ಧಾರವಾಡ:ನಗರದ ಸಿಎಸ್‌ಐ ಕಾಲೇಜ್ ರಸ್ತೆಯಲ್ಲಿ ತಾತ್ಕಾಲಿಕವಾಗಿ ನಿರ್ಮಿಸಿರುವ ಬಸ್ ತಂಗುದಾಣದಲ್ಲಿ ಏಪ್ರಿಲ್ ೩ ರಂದು ಬೆಳಗಿನ ಜಾವ ಆರು ಗಂಟೆಗೆ ಅನಾಮಧೇಯ ವ್ಯಕ್ತಿಯೊಬ್ಬರ ಶವ ಪತ್ತೆಯಾಗಿದೆ. ಬಸ್ ನಿಲ್ದಾಣದ ಕಬ್ಬಿಣದ ಸರಳುಗಳಿಗೆ ನೇಣು ಹಾಕಿಕೊಂಡು ಸಾವಿಗೀಡಾಗಿರುವ ವ್ಯಕ್ತಿಯು ಸುಮಾರು ೨೫ ರಿಂದ ೩೦ ವರ್ಷದ ವಯೋಮಾನದವರಾಗಿದ್ದು, ೫ ಅಡಿ ೬ ಇಂಚು ಎತ್ತರ, ತೆಳ್ಳನೆ ಮೈಕಟ್ಟು, ಕೋಲುಮುಖ, ನೀಟಾದ ಮೂಗು, ಏರು ಹಣೆ, ಗೋಧಿ ಮೈಬಣ್ಣದ ಚಹರೆ ಹೊಂದಿದ್ದರು. ಶವ ಪತ್ತೆಯಾದಾಗ ಮೈಮೇಲೆ ಕೆಂಪು ಹಾಗೂ ಕಪ್ಪು ಬಣ್ಣದ ತುಂಬುತೋಳಿನ ಅಂಗಿ ಹಾಗೂ ಕೆಂಪು ಬಣ್ಣದ ನೈಟ್ ಪ್ಯಾಂಟ್ ಧರಿಸಿದ್ದರು. ಇವರ ವಾರಾಸುದಾರರು ಯಾರಾದರೂ ಇದ್ದಲ್ಲಿ ಧಾರವಾಡ ಶಹರ ಪೊಲೀಸ್ ಠಾಣೆಗೆ ಖುದ್ದಾಗಿ ಅಥವಾ ೦೮೩೬-೨೨೩೩೫೧೨, ೯೪೮೦೮೦೨೦೩೨ ದೂರವಾಣಿ ಸಂಖ್ಯೆಗಳಿಗೆ ಸಂಪರ್ಕಿಸಲು ಪೊಲೀಸ್ ಪ್ರಕಟಣೆ ತಿಳಿಸಿದೆ.