ಭಟ್ಕಳ: ಮಳೆಯ ನಡುವೆ ಮನುಷ್ಯನ ಜೀವ ತಿನ್ನುತ್ತಿರುವ ಸೊಳ್ಳೆಗಳು

Source: S O News Service | By V. D. Bhatkal | Published on 4th September 2019, 11:41 AM | Coastal News | Special Report | Don't Miss |

ಭಟ್ಕಳ: ನಿರಂತರ ಮಳೆಯಿಂದಾಗಿ ಊರ ನಡುವೆ ಹೊಳೆ ಹಳ್ಳ ನಿರ್ಮಾಣವಾಗಿದ್ದು, ಹಲವು ಪ್ರದೇಶಗಳಲ್ಲಿ ಮಳೆಯ ನೀರು ಮುಂದಕ್ಕೆ ಹರಿದು ಹೋಗದ ಕಾರಣ ನಿಂತ ನೀರಿನಲ್ಲಿ ವಿಪರೀತ ಎಂಬಂತೆ ಸೃಷ್ಟಿಯಾಗಿರುವ ಸೊಳ್ಳೆಗಳು ಮನುಷ್ಯನ ಜೀವವನ್ನು ತಿನ್ನುತ್ತಿರುವುದು ಕಂಡು ಬಂದಿದೆ.

ತಾಲೂಕಿನ ಬಹುತೇಕ ಪ್ರದೇಶಗಳನ್ನು ಸೊಳ್ಳೆಗಳು ಆವರಿಸಿಕೊಂಡಿವೆ. ಬೆಳಿಗ್ಗೆ ಹಾಗೂ ಸಂಜೆಯ ಹೊತ್ತಿಗೆ ಮನೆ ಹಾಗೂ ಅಂಗಡಿಗಳ ಒಳಗೆ ದಾಂಗುಡಿ ಇಡುತ್ತಿರುವ ಸೊಳ್ಳೆಗಳು ಇಲ್ಲಿನ ಜನರಿಗೆ ಸಂಕಷ್ಟವನ್ನು ತಂದೊಡ್ಡಿವೆ. ಎಲ್ಲಿಯೇ ಕುಂತರೂ, ನಿಂತರೂ ಸೊಳ್ಳೆಗಳು ಹಿಂಬಾಲಿಸಿ ಮುತ್ತಿಕೊಳ್ಳುತ್ತಿವೆ. ತಿನ್ನುವ ಹಾರದ ಮೇಲೆಯೂ ಸೊಳ್ಳೆಗಳು ಸರ್ಕಸ್ ಮುಂದುವರೆಸಿವೆ. ಪುಟ್ಟ ಮಕ್ಕಳ ಕಥೆಯನ್ನಂತೂ

ಭಟ್ಕಳದಲ್ಲಿ 2019ರಲ್ಲಿ 17 ಡೆಂಗ್ಯೂ ಹಾಗೂ 1 ಮಲೇರಿಯಾ ಪ್ರಕರಣಗಳು ದಾಖಲಾಗಿವೆ. ಇದರಲ್ಲಿ 13 ಪ್ರಕರಣಗಳು ಭಟ್ಕಳದ ಹೊರಗೆ ಉಳಿದುಕೊಂಡು ಕಾಯಿಲೆಗೆ ತುತ್ತಾಗಿ ಬಂದ ಭಟ್ಕಳಿಗರದ್ದಾಗಿದೆ. ಸೊಳ್ಳೆಗಳ ನಿಯಂತ್ರಣವನ್ನು ಸ್ವಚ್ಛತೆಗೆ ಆದ್ಯತೆಗೆ ನೀಡುವುದರಿಂದ ಸಾಧಿಸಬಹುದು. ಇದಕ್ಕೆ ಸಾಮೂಹಿಕ ಕಾಳಜಿ, ಕ್ರಮ ಅತ್ಯಗತ್ಯವಾಗಿದೆ.
  - ಡಾ.ಮೂರ್ತಿ ಭಟ್, ಭಟ್ಕಳ ತಾಲೂಕು ಆರೋಗ್ಯಾಧಿಕಾರಿಗಳು

