ಭಟ್ಕಳ:ಅರಣ್ಯ ಸಿಬ್ಬಂದಿಗಳಿಂದ ಕಿರುಕುಳ ಎದುರಿಸುತ್ತಿರುವ ಸ್ಥಳಿಯ ಯಲವಡಿ ಕವೂರು ಗ್ರಾಮ ಪಂಚಾಯತ ವ್ಯಾಪ್ತಿಯ ಹಡಿನ್ ಗ್ರಾಮದ ಅರಣ್ಯ ಅತಿಕ್ರಮಣದಾರ ಶಂಕರ ಮಂಜಪ್ಪ ನಾಯ್ಕ ಇವರ ಅರಣ್ಯ ಅತಿಕ್ರಮಣ ಪ್ರದೇಶಕ್ಕೆ  ಜಿಲ್ಲಾ ಅರಣ್ಯ ಭೂಮಿ ಹಕ್ಕು ಹೋರಾಟಗಾರರ ವೇದಿಕೆಯ ಅಧ್ಯಕ್ಷ ರವೀಂದ್ರ ನಾಯ್ಕ ನೇತೃತ್ವದ ನಿಯೋಗವು ಸ್ಥಳಕ್ಕೆ ಭೇಟಿ ನೀಡಿ ಅನಾವಶ್ಯಕ ಅರಣ್ಯ ಸಿಬ್ಬಂದಿಗಳು ಕಿರುಕುಳ ಕೊಡುತ್ತಿರುವ ಕ್ರಮವನ್ನು ನಿಯೋಗವು ಖಂಡಿಸಿತು. 
ಶಂಕರ ಮಂಜಪ್ಪ ನಾಯ್ಕ ಹಡಿನ್ ಗ್ರಾಮ ಫಾರೆಸ್ಟ್ ಸ.ನಂ. 70 ರಲ್ಲಿ 02-10-00 ಜಮೀನಿನಲ್ಲಿ ಅನಾದಿಕಾಲದಿಂದಲೂ ವಾಸ್ತವ್ಯದ ಮನೆ ಕಟ್ಟಿಕೊಂಡು ತೆಂಗು, ಬಾಳೆ, ಗೇರು, ಅಡಿಕೆ ಮುಂತಾದ ಹಣ್ಣು ಹಂಪಲು ಗಿಡಗಳನ್ನು ಬೆಳೆಸಿದ್ದು ಅರಣ್ಯ ಹಕ್ಕು ಕಾಯಿದೆ ಅಡಿಯಲ್ಲಿ ಗ್ರಾಮ ಅರಣ್ಯ ಹಕ್ಕು ಸಮಿತಿಗೆ ಜುಲೈ 2009 ರಂದು ಅರ್ಜಿ ಸಲ್ಲಿಸಿದ್ದು ಅರ್ಜಿಯೂ ವಿಚಾರಣೆ ಹಂತದಲ್ಲಿ ಇದ್ದು ಸಾಗುವಳಿ ಕ್ಷೇತ್ರದ ಜಿ.ಪಿ.ಎಸ್. ಸಹಿತ ಜರುಗಿರುವ ಹಿನ್ನೆಲೆಯಲ್ಲಿ ಅರಣ್ಯ  ಸಿಬ್ಬಂದಿಗಳು ಜರುಗಿಸುತ್ತಿರುವ ಕಿರುಕುಳವನ್ನು ಕಾನೂನು ಬಾಹಿರ ಎಂದು ವೇದಿಕೆ ಅಧ್ಯಕ್ಷ ರವೀಂದ್ರ ನಾಯ್ಕ ಅರಣ್ಯ ಸಿಬ್ಬಂದಿಗಳ ಕಾನೂನು ಬಾಹಿರ ಕೃತ್ಯವನ್ನು ತೀವೃವಾಗಿ ಆಕ್ಷೇಪಿಸಿದ್ದಾರೆ. 
ಪ್ರಾಧಿಕಾರಕ್ಕೆ ದೂರು:
ಅರಣ್ಯ ಹಕ್ಕು ಕಾಯಿದೆಯಲ್ಲಿ ಅರ್ಜಿ ವಿಚಾರಣೆ ಹಂತದಲ್ಲಿ ವಿನಾಕಾರಣ ಕಿರುಕುಳ ಮತ್ತು ಸಾಗುವಳಿಗೆ ಆತಂಕ ಮಾಡಿರುವುದು ಕಾನೂನಿಗೆ ವ್ಯತಿರಿಕ್ತವಾದ ಕ್ರಮವಾಗಿದ್ದು ಇಂತಹ ಕಾನೂನಿಗೆ ವ್ಯತಿರಿಕ್ತವಾಗಿ ಕೃತ್ಯ ಜರುಗಿಸುತ್ತಿರುವ ಅರಣ್ಯ ಸಿಬ್ಬಂದಿಗಳ ಮೇಲೆ ರಾಜ್ಯ ಅರಣ್ಯ ಹಕ್ಕು ಸಮಿತಿ ಪ್ರಾಧಿಕಾರಕ್ಕೆ ದೂರು ಸಲ್ಲಿಸಲಾಗುವುದು ಎಂದು ವೇದಿಕೆ ಜಿಲ್ಲಾಧ್ಯಕ್ಷ ರವೀಂದ್ರ ನಾಯ್ಕ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.