬೆಳೆಸಿಕೊಳ್ಳಬೇಕು ಎಂದರು. ತಾಲೂಕಾ ಕಸಾಪ ವತಿಯಿಂದ ಬಿ.ಪಿ.ಶಿವಾನಂದರಾವ ಅವರನ್ನು ಸನ್ಮಾನಿಸಲಾಯಿತು. ಕೃತಿಕಾರ ಬಿ.ಪಿ.ಶಿವಾನಂದ ಮಾತನಾಡಿದರು. ಸಾಹಿತಿ ಶ್ರೀಧರ ಶೇಟ್ ಕೃತಿಪರಿಚಯ ಮಾಡಿದರು. ಕಸಾಪ ತಾಲೂಕಾಧ್ಯಕ್ಷ ಗಂಗಾಧರ ನಾಯ್ಕ ಸ್ವಾಗತಿಸಿ ಆಶಯ ನುಡಿಗಳನ್ನಾಡಿದರು. ಸುಮಂಗಲಾ, ಮಣಿರತ್ನಾ, ವೇದಾ, ಸುಮಿತ್ರಾ, ಪರಮೇಶ್ವರಿ ನಿತ್ಯೋತ್ಸವ ಗೀತೆಯೊಂದಿಗೆ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಪ್ರಶಿಕ್ಷಣಾರ್ಥಿ ಚಂದ್ರಪ್ರಭಾ ಕೊಡಿಯಾ ನಿರೂಪಿಸಿದರು. ಕಾರ್ಯಕ್ರಮದಲ್ಲಿ ಸಾಹಿತಿ ನಾರಾಯಣ ಯಾಜಿ, ಕಸಾಪ ಗೌರವ ಕಾರ್ಯದರ್ಶಿ ಗಣೇಶ ಯಾಜಿ, ಕೃಷ್ಣ ಮೊಗೇರ, ಉಪನ್ಯಾಸಕ ವೃಂದದವರು ಹಾಗೂ ಪ್ರಶಿಕ್ಷಣಾರ್ಥಿಗಳು ಉಪಸ್ಥಿತರಿದ್ದರು.