ಕೇಳುವುದೇ ಬೇಡ. ಸುರಿವ ಮಳೆಯ ತಂಪಿನಲ್ಲಿಯೂ ರಾತ್ರಿ ಮನೆಯ ಫ್ಯಾನ್ ತಿರುಗಲೇ ಬೇಕಾಗಿದೆ. ಕೆಲವೊಮ್ಮೆ ಗಾಳಿಯ ನಡುವೆಯೇ ಒಳ ಮನೆಯನ್ನು ಸೇರಿಕೊಳ್ಳುವ ಯತ್ನ ನಡೆಸುತ್ತಿವೆ. ಸೊಳ್ಳೆಗಳು ಸೊಳ್ಳೆ ಬತ್ತಿ, ಗುಡ್‍ನೈಟ್ ಯಂತ್ರಕ್ಕೂ ಕ್ಯಾರೇ ಮಾಡುತ್ತಿಲ್ಲ. ಮನುಷ್ಯನ ಮೈಯನ್ನು ಹತ್ತಿ ಕುಳಿತುಕೊಳ್ಳುವ ಸೊಳ್ಳೆಗಳ ಲಾಲಾರಸದಿಂದ ತುರಿಕೆ ಹೆಚ್ಚಾಗುತ್ತಿದೆ. ಜನರು ಡೆಂಗ್ಯೂ, ಚಿಕನ್‍ಗುನ್ಯಾ, ಆನೆಕಾಲು ಸೇರಿದಂತೆ ಸೊಳ್ಳೆ ತರುವ ಕಾಯಿಲೆಗಳ ಬಗ್ಗೆ ಭಯಭೀತರಾಗಿದ್ದಾರೆ.

ಸಾವಿರ ಸೊಳ್ಳೆಗಳು! : ಮುನುಷ್ಯನಿಗೆ ಹೆಣ್ಣು ಸೊಳ್ಳೆಗಳು ಮಾರಕವಾಗಿ ಪರಿಣಮಿಸಿವೆ. ಸೊಳ್ಳೆಗಳು ಸಾಮಾನ್ಯವಾಗಿ ನಿಂತ ನೀರಿನಲ್ಲಿ ಮೊಟ್ಟೆಗಳನ್ನಿಟ್ಟು ಸಂತಾನ ವೃದ್ಧಿಸಿಕೊಳ್ಳುತ್ತವೆ. ಮನುಷ್ಯನೂ ಸೇರಿದಂತೆ ಪ್ರಾಣಿಗಳ ರಕ್ತವನ್ನು ಹೀರುವ ಈ ಹೆಣ್ಣು ಸೊಳ್ಳೆಗಳನ್ನು ರಕ್ತ ಕುಡಿಯುವ ಪಿಶಾಚಿಗಳೆಂದೇ ಕರೆಯಲಾಗುತ್ತಿದೆ. ಸರಿಸುಮಾರು 3500 ಜಾತಿಯ ಸೊಳ್ಳೆಗಳಲ್ಲಿ ಮನುಷ್ಯನಿಗೆ 100 ಜಾತಿಯ ಸೊಳ್ಳೆಗಳು ಮಾರಕವಾಗಿದ್ದು, 100 ವಿವಿಧ ರೀತಿಯ ಕಾಯಿಲೆಗಳನ್ನು ಹೊತ್ತು ತರುತ್ತಿದೆ. 

ಭಟ್ಕಳ ಹೊಲಸಾಗುತ್ತಿದೆ: ತಾಲೂಕಿನಲ್ಲಿ ಮಳೆಯ ನೀರು ಮಾತ್ರವಲ್ಲ, ಇಲ್ಲಿನ ಓಪನ್ ಚರಂಡಿಯ ನೀರೂ ಸರಿಯಾಗಿ ಹರಿದು ಹೋಗದೇ ಭಟ್ಕಳ ಪಟ್ಟಣ ಪ್ರದೇಶ ಹೊಲಸಿನ ಮನೆಯಾಗಿ ಪರಿವರ್ತನೆ ಹೊಂದಿದೆ. ಇದರ ಜೊತೆಗೆ ಅಲ್ಲಲ್ಲಿ ಹಳ್ಳಗಳು ನಿರ್ಮಾಣವಾಗಿದ್ದು, ಸೊಳ್ಳೆಗಳ ಹೆಚ್ಚಳಕ್ಕೆ ಕಾರಣವಾಗಿದೆ. ಆದರೆ ಸೊಳ್ಳೆಗಳ ನಿರ್ಮೂಲನೆಯ ಬಗ್ಗೆ ಯಾರೂ ತಲೆ ಕೆಡಿಸಿಕೊಳ್ಳುತ್ತಿಲ್ಲ. ಸ್ವಚ್ಛತೆಯ ಬಗ್ಗೆ ಅದೆಷ್ಟೇ ಪ್ರಚಾರ ನೀಡದರೂ ಜನರು ಬದಲಾಗದ ಜನರು ಸೊಳ್ಳೆಗಳನ್ನು ಬರಮಾಡಿಕೊಳ್ಳುತ್ತಲೇ ಇದ್ದಾರೆ. ಸಾಲದೆಂಬಂತೆ ಮಲೇರಿಯಾ ಸಂಬಂಧ ಈ ಹಿಂದೆ ಬಳಸಲಾಗುತ್ತಿದ್ದ ಡಿಡಿಟಿ ಈಗ ಇಲ್ಲವಾಗಿದ್ದು, ಡೆಂಗ್ಯೂಗೆ ಕಡಿವಾಣ ಹಾಕುತ್ತಿದ್ದ ಫಾಗಿಂಗ್ ಸಹ ಹೆಚ್ಚು ಕಡಿಮೆ ಮರೆತೇ ಹೋಗಿದೆ. ಪರಿಣಾಮವಾಗಿ ಸೊಳ್ಳೆಗಳು ಯಾರ ನಿಯಂತ್ರಣಕ್ಕೂ ಸಿಗುತ್ತಿಲ್ಲ. 

Read These Next

ಸೌದಿ ಅರೇಬಿಯಾದ ತಾಯಿಫ್‌ನಲ್ಲಿ ಕಾರು ಅಪಘಾತ ಉಡುಪಿ ಜಿಲ್ಲೆಯ ಯುವಕನ ಸಾವು ಮತ್ತೊಬ್ಬ  ಗಂಭೀರ

ಭಟ್ಕಳ:  ಸೌದಿ ಅರೇಬಿಯಾದ ತಾಯಿಫ್‌ ಎಂಬಲ್ಲಿ ಬುಧವಾರ ನಡೆದ ರಸ್ತೆ ಅಪಘಾತದಲ್ಲಿ  ಉಡುಪಿ ಜಿಲ್ಲೆಯ ಗಂಗೋಳಿ ನಿವಾಸಿಗಳಾದ ಮುಹಮ್ಮದ್ ...

ತಬ್ಲಿಗಿ ವೈರಸ್, ಪಾಕಿಸ್ತಾನಿ ಪಿಶಾಚಿಗಳು: ಕನ್ನಡ ಮಾಧ್ಯಮಗಳ 'ದ್ವೇಷ ಪ್ರೇಮ'ದ ಹಲವು ಮುಖಗಳು

ವಕೀಲರು, ಸಾಹಿತಿಗಳು ಮತ್ತು ಸಾಮಾಜಿಕ ಹೋರಾಟಗಾರರನ್ನೊಳಗೊಂಡ ಸಂಘಟನೆ ‘ದಿ ಕ್ಯಾಂಪೇನ್ ಅಗೇನ್‌ಸ್ಟ್ ಹೇಟ್ ಸ್ಪೀಚ್’ (ಸಿಎಎಚ್‌ಎಸ್) ...

ಪ್ರಜಾಸತ್ತೆಯ ಬಂಧನ!

ಭಾರತದಲ್ಲಿ ಮತ್ತೆ ಬ್ರಿಟಿಷ್ ಕ್ರೌರ್ಯದ ಕಾಲಕ್ಕೆ ಮರಳಿದೆ. ಮನುವಾದಿ ಶಕ್ತಿಗಳು ಆ ಕಾಲವನ್ನು ನಿಯಂತ್ರಿಸುತ್ತಿದೆ. ಏಕಲವ್ಯನ ಬೆರಳು ...

5 ಲಕ್ಷ ಚಂದಾದಾರ ಸಂಖ್ಯೆಯ ಗಡಿ ದಾಟಿದ ಭಟ್ಕಳದ ಸಾಹಿಲ್ ಆನ್ ಲೈನ್; ಇದು ಗುರಿಯಲ್ಲ ಮೈಲಿಗಲ್ಲು ಎಂದ ಸೈಯ್ಯದ್ ಖಲೀಲ್

ಭಟ್ಕಳ: ಕಳೆದ 5 ವರ್ಷಗಳಿಂದ  ಕರಾವಳಿ ಕರ್ನಾಟಕದ ಸೇರಿದಂತೆ ರಾಜ್ಯ, ರಾಷ್ಟ್ರೀಯ ಮತ್ತು ಜಾಗತಿಕ ಸುದ್ದಿಗಳನ್ನು ಪ್ರಸಾರ ಮಾಡುತ್ತಿರುವ ...