ಬೆಂಗಳೂರು-ವಿಜಯಪುರ ನಡುವೆ ಎ.ಸಿ ಸ್ಲೀಪರ್ ಸಾರಿಗೆ ಸೇವೆ
ಬೆಂಗಳೂರು: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮದ, ಬೆಂಗಳೂರು ಕೇಂದ್ರೀಯ ವಿಭಾಗದ ವತಿಯಿಂದ ಸಾರ್ವಜನಿಕ ಪ್ರಯಾಣಿಕರ ಅನುಕೂಲಕ್ಕಾಗಿ ಬೆಂಗಳೂರು-ವಿಜಯಪುರ ವಯಾ ತುಮಕೂರು, ಚಿತ್ರದುರ್ಗ, ಕೂಡ್ಲಗಿ, ಹೊಸಪೇಟೆ, ಇಳಕಲ್ ಮಾರ್ಗದಲ್ಲಿ ಎ.ಸಿ ಸ್ಲೀಪರ್ ಸಾರಿಗೆಯನ್ನು ಆಗಸ್ಟ್ 27 ರಿಂದ ಪ್ರಾರಂಭಿಸಿ ಕಾರ್ಯಾಚರಣೆ ಮಾಡಲಾಗುತ್ತಿದೆ.
ವೇಳಾ ಪಟ್ಟಿ ಮತ್ತು ಪ್ರಯಾಣದರ ಬೆಂಗಳೂರು- ವಿಜಯಪುರ ಮಾರ್ಗವಾಗಿ (ಎ.ಸಿ ಸ್ಲೀಪರ್) ಬೆಂಗಳೂರು -ವಿಜಯಪುರ ಪ್ರಯಾಣ ದರ ವಯಸ್ಕರಿಗೆ 1050/- ನಿಗಧಿಪಡಿಸಿದ್ದು, ಬಸ್ಸು ಬೆಂಗಳೂರಿನಿಂದ ಹೊರಡುವ ಸಮಯ 20:30, ವಿಜಯಪುರ ತಲುಪುವ ಸಮಯ 06:15, ವಿಜಯಪುರದಿಂದ ಹೊರಡುವ ಸಮಯ 20:30, ಬೆಂಗಳೂರು ತಲುಪುವ ಸಮಯ 06:15 ಆಗಿರುತ್ತದೆ ಎಂದು ಅಧಿಕೃತ ಪ್ರಕಟಣೆ ತಿಳಿಸಿದೆ.