ಭಟ್ಕಳ: ಭಟ್ಕಳದಲ್ಲಿ 9 ಕೋವಿಡ್-19 ಪ್ರಕರಣಗಳು ಸೇರಿದಂತೆ ಉತ್ತರಕನ್ನಡ ಜಿಲ್ಲೆಯಲ್ಲಿ 23 ಕೊರೋನಾ ಪ್ರಕರಣಗಳು ಭಾನುವಾರ ಬೆಳಕಿಗೆ ಬಂದಿವೆ.  

ಭಟ್ಕಳದಲ್ಲಿ 9, ಕುಮಟಾದಲ್ಲಿ 5, ಮುಂಡಗೋಡ, ಹಳಿಯಾಳದಲ್ಲಿ ತಲಾ 3, ಅಂಕೋಲಾ, ಕಾರವಾರ, ಶಿರಸಿಯಲ್ಲಿ ತಲಾ ಒಂದು ಪ್ರಕರಣ ದೃಢಪಟ್ಟಿದೆ.

ಇಂದಿನ ಹೊಸ ಪ್ರಕರಣಗಳೊಂದಿಗೆ, ಜಿಲ್ಲೆಯಲ್ಲಿ ಕರೋನಾ ಸೋಂಕಿಗೆ ಒಳಗಾದವರ ಸಂಖ್ಯೆ 356 ಕ್ಕೆ ಏರಿದಂತಾಗಿದೆ. ಅವರಲ್ಲಿ ಹೆಚ್ಚಿನವರು ಚೇತರಿಸಿಕೊಂಡು ಆಸ್ಪತ್ರೆಯಿಂದ ಬಿಡುಗಡೆಗೊಂಡಿದ್ದಾರೆ.

ಇಂದು ಭಟ್ಕಲ್‌ನಲ್ಲಿ ಬೆಳಕಿಗೆ ಬಂದಿರುವ ಒಂಬತ್ತು ಪ್ರಕರಣಗಳಲ್ಲಿ ಕೇರಳದಿಂದ ಹಿಂದಿರುಗಿದ ಮುರಢೇಶ್ವರದ 26 ವರ್ಷದ ಯುವಕ, ದೀರ್ಘ ಕಾಲದಿಂದ ಹಾಸಿಗೆ ಹಿಡಿದಿದ್ದ 76 ವರ್ಷದ ಮಹಿಳೆ ಸೋಂಕಿತೆ ನರ್ಸ್ ನ ಸಂಪರ್ಕಕ್ಕೆ ಬಂದಿದ್ದರಿಂದ ಅವರ ವರದಿಯೂ ಪಾಸಿಟಿವ್ ಆಗಿದೆ. ಇಬ್ಬರು ಮಹಿಳೆಯರು, ನಾಲ್ಕು ಪುರುಷರು ಮತ್ತು ಒಬ್ಬ ಹುಡುಗ ಇವರು ಇತ್ತಿಚೆಗೆ ಸಾವನ್ನಪಿರುವ ಯುವಕನ ಮದುವೆಯಲ್ಲಿ ಭಾಗವಹಿಸಿದ್ದರು ಎನ್ನಲಾಗಿದೆ.

ಭಟ್ಕಳದ ಮಹಿಳೆಯೊಬ್ಬರ ವರದಿ ಮಂಗಳೂರಿನಲ್ಲಿ ಪಾಸಿಟಿವ್: ಮೂತ್ರ ಸಂಬಂಧಿಸಿ ರೋಗದಿಂದ ಮಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆಗೆ ದಾಖಲಾಗಿರುವ  ಭಟ್ಕಳ ಮೂಲದ ಮಹಿಳೆಯ ವರದಿಯು ಕರೋನಾ ಪಾಸಿಟಿವ್ ಆಗಿದೆ ಎಂದು ತಿಳಿದುಬಂದಿದೆ. 65 ವರ್ಷದ ಮಹಿಳೆ ಈಗ ಉತ್ತಮ ಮತ್ತು ಆರೋಗ್ಯವಾಗಿದ್ದಾರೆ ಎಂದು ಮೂಲಗಳು ತಿಳಿಸಿವೆ.