ಭಟ್ಕಳ: ಇಲ್ಲಿನ ತಾಲೂಕಾಸ್ಪತ್ರೆಯಲ್ಲಿ ಶುಕ್ರವಾರದಂದು ಸಂಜೆ ಮಹಿಳೆಯೋರ್ವಳು ದೇಹದ ಚರ್ಮಗಳು ಸುಟ್ಟ ರೀತಿಯಲ್ಲಿ ವಿಚಿತ್ರ ರೀತಿಯ ಗಂಡು ಮಗುವೊಂದು ಜನಿಸಿದ್ದು ತಾಲೂಕಿನಾದ್ಯಂತ ಈ ವಿಚಾರದಲ್ಲಿ ಸುದ್ದಿಯಾಗಿದೆ.

ಇಲ್ಲಿನ ತಲಾಂದ ಗ್ರಾಮದ ಮಹಿಳೆರ್ಯೋವಳಿಗೆ ವಿಚಿತ್ರ ಮಗು ಜನಿಸಿದ್ದು ಎನ್ನಲಾಗಿದೆ. ಈ ಹಿಂದೆ 2015ರಲ್ಲಿ ಸಹ ಇದೇ ರೀತಿಯ ಮಗುವಿಗೆ ಮಹಿಳೆ ಜನ್ಮ ನೀಡಿದ್ದು ಕೆಲವು ದಿನದ ಬಳಿಕ ಮಗು ಸಾವನ್ನಪ್ಪಿರುವ ಬಗ್ಗೆ ತಿಳಿದು ಬಂದಿದೆ. ನಂತರ ಎರಡನೇ ಮಗುವೊಂದು ಜನಿಸಿದ್ದು ಆ ಮಗು ಎಲ್ಲರಂತಿದ್ದು ಸದ್ಯ 2 ವರ್ಷ ತುಂಬಿದೆ. ಇದಾದ ಬಳಿಕ ಮಹಿಳೆ ಮೂರನೇ ಬಾರಿ ಗರ್ಭಿಣಿಯಾಗಿದ್ದು ಮತ್ತೆ ಮೂರನೇ ಮಗು ಮೊದಲಿನ ಮಗುವನ ರೀತಿಯಲ್ಲಿ ಜನಿಸಿದ್ದು ಮಹಿಳೆ ಹಾಗೂ ಕುಟುಂಬಕ್ಕೆ ಬೇಸರ ಉಂಟಾಗಿದೆ.

ಸದ್ಯ ಮಗುವಿನ ಸ್ಥಿತಿ ಗಂಬೀರವಾಗಿದ್ದು ತಾಲೂಕಾಸ್ಪತ್ರೆಯಲ್ಲಿ ದಾಖಲಾಗಿದೆ. ಈ ಕುರಿತು ಆರೋಗ್ಯ ಇಲಾಖೆ ಅಧಿಕಾರಿಗಳು ಈ ರೀತಿಯ ಮಗುವನ ಜನನಕ್ಕೆ ಕಾರಣವೇನು ಎಂಬುದು ಪತ್ತೆ ಹಚ್ಚಬೇಕಾಗಿದೆ ಎಂಬುದೇ ಸಾರ್ವಜನಿಕರ ಅಭಿಪ್ರಾಯವಾಗಿದೆ. 

ಈ ಕುರಿತು ಮಹಿಳೆಗೆ ಹೆರಿಗೆ ಮಾಡಿಸಿದ ವೈದ್ಯ ಡಾ. ಸಂತೋಷ ಮಾಧ್ಯಮಕ್ಕೆ ಪ್ರತಿಕ್ರಿಯಿಸಿದ್ದು ‘ ಮಕ್ಕಳ ತಜ್ಞರ ಬಳಿ ಮಗುವಿನ ಜನನದ ಬಗ್ಗೆ ತಿಳಿಸಿದ್ದು ಒಂದು ರೀತಿಯಲ್ಲಿ ಮಗುವಿನ ದೇಹ ಸುಟ್ಟ ರೀತಿಯಲ್ಲಿ ಕಂಡು ಬಂದಿದೆ. ಇನ್ನುಳಿದಂತೆ ದೇಹದ ಎಲ್ಲಾ ಅಂಗಾಗಗಳು ಸರಿಯಾಗಿ ಕಾರ್ಯ ಮಾಡುತ್ತಿದೆ. ಮೇಲ್ನೋಟಕ್ಕೆ ಇದು ಮಗುವಿನ ಬೆಳವಣಿಗೆಯ ವೇಳೆಯಲ್ಲಿಯೇ ಈ ರೀತಿಯಾಗಲಿದೆ.