ನ್ಯೂಯಾರ್ಕ್ :ಡೆಮಾಕ್ರಟಿಕ್ ಪಕ್ಷದ ಜೋ ಬೈಡನ್ ಅಮೆರಿಕದ ಚುನಾವಣಾ ಇತಿಹಾಸದಲ್ಲಿ ಇತರ ಯಾವುದೇ ಅಧ್ಯಕ್ಷೀಯ ಅಭ್ಯರ್ಥಿಗಳಿಗಿಂತ ಹೆಚ್ಚಿನ ಮತಗಳನ್ನು ಗೆದ್ದಿದ್ದಾರೆ. ಈ ಮೂಲಕ ಮಾಜಿ ಅಧ್ಯಕ್ಷ ಬರಾಕ್ ಒಬಾಮ ಅವರು ನಿರ್ಮಿಸಿದ್ದ ದಾಖಲೆಯನ್ನು ಮುರಿದಿದ್ದಾರೆ ಎಂದು ಮಾಧ್ಯಮವೊಂದು ವರದಿ ಮಾಡಿದೆ.
ನವೆಂಬರ್ 4 ರಂದು ಬೈಡನ್ 70.7 ಮಿಲಿಯನ್ಗೂ ಅಧಿಕ ಮತಗಳನ್ನು ಪಡೆದಿದ್ದು ಇದು ಈತನಕ ಅಧ್ಯಕ್ಷ ಸ್ಥಾನಕ್ಕಾಗಿ ಸ್ಪರ್ಧಿಸಿರುವ ಅಭ್ಯರ್ಥಿಗಳು ಪಡೆದಿರುವ ಮತಗಳ ದಾಖಲೆ ಮುರಿದಿದೆ ಎಂದು ನ್ಯಾಶನಲ್ ಪಬ್ಲಿಕ್ ರೇಡಿಯೊ(ಎನ್ಪಿಆರ್)ವರದಿ ಮಾಡಿದೆ.
ಟ್ರಂಪ್ ಅವರು 67.32 ಮಿಲಿಯನ್ ಮತಗಳೊಂದಿಗೆ ಒಬಾಮಾ ಅವರ ಮತಗಳಿಕೆಯ ದಾಖಲೆ ಸಮೀಪದಲ್ಲಿದ್ದಾರೆ. 2008ರಲ್ಲಿ ಒಬಾಮ ಸ್ಥಾಪಿಸಿದ್ದ 69,498,516 ಮತಗಳ ದಾಖಲೆ ಯನ್ನು ಬೈಡನ್ ಮೀರಿಸಿದ್ದಾರೆ.
ಶ್ವೇತಭವನಕ್ಕಾಗಿ ನಡೆದ ಬಿರುಸಿನ ಚುನಾವಣಾ ಮತ ಹೋರಾಟದಲ್ಲಿ ಬೈಡನ್ ಹಾಲಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ಗಿಂತ 2.7 ಮಿಲಿಯನ್ ಮತಗಳಿಗಿಂತ ಮುಂದಿದ್ದಾರೆ